【 နိုင်ငံတကာ 】 ဖူကူရှီးမား နျူကလီးယားဓာတ်အားပေးစက်ရုံမှ ရေများကို ပင်လယ်ထဲ ကြာသပတေးနေ့ ထုတ်လွှတ်မည်
တိုကျို၊ သြဂုတ် - ၂၂
ကမ္ဘာ့အဆိုးရွားဆုံး နျူကလီးယားဘေးအန္တရာယ်ကျရောက်ပြီး ၁၂ နှစ်အကြာတွင် ဂျပန်နိုင်ငံ၊ ဖူကူရှီးမား ဓာတ်အားပေးစက်ရုံမှ အအေးခံရေကို ကြာသပတေးနေ့တွင် စတင်ထုတ်လွှတ်တော့မည်ဖြစ်ပါတယ်။
ထိခိုက်ခဲ့သော နျူကလီးယားစက်ရုံမှာ စုပုံနေတဲ့ အိုလံပစ်ရေကူးကန် ၅၀၀ ကျော်ရဲ့ ပမာဏရှိတဲ့ ရေတွေကို ဂျပန်က ကုလသမဂ္ဂအေဂျင်စီက ကျောထောက်နောက်ခံပြုမှုနဲ့ ဂျပန်က ပင်လယ်ထဲ ဘေးကင်းစွာ ဖြည်းဖြည်းချင်းထုတ်လွှတ်မှာဖြစ်ပါတယ်။
ဝန်ကြီးချုပ် ဖူမီအို ကီရှီဒါက ရေထုတ်လွတ်မှုကို ကန့်ကွက်တဲ့ ငါးဖမ်းလုပ်ငန်းကိုယ်စားလှယ်တွေနဲ့ ဆွေးနွေးပြီး နောက်တစ်ရက်မှာ “ရာသီဥတုနဲ့ ပင်လယ်ပြင်အခြေအနေက မတားဘူးဆိုရင်” ဟု ဆိုကာ ထုတ်လွှတ်မယ့်နေ့ကို ကြေညာခဲ့တာဖြစ်ပါတယ်။
၂၀၁၁ ခုနှစ် မတ်လက လှုပ်ခတ်ခဲ့ ပြင်းထန်သော ငလျင်နှင့် ဆူနာမီကြောင့် လူပေါင်း ၁၈,၀၀၀ ခန့် သေဆုံးခဲ့ပြီး ဖူကူရှီးမား-ဒိုင်အီချီ နျူကလီးယားဓာတ်အားပေးစက်ရုံမှာ ၎င်း၏ ဓာတ်ပေါင်းဖိုသုံးလုံးကို အရည်ပျော်ကျစေခဲ့ပါတယ်။
ထိုအချိန်မှစ၍ TEPCO လုပ်ငန်းသည် အအေးခံရန်အတွက် အသုံးပြုသည့် ရေဒီယိုသတ္တိကြွဓာတ်ပေါင်းဖိုများ၏ ကျန်ရှိနေသေးသော စိမ့်ဝင်နေသော မြေအောက်ရေနှင့် မိုးရေတို့ ရောစပ်နေသည် ရေတန်ချိန် ၁.၃၄ သန်း စုဆောင်းခဲ့ပါတယ်။
ထရီတီယမ်မှလွဲ၍ ရေဒီယိုသတ္တိကြွပစ္စည်းများအားလုံးကို ဖယ်ရှားရန် ရေကိုဖျော်ပြီး စစ်ထုတ်ထားကြောင်း TEPCO မှ ပြောကြားခဲ့ပြီး ထိုအဆင့်များသည် အန္တရာယ်ရှိသော အဆင့်များအောက်တွင် ရှိနေတယ် ဆိုပါတယ်။
“ထရီတီယမ် (Tritium) ကို ဆယ်စုနှစ်များအတွင်း ဘေးဖြစ်စေသော သဘာဝပတ်ဝန်းကျင် (သို့မဟုတ်) ကျန်းမာရေးဆိုင်ရာ သက်ရောက်မှုများမရှိကြောင်း သက်သေပြနိုင်သည်” ဟု Adelaide တက္ကသိုလ်မှ နျူကလီးယားကျွမ်းကျင်သူ Tony Hooker က AFP သို့ ပြောကြားခဲ့ပါတယ်။
ယခုအခါ အဆိုပါရေများကို ဂျပန်အရှေ့မြောက်ဘက် ကမ်းလွန်ပင်လယ်ပြင်သို့ တစ်ရက်လျှင် အများဆုံး လီတာ ၅၀၀,၀၀၀ (အမေရိကန်ဂါလံ ၁၃၂,၀၀၀) နှုန်းဖြင့် ဖောက်ချမည်ဖြစ်ပါတယ်။
သဘာဝပတ်ဝန်းကျင်ဆိုင်ရာ Greenpeace အဖွဲ့က ရေစစ်ထုတ်ခြင်းလုပ်ငန်းစဉ်သည် ချို့ယွင်းချက်ရှိပြီး ကြီးမားသော ဒြပ်သတ္တိကြွပစ္စည်းပမာဏသည် လာမည့်ဆယ်စုနှစ်များအတွင်း ပင်လယ်ထဲသို့ ပြန့်ကျဲသွားမည်ဖြစ်ကြောင်း ပြောကြားခဲ့ပါတယ်။
အဆိုပါဖောက်ချမှုသည် လူနှင့် ပတ်ဝန်းကျင်အပေါ် သေးငယ်သော ဓာတ်ရောင်ခြည်ဆိုင်ရာ သက်ရောက်မှုများရှိလိမ့်မည်ဟု ကုလသမဂ္ဂ အဏုမြူစောင့်ကြည့်ရေးအဖွဲ့က ဇူလိုင်လတွင် ပြောကြားခဲ့ပါတယ်။
Linko
Ref - TRTworlds
