【နိုင်ငံတကာ】ရုရှားဒုံးကျည်များ ကျရောက်ပြီးနောက် အဆင့်မြင့်လေကြောင်းကာကွယ်ရေးစနစ်များ ယူကရိန်းကို အမေရိကန်ပေးမည်

【နိုင်ငံတကာ】ရုရှားဒုံးကျည်များ ကျရောက်ပြီးနောက် အဆင့်မြင့်လေကြောင်းကာကွယ်ရေးစနစ်များ ယူကရိန်းကို အမေရိကန်ပေးမည်

မြို့တော် ကိယက်ဗ့် နှင့် အခြားမြို့များသို့ ရုရှားဒုံးကျည်များ ကျရောက်ပြီးနောက် ယူကရိန်းအား အဆင့်မြင့်လေကြောင်းရန် ကာကွယ်ရေးစနစ်များ ပံ့ပိုးပေးမည်ဟု အမေရိကန်သမ္မတ ဂျိုးဘိုင်ဒင်က တနင်္လာနေ့တွင် ကတိပြုခဲ့ကြောင်း အိမ်ဖြူတော်က ထုတ်ပြန်ချက်တွင် ဖော်ပြခဲ့ပါတယ်။

အမေရိကန်သမ္မတဘိုင်ဒင်က ယူကရိန်းသမ္မတဇီလင်စကီးနှင့် ဖုန်းပြောခဲ့ရာတွင် “အဆင့်မြင့်လေ ကြောင်းရန် ကာကွယ်ရေးစနစ်တွေအပါအဝင် ကိုယ့်ကိုကိုယ်သူခုခံကာကွယ်ဖို့ လိုအပ်တဲ့ အထောက်အပံ့တွေ ယူကရိန်းကို ဆက်ပေးသွားမယ်လို့ ကတိပြုပါတယ်” ဟု ထုတ်ပြန်ချက်တွင် ဖော်ပြထားပါတယ်။
မော်စကိုကို သိမ်းပိုက်ထားတဲ့ ခရိုင်းမီးယားကျွန်းဆွယ်နဲ့ ရုရှားကို ဆက်သွယ်ထားတဲ့ အဓိကတံတားတစ်စင်း ဖောက်ခွဲမှုကြောင့် အနည်းဆုံး လူ ၁၁ ဦးထက်မနည်း သေဆုံးခဲ့ရပြီးနောက် ယူကရိန်းအပေါ် ပြင်းထန်တဲ့ တိုက်ခိုက်မှုတွေကို ပိုမိုပြင်းထန်စွာ တိုက်ခိုက်မယ်လို့ ရုရှားသမ္မတ ဗလာဒီမာပူတင်က ခြိမ်းခြောက်လိုက်ပါတယ်။
ဘိုင်ဒင် နှင့်စကားပြောပြီးနောက် ဇီလင်စကီး က “လေကြောင်းကာကွယ်ရေးဟာ ကျွန်ုပ်တို့ရဲ့ကာကွယ်ရေးပူးပေါင်းဆောင်ရွက်မှုမှာ လက်ရှိနံပါတ်တစ် ဦးစားပေးပါ ဖြစ်သည်” ဟု တွစ်တာတွင်ပြောကြားခဲ့ပါတယ်။
ရုရှားတပ်ဖွဲ့များက ယူကရိန်းနိုင်ငံတစ်ဝန်းမြို့များသို့ ဒုံးကျည်ပေါင်း ၈၀ ကျော် ပစ်ခတ်ခဲ့ပြီး အိမ်နီး ချင်း ဘီလာရုစ်မှ တစ်ဆင့် အီရန်လုပ်ဒရုန်းများဖြင့် ယူကရိန်းကို တိုက်ခိုက်ခဲ့ကြောင်း ကိယက်ဗ့် မှ ပြောကြားခဲ့ပါတယ်။
 
Linko
 
Ref: Timesofisrael
 
ဝါရှင်တန်၊ အောက်တိုဘာ ၁၁