【 ဗေဒင် 】 ကြာသပတေး သားသမီးများအတွက် ယခုတစ်ပတ် ဆောင်ရန်/ရှောင်ရန်

ယခုတစ်ပတ် လူမှုရေး၊ စီးပွားရေး၊ ပညာရေးအောင်မြင်လိုသော ကိစ္စများအတွက် ဗုဒ္ဓဟူး သားသမီးများနှင့် တိုင်ပင်ဆောင်ရွက်သင့်ပါတယ်။ယခုရက်ပိုင်းအတွင်း အဘက်ဘက်က အခွင့်ရေးကောင်းတွေ ကံပွင့်လန်းမှုတွေရှိနေတတ်ပြီး အခြားကံထက် အလုပ်ကံက သိသိသာသာ ကောင်းနေတတ်ပါတယ်။ဆရာသမား အထက်လူကြီးတွေဆီကနေ ဖေးမကူညီပေးမှုတွေကို ရရှိပါလိမ့်မယ်။စက်ပစ္စည်းတွေ၊ အိမ်ခြံ တိုက်ခန်း စတာတွေ ဝင်လာတတ်ပါတယ်။ဒီကာလမှာ လူမျိုးခြားနဲ့ စပ်တူရှယ်ယာလုပ်တာတွေ၊ အိမ်ခြံမြေလုပ်ငန်းတွေ၊ စာချုပ်စာတမ်းနဲ့လုပ်ရတဲ့ အလုပ်အကိုင်တွေကောင်းပါတယ်။ပွဲစားအလုပ်များ၊ မီဒီယာအလုပ်များ လုပ်ကိုင်နေသူတွေ အဆင်ပြေတဲ့ကာလပါ။ပြည်တွင်း ပြည်ပ ခရီးကောင်းတွေ သွားရတတ်သလို အလှူအတန်းလုပ်ရတတ်ပါတယ်။ငွေကံကောင်းနေတဲ့ကာလဖြစ်သလို အဝေးမှာရှိနေတဲ့ သားချင်းတွေက ငွေ၊ အဆက်အသွယ်၊ အကူအညီရတတ်ပါတယ်။ရွှေရောင်းဝယ်သူတွေ၊ ရေလုပ်ငန်းလုပ်ကိုင်သူတွေ၊ လျှပ်စစ်လုပ်ငန်းလုပ်ကိုင်သူတွေ အလုပ်ကောင်းနေပြီး ကားနဲ့ ကျောက်မျက်လုပ်ငန်းလုပ်ကိုင်သူတွေ သတိထား ရောင်းဝယ်သင့်ပါတယ်။ဒီရက်ပိုင်း ဝမ်း၊ ဆီး၊ အာရုံကြော ရောဂါတွေဖြစ်တတ်လို့ ဂရုစိုက်သင့်ပါတယ်။ပညာသင်ရေးကတော့ လုပ်ငန်းခွင်စာမေးပွဲ၊ ရာထူးစာမေးပွဲ ဖြေဆိုထားသူများ ရည်မှန်းချက်ပြည့်စုံပါမယ်။အိမ်ထောင်ရှင်များကြား စိတ်ကသိကအောင့်ဖြစ်စရာ တွေ့ တတ်ပါတယ်။ငယ်ရွယ်သူများ ကြားလူစကားကြောင့် စိတ်အနှောင့်အယှက်ဖြစ်ရတတ်ပါတယ်။