သင်္ကြန်မှာဖျော်ဖြေဖို့ပြင်ဆင်နေတဲ့ ကျော်ကျော်နန္ဒ

လာမယ့် ဧပြီလမှာကျရောက်မယ့် ၂၀၂၀ အတာသင်္ကြန် နှစ်သစ်ကူးကာလမှာ DJ တေးသီချင်းအမိုက်စားတွေနဲ့ ဖျော်ဖြေသွားဖို့ ပြင်ဆင်နေတယ်လို့ သရုပ်ဆောင် ကျော်ကျော်နန္ဒက ပြောပါတယ်။

“ဒီနှစ်သင်္ကြန်အတွက် ကျွန်တော်ပြင်ဆင်နေပါတယ်၊ ကျွန်တော်ရဲ့အမိုက်စားသီချင်းတွေ၊ အလန်းစားဖက်ရှင်တွေနဲ့ ဖျော်ဖြေသွားမှာပါ၊ ကျွန်တော်ရဲ့အနုပညာဖန်တီးမှုတွေနဲ့ ဒီလိုပွဲလေးမှာ အလန်းစားအမိုက်စား တင်ဆက်ဖျော်ဖြေ သွားမှာပါ၊ ကျွန်တော်ကို ရိုင်းရိုင်းစိုင်းစိုင်းနဲ့ မတုန့်ပြန်စေချင်ဘူး၊ အဲ့ဒီလို တုန့်ပြန်ခံရတာမျိုးကြုံတော့ စိတ်မကောင်း ဖြစ်ရတယ်”လို့ ၎င်းက ရှင်းပြပါတယ်။

သူဟာ လာမယ့်သင်္ကြန်အတွက် ပြင်ဆင်တာတွေအပြင် Single Song တွေကိုလည်း လုပ်ကိုင်နေပြီး လူမှုကွန်ရက်ကနေ တင်ဆက်မယ့် Single Song သီချင်းတွေအတွက် MTV ရိုက်ကူးတာတွေကို လုပ်ဆောင်နေတယ်လို့ သိရပါတယ်။

“ဒီရက်ပိုင်းမှာ ကျွန်တော် ပွဲလေးတွေနည်းနည်းတက်နေရတာတွေရှိပါတယ်၊ မကြာခင်မှာလည်း ကျွန်တော့်ရဲ့ Single Song တွေနဲ့ ပရိသတ်ဆီအရောက်လာမှာပါ၊ လောလောဆယ်တော့ ဟိုသွားလိုက်ဒီသွားလိုက်၊ အနုပညာဖန်တီးလိုက်နဲ့ပဲ လုပ်နေပါတယ်၊ ကျွန်တော့်ရဲ့ဖန်တီးမှုကို အနုပညာအမြင်နဲ့ကြည့်ပြီး အားပေးကြပါ၊ ကျွန်တော်လည်း အားလုံးကို လေးစားပါတယ်၊ တန်ဖိုးလည်းထားပါတယ်၊ ဘယ်သူ့ကိုမှလည်း ကျွန်တော် မစော်ကားပါဘူး၊ ကျွန်တော့်အနုပညာကိုပဲ အကောင်းဆုံးဖြစ်အောင် ကြိုးစားနေတာဖြစ်ပါတယ်၊ ဘယ်လိုဖက်ရှင် မျိုးတွေနဲ့ လာမလဲဆိုတာကိုတော့ စောင့်မျှော်အားပေးပါဦးလို့ ပြောချင်ပါတယ်”လို့ သူက ဆက်လက်ပြောကြား ခဲ့ပါတယ်။

သူ့ကိုဝေဖန်သူတွေ အများအပြားရှိသလို အားပေးသူတွေလည်းရှိနေပြီး နယ်ဒေသတွေက ပွဲလမ်းသဘင်တွေမှာ တေးသီချင်း သီဆို ဖျော်ဖြေရန်ဖိတ်ကြားတာတွေရှိကြောင်း၊ ရန်ကုန်မှာကျင်းပတဲ့ ကုမ္ပဏီပွဲအချို့မှာလည်း ဖျော်ဖြေရန်အတွက် သူ့ကို ဖိတ်ကြားလာတာတွေရှိတယ်လို့ သိရပါတယ်။

မင်းခေတ်လင်း
(ဓာတ်ပုံ ကိုနိုင်-NG)
ရန်ကုန်၊ မတ် - ၇

( Zawgyi )