【 နိုင်ငံတကာ 】 တန်ပြန်ထိုးစစ်မှာ ယူကရိန်းတပ်တွေ မြေပြင်တိုက်ပွဲမှာ အောင်ပွဲတွေရလာနေဟု နေတိုးအဖွဲ့အကြီးအကဲဆို

ကိယက်ဗ်၊ စက်တင်ဘာ - ၂၉

ကိယက်ဗ်ကို ကြာသပတေးနေ့က ရောက်ရှိလာတဲ့ နေတိုး အထွေထွေအတွင်းရေးမှူးချုပ် ဂျန်းန် စတိုလန်ဘတ်ချ်က ရုရှားကို တန်ပြန်ထိုးစစ်မှာ ယူကရိန်းဟာ “တဖြည်းဖြည်း မြေပြင်အောင်ပွဲရလာပြီ” လို့ ပြောပါတယ်။

“ယူကရိန်းနိုင်ငံသားတွေဟာ သူတို့ရဲ့ မိသားစု၊ သူတို့ရဲ့ အနာဂတ်၊ သူတို့ရဲ့ လွတ်လပ်မှုအတွက် တိုက်ပွဲဝင်နေကြတယ်။မော်စကိုကတော့ နယ်ချဲ့ရန် လှည့်စားမှုများအတွက် တိုက်ပွဲဝင်နေပါတယ်” လို့ စတိုလန်ဘတ်ချ်က ပြောခဲ့ပါတယ်။

တစ်ချိန်တည်းမှာပဲ “ရုရှားနိုင်ငံဟာ  ကမ္ဘာ့ဇာတ်ခုံမှာ နေရာရမှုနည်းလာသလို နိုင်ငံတကာထိပ်သီးအစည်းအဝေးတွေကို ပြည်တွင်းကနေ တက်နေရသလို နိုင်ငံတကာဈေးကွက်ကနေ ဖြတ်ထားတာခံရလို အီရန်နဲ့ မြောက်ကိုရီးယားတို့လို စစ်အာဏာရှင်တွေဆီကနေ လက်နက်ရှာဖို့ လျှော့ချဆက်ဆံနေရတယ်” လို့ ပြောခဲ့ပါတယ်။

စတိုလန်ဘတ်ချ်သည် ယူကရိန်းသမ္မတနှင့် တွေ့ဆုံခဲ့ပြီး စစ်ပွဲ၏အနေအထားနှင့် နိုင်ငံ၏တပ်ဖွဲ့များ လိုအပ်မှုတို့ကို ဆွေးနွေးခဲ့ကြောင်း ဆိုပါတယ်။

ကိယက်ဗ်၏ တန်ပြန်ထိုးစစ်ဟာ မှန်မှန်တိုးတက်မှုရနေပြီး ဆောင်းရာသီနီးလာသည်နှင့်အမျှ ကြိုးစားအားထုတ်မှုများမှာ အချိန်လုနေရပြီး မကြာသေးမီရက်သတ္တပတ်များအတွင်း ယူကရိန်းခြေလျင်တပ်များနှင့် သံချပ်ကာနှစ်ခုစလုံးက  ရုရှား၏ အဓိကခံစစ်စည်းကို ဖြတ်ကျော်ဝင်ရောက်လာခဲ့ပါတယ်။  

၎င်း၏ ပင်လယ်နက်ရေတပ်ဌာနချုပ်ကို ဒုံးကျည်ဖြင့် တိုက်ခိုက်ရန်  ယူကရိန်း၏ အနောက်မဟာမိတ်များက ကူညီပေးခဲ့ကြောင်း ရုရှားကစွပ်စွဲပြီး တစ်ရက်အကြာတွင် အဆိုပါအစည်းအဝေး ထွက်ပေါ်လာခြင်းဖြစ်ပါတယ်။

မကြာသေးမီလများအတွင်း ယူကရိန်းသည် ရုရှားနိုင်ငံ၌ ၎င်းတို့၏ တိုက်ခိုက်မှုများကို အရှိန်မြှင့်လုပ်ဆောင်ခဲ့ပြီး အထူးသဖြင့် ကရင်မလင်နန်းတော်အပေါ် ပြည်တွင်းဖိအားများ တိုးမြှင့်ရန် ကြိုးပမ်းသည့်အနေဖြင့် မော်စကိုမြို့၌ တိုက်ခိုက်မှုများကို အရှိန်မြှင့်လုပ်ဆောင်လာခဲ့သည်။

Linko
Ref - The Hill