【 နိုင်ငံတကာ 】 အမေရိကန်က တရုတ်ကို ပြိုင်ဆိုင်ရန် ပစိဖိတ်ပင်လယ်အောက် အင်တာနက်ကေဘယ်လ်ကြိုးကို နောက်ခံပြု

ဝါရှင်တန်၊ စက်တင်ဘာ - ၂၈

တရုတ်နိုင်ငံနှင့် သြဇာလွှမ်းမိုးရန် ပြိုင်ဆိုင်နေရသော ဒေသတစ်ခုတွင် ဝါရှင်တန်၏ အကျိုးစီးပွားကို မြှင့်တင်ပေးခြင်းအဖြစ် Reuters က မြင်တွေ့ရတဲ့ ပရောဂျက်အစီအစဉ်အရ ပစိဖိတ်ကျွန်းစုအများအပြားကို ဆက်သွယ်ပေးသည့် ရေအောက် အင်တာနက်ကေဘယ်လ်အသစ်ကို အမေရိကန်က ကျောထောက်နောက်ခံပေးထားကြောင်း သိရပါတယ်။

ဗဟိုပစိဖိတ်ကေဘယ်လ်သည် အမေရိကန်ပိုင်နက် နယ်မြေနှစ်ခုဖြစ်သော အမေရိကန် ဆာမိုအာနှင့် ဂူအမ်ကို ချိတ်ဆက်မည်ဖြစ်ပြီး ကေဘယ်လ်လမ်းကြောင်းကို ပြသထားသည့် စာရွက်စာတမ်းတစ်ခုအရ နောက်ထပ် ပစိဖိတ်ကျွန်း ၁၂ ခုအထိ တိုးချဲ့မည်ဟု သိရပါတယ်။

ဂူအမ်သည် အမေရိကန်၏ အဓိကကျသော စစ်အခြေစိုက်စခန်းတစ်ခုတည်ရှိရာ နေရာဖြစ်ပါတယ်။

ကေဘယ်လ်၏ အသေးစိတ်အချက်အလက်များကို စင်ကာပူရှိ စက်မှုလုပ်ငန်းကွန်ဖရင့်တစ်ခုတွင် ကုမ္ပဏီများဖြစ်သည့် ဝါရင့် ရေအောက်ကေဘယ်လ် အတိုင်ပင်ခံနှစ်ခုဖြစ်သည့် Paul McCann နှင့် John Hibbard တို့က ပြသခဲ့ပါတယ်။

အမေရိကန်အခြေစိုက် တယ်လီကွန်းအတိုင်ပင်ခံကုမ္ပဏီ APTelecom က လုပ်ငန်းဖြစ်နိုင်ခြေလေ့လာမှုကို လုပ်ဆောင်နေကြောင်း သိရပါတယ်။ယခုသတင်းအပေါ် APTelecom ၊ Hibbard နှင့် McCann တို့က မှတ်ချက်ပေးရန် ငြင်းဆိုခဲ့ပါတယ်။

အင်တာနက်ကေဘယ်လ်ကြိုးအသစ်မှာ ပါပူဝါနယူးဂီနီ၊ ဆာမိုအာ၊ တူဗာလူ၊ ဖီဂျီ၊ နာရှူး၊ မာရှယ်လ်ကျွန်းများ၊ ကီရီဘာတီ၊ ကွတ်ကျွန်းများ၊ ဝါလေ့စ်၊ ဖူတူနာနှင့် မိုက်ကရိုနီးရှားပြည်ထောင်စုတို့နှင့် ချိတ်ဆက်နိုင်သည်ဟု အဆိုပါအစီအစဉ်တွင် ဖော်ပြထားပါတယ်။

စီမံကိန်းအတွက် တခြားရန်ပုံငွေရနိုင်ခြေမှာ ကမ္ဘာ့ဘဏ်ကဲ့သို့သော နိုင်ငံပေါင်းစုံမှ အလှူရှင်များနှင့်  အမေရိကန်၊ သြစတြေးလျ၊ နယူးဇီလန်ရှိ အကူအညီပေးရေး အေဂျင်စီများထံမှ ဖြစ်နိုင်ခြေများကြောင်း အဆိုပါအစီအစဉ်က ဖော်ပြပါတယ်။

ရေအောက် အင်တာနက်ကေဘယ်လ်ကြိုးများသည် ပုံမှန်အားဖြင့် ဖန်တီးချထားတပ်ဆင်ရန် အနည်းဆုံး ၃ နှစ်မှ ၅ နှစ်အထိ ကြာတတ်ပါတယ်။အဆိုပြုထားသည့် ကေဘယ်လ်ကြိုးသည် ကီလိုမီတာ ထောင်ပေါင်းများစွာ ရှည်လျားပါတယ်။

ပစိဖိတ်ကျွန်းခေါင်းဆောင်များနှင့် သမ္မတ ဂျိုးဘိုင်ဒင်တို့ကြား တွေ့ဆုံဆွေးနွေးပြီးနောက် တနင်္လာနေ့တွင် အိမ်ဖြူတော်မှ ထုတ်ပြန်သော အချက်အလက်စာရွက်တွင် အမေရိကန် ကုန်သွယ်ရေးနှင့် ဖွံ့ဖြိုးတိုးတက်ရေးအေဂျင်စီသည် ကေဘယ်လ်အတွက် ဖြစ်နိုင်ခြေလေ့လာရန် ဒေါ်လာ ၃ သန်းကို ထောက်ပံ့မည်ဖြစ်ကြောင်း ဝါရှင်တန်က အတည်ပြုခဲ့ပါတယ်။

အဆိုပါထုတ်ပြန်ချက်တွင်ပါဝင်သည့် နိုင်ငံများကို ဖော်ပြထားခြင်းမရှိပေ။၎င်းသည် လူ ၁၁,၀၀၀ ခန့်ရှိသော သေးငယ်သောနိုင်ငံဖြစ်သည့် တူဗာလူကို ဆက်သွယ်ပေးသည့် ပထမဆုံးသော ရေအောက်ကေဘယ်လ်ကြိုးဖြစ်လာမည်ဟု USTDA က ၎င်း၏ Facebook စာမျက်နှာတွင် ရေးသားထားပါတယ်။

သမုဒ္ဒရာကြမ်းပြင်ကို ဖြတ်ကျော်ပြီး တိုက်ကြီးတစ်ခု၏ ၉၉ ရာခိုင်နှုန်း အင်တာနက်လမ်းကြောင်းကို ပို့လွှတ်သော ပင်လယ်ရေအောက် ဖိုင်ဘာအော့တစ်ကေဘယ်လ်တွေမှာ အမေရိကန်နှင့် တရုတ်ကြား ပြိုင်ဆိုင်မှု၏ အဓိကနယ်ပယ်ဖြစ်လာနေကြောင်း မတ်လအတွင်း ရိုက်တာစုံစမ်းမှုအရ သိရပါတယ်။

အမေရိကန် မဟာမိတ် သြစတေးလျ၏ မြောက်ဘက်တွင် ကြီးမားသော အကွေ့အဝိုက်ဖြစ်သည့် ပစိဖိတ်ကျွန်းများမှာ အမေရိကန်ရေတပ် လှုပ်ရှားမှုများအတွက် ဗျူဟာမြောက် အရေးပါပြီး အဖိုးတန်သတ္တုနှင့် ငါးဖမ်းလုပ်ငန်းများတည်ရှိရာ နေရာဖြစ်ပါတယ်။

ပစိဖိတ်ဒေသရှိ ကျွန်းနိုင်ငံများတွင် အင်တာနက်အခြေခံအဆောက်အအုံ အားနည်းချက်ရှိပါတယ်။

ယမန်နှစ်က တွန်ဂါ၏ တစ်ခုတည်းသော ပင်လယ်ရေအောက်ကေဘယ်လ်မှာ မီးတောင်ပေါက်ကွဲပြီး နောက်ဖြစ်လာသည့် ဆူနာမီကြောင့် ပြတ်တောက်ခဲ့ရာ ကမ္ဘာလုံးဆိုင်ရာ ဆက်သွယ်ရေးကွန်ရက်များကို တစ်လကြာ ဖြတ်တောက်နေခဲ့ပါတယ်။

Linko
Ref - Reuters