သားသမီးတွေနဲ့ အလုပ်ရှုပ်နေတဲ့ ခိုင်နှင်းဝေ

သရုပ်ဆောင် ခိုင်နှင်းဝေ ဟာ အခုလတ်တလော အနုပညာအလုပ်တွေထက် သားသမီးတွေနဲ့ပဲ အလုပ်ရှုပ်တာ များနေတယ်လို့ ဆိုပါတယ်။

သူ့မှာ ပရဟိတအလုပ်တွေကို လုပ်ကိုင်ရင်း မွေးစားထားတဲ့ သားသမီးတွေရှိပြီး လောလောဆယ်မှာ လေးဦးမွေးစားထားသလို မကြာခင်မှာ မိန်းကလေးတစ်ဦးကို ထပ်မံမွေးစားမှာဖြစ်တာကြောင့် သားသမီးငါးဦး ဖြစ်လာမယ်လို့ ဆိုပါတယ်။

“လောလောဆယ်တော့ ကားရိုက်ဖို့ ခေါ်တာလည်းရှိပေမယ့် ကိုယ်အားတဲ့အချိန်မှပဲ ရိုက်ဖြစ်တော့တယ်၊ ဒီကလေးတွေနဲ့ပဲ အလုပ်တွေ ရှုပ်နေတာပါ၊ သူတို့လေးတွေက ချစ်ဖို့လည်း ကောင်းတယ်လေ၊ ကျွန်မအမေလည်း မြေးတွေနဲ့ ပျော်နိုင်မှာပါ” လို့ သရုပ်ဆောင် ခိုင်နှင်းေ၀ က စာနယ်ဇင်းပွဲတစ်ခုမှာ တွေ့ဆုံစဉ်ပြောကြားခဲ့တာ ဖြစ်ပါတယ်။

သူမဟာ အနုပညာလောကမှာ အောင်မြင်မှုရနေသူတစ်ဦးလည်း ဖြစ်သလို ပရိသတ်တွေရဲ့ ချစ်ခင်နှစ်သက်မှုတွေကို အပြည့်အဝရရှိထားတဲ့ အနုပညာရှင်တစ်ယောက်လည်း ဖြစ်ပြီး ပရဟိတအလုပ်တွေကို အားတက်သရော လုပ်ကိုင်နေသူတစ်ဦးလည်း ဖြစ်ပါတယ်။

“ကျွန်မအခုကစပြီးတော့ ချာလပတ်တွေ ပိုလည်ပါပြီ၊ ကလေးတွေအတွက် ကျွန်မအပေးနိုင်ဆုံး အဖြည့်ဆည်းပေးနိုင်ဆုံးကတော့ မိခင်မေတ္တာပါပဲ၊ ကျွန်မမှာက ငယ်စဉ်ကတည်းက မိသားစုဘဝလေး မရခဲ့ဖူးဘူး၊ အသက်ရွယ်ရောက်တဲ့ အချိန်မှာလည်း ကံမကောင်းခဲ့ရပြန်ဘူး၊ အခု ကျွန်မရဲ့ သားသမီးတွေက ကျွန်မရဲ့ မိသားစုပါ၊ ကျွန်မရဲ့ အနာဂတ်ပါ၊ ကျွန်မရဲ့ အားအင်တွေ၊ ခွန်အားတွေပါပဲ၊ ကျွန်မပေးတဲ့ မေတ္တာကို သူတို့ခံစားမိကြလိမ့်မယ်လို့လည်း ကျွန်မအပြည့်အ၀ ယုံကြည်ထားပါတယ်၊ ကျွန်မရဲ့ ကလေးတွေကို ပညာတတ်ကြီးဖြစ်တဲ့အထိ ကျွန်မမွေးမယ်၊ အဲ့ဒီအတွက်လည်း အများကြီးကြိုးစားမယ်၊ ခက်ခဲကြမ်းတမ်းမယ်ဆိုတာကို သိပေမယ့် ရဲရဲဝံ့ဝံ့ရင်ဆိုင်မှာပါ၊ ကျွန်မ မိန်းမသားပါ၊ အားနွဲ့ပါတယ်၊ ဒါပေမဲ့ စိတ်ဓာတ်ကြံ့ခိုင်အောင် နေခဲ့ရလို့ ဘာမဆို ရင်ဆိုင်ရဲပါတယ်” လို့ သရုပ်ဆောင် ခိုင်နှင်းေ၀ က ပြောပါတယ်။

သူမအနေနဲ့ နယ်ခရီးတွေအတွက် ပရဟိတအလုပ်ကြောင့်ပဲဖြစ်ဖြစ်၊ ဇာတ်ကားရိုက်ရင်းနဲ့ဖြစ်ဖြစ် သွားတဲ့အခါ သူမရဲ့ မိခင်ကို မပျင်းအောင် မြေးတွေနဲ့အတူ ထားလေ့ရှိတယ်လို့ သိရပါတယ်။

အဲ့ဒီလို အလုပ်ရှုပ်နေတဲ့ကြားက ခင်မင်တဲ့ မိတ်ဆွေအပေါင်းအသင်းတွေကနေ ဖိတ်ကြားလာတဲ့ ပွဲတွေကိုလည်း သွားရောက်ဖြစ်ပေမယ့် ဇာတ်ကားရိုက်ကူးတာတွေနဲ့ ပတ်သက်လို့တော့ အရင်လိုမဟုတ်တော့ဘဲ သူ့ရဲ့ အချိန်တွေကို ကလေးတွေအတွက် အဓိကထားကာ ခွဲပေးထားတယ်လို့လည်း ဆိုပါတယ်။

မင်းခေတ်လင်း
ရန်ကုန်၊ မတ် - ၄

( Zawgyi )

သ႐ုပ္ေဆာင္ ခိုင္ႏွင္းေဝ ဟာ အခုလတ္တေလာ အႏုပညာအလုပ္ေတြထက္ သားသမီးေတြနဲ႔ပဲ အလုပ္ရႈပ္တာ မ်ားေနတယ္လို႔ ဆိုပါတယ္။

သူ႔မွာ ပရဟိတအလုပ္ေတြကို လုပ္ကိုင္ရင္း ေမြးစားထားတဲ့ သားသမီးေတြရွိၿပီး ေလာေလာဆယ္မွာ ေလးဦးေမြးစားထားသလို မၾကာခင္မွာ မိန္းကေလးတစ္ဦးကို ထပ္မံေမြးစားမွာျဖစ္တာေၾကာင့္ သားသမီးငါးဦး ျဖစ္လာမယ္လို႔ ဆိုပါတယ္။

“ေလာေလာဆယ္ေတာ့ ကား႐ိုက္ဖို႔ ေခၚတာလည္းရွိေပမယ့္ ကိုယ္အားတဲ့အခ်ိန္မွပဲ ႐ိုက္ျဖစ္ေတာ့တယ္၊ ဒီကေလးေတြနဲ႔ပဲ အလုပ္ေတြ ရႈပ္ေနတာပါ၊ သူတို႔ေလးေတြက ခ်စ္ဖို႔လည္း ေကာင္းတယ္ေလ၊ ကြၽန္မအေမလည္း ေျမးေတြနဲ႔ ေပ်ာ္ႏိုင္မွာပါ” လို႔ သ႐ုပ္ေဆာင္ ခိုင္ႏွင္းေ၀ က စာနယ္ဇင္းပြဲတစ္ခုမွာ ေတြ႕ဆုံစဥ္ေျပာၾကားခဲ့တာ ျဖစ္ပါတယ္။

သူမဟာ အႏုပညာေလာကမွာ ေအာင္ျမင္မႈရေနသူတစ္ဦးလည္း ျဖစ္သလို ပရိသတ္ေတြရဲ႕ ခ်စ္ခင္ႏွစ္သက္မႈေတြကို အျပည့္အဝရရွိထားတဲ့ အႏုပညာရွင္တစ္ေယာက္လည္း ျဖစ္ၿပီး ပရဟိတအလုပ္ေတြကို အားတက္သေရာ လုပ္ကိုင္ေနသူတစ္ဦးလည္း ျဖစ္ပါတယ္။

“ကြၽန္မအခုကစၿပီးေတာ့ ခ်ာလပတ္ေတြ ပိုလည္ပါၿပီ၊ ကေလးေတြအတြက္ ကြၽန္မအေပးႏိုင္ဆုံး အျဖည့္ဆည္းေပးႏိုင္ဆုံးကေတာ့ မိခင္ေမတၱာပါပဲ၊ ကြၽန္မမွာက ငယ္စဥ္ကတည္းက မိသားစုဘဝေလး မရခဲ့ဖူးဘူး၊ အသက္႐ြယ္ေရာက္တဲ့ အခ်ိန္မွာလည္း ကံမေကာင္းခဲ့ရျပန္ဘူး၊ အခု ကြၽန္မရဲ႕ သားသမီးေတြက ကြၽန္မရဲ႕ မိသားစုပါ၊ ကြၽန္မရဲ႕ အနာဂတ္ပါ၊ ကြၽန္မရဲ႕ အားအင္ေတြ၊ ခြန္အားေတြပါပဲ၊ ကြၽန္မေပးတဲ့ ေမတၱာကို သူတို႔ခံစားမိၾကလိမ့္မယ္လို႔လည္း ကြၽန္မအျပည့္အ၀ ယုံၾကည္ထားပါတယ္၊ ကြၽန္မရဲ႕ ကေလးေတြကို ပညာတတ္ႀကီးျဖစ္တဲ့အထိ ကြၽန္မေမြးမယ္၊ အဲ့ဒီအတြက္လည္း အမ်ားႀကီးႀကိဳးစားမယ္၊ ခက္ခဲၾကမ္းတမ္းမယ္ဆိုတာကို သိေပမယ့္ ရဲရဲဝံ့ဝံ့ရင္ဆိုင္မွာပါ၊ ကြၽန္မ မိန္းမသားပါ၊ အားႏြဲ႕ပါတယ္၊ ဒါေပမဲ့ စိတ္ဓာတ္ႀကံ့ခိုင္ေအာင္ ေနခဲ့ရလို႔ ဘာမဆို ရင္ဆိုင္ရဲပါတယ္” လို႔ သ႐ုပ္ေဆာင္ ခိုင္ႏွင္းေ၀ က ေျပာပါတယ္။

သူမအေနနဲ႔ နယ္ခရီးေတြအတြက္ ပရဟိတအလုပ္ေၾကာင့္ပဲျဖစ္ျဖစ္၊ ဇာတ္ကား႐ိုက္ရင္းနဲ႔ျဖစ္ျဖစ္ သြားတဲ့အခါ သူမရဲ႕ မိခင္ကို မပ်င္းေအာင္ ေျမးေတြနဲ႔အတူ ထားေလ့ရွိတယ္လို႔ သိရပါတယ္။

အဲ့ဒီလို အလုပ္ရႈပ္ေနတဲ့ၾကားက ခင္မင္တဲ့ မိတ္ေဆြအေပါင္းအသင္းေတြကေန ဖိတ္ၾကားလာတဲ့ ပြဲေတြကိုလည္း သြားေရာက္ျဖစ္ေပမယ့္ ဇာတ္ကား႐ိုက္ကူးတာေတြနဲ႔ ပတ္သက္လို႔ေတာ့ အရင္လိုမဟုတ္ေတာ့ဘဲ သူ႔ရဲ႕ အခ်ိန္ေတြကို ကေလးေတြအတြက္ အဓိကထားကာ ခြဲေပးထားတယ္လို႔လည္း ဆိုပါတယ္။

မင္းေခတ္လင္း
ရန္ကုန္၊ မတ္ - ၄