【 ယခုတစ်ပတ် နိုင်ငံတကာသတင်း သုံးသပ်ချက် 】 တောင်တရုတ်ပင်လယ်ထဲက မဖြစ်ခဲ့တဲ့ စီးချင်းထိုးပွဲ

ယခုတစ်ပတ် သတင်းတွေထဲ သဘာဝဘေး သတင်းတွေ၊ စစ်ရေးသတင်းတွေ၊ နိုဘယ်လ်ဆု သတင်းတွေနဲ့ ဝေေ၀ဆာဆာ မြိုင်မြိုင်ဆိုင်ဆိုင် ရှိခဲ့ပါတယ်။ဒီထဲမှာ ဆူလာဝေစီကျွန်းက ဆုပူတန်မီးတောင် ပေါက်ကွဲမှုသတင်း၊ တူရကီနိုင်ငံ အစ္စတန်ဘူလ်မြို့က ဆော်ဒီကောင်စစ်ဝန်ရုံးထဲ ဝါရှင်တန်ပို့စ်သတင်းစာ ဆောင်းပါးရှင် ဖျောက်ဖျက်အသတ်ခံလိုက်ရတယ်ဆိုတဲ့ သတင်း၊ တောင်တရုတ်ပင်လယ်ထဲမှာ တရုတ်သင်္ဘောက ၄၅ ကိုက်ထိ နီးကပ်လာလို့ အမေရိကန်ဖျက်သင်္ဘော လမ်းကြောင်းပြောင်း ရှောင်ပေးခဲ့ရတဲ့ သတင်း၊ ငြိမ်းချမ်းရေး နိုဘယ်လ်ဆုကို လိင်အကြမ်းဖက်မှု တိုက်ဖျက်တဲ့ ကွန်ဂိုသားနဲ့ ယာဇီဒစ်သူကို ချီးမြှင့်ခဲ့တဲ့ သတင်းတွေက ဒီတစ်ပတ်မှာ ထိပ်တန်းသတင်းတွေ ဖြစ်ခဲ့ပါတယ်။

ဆူနာမီဘေး ပြီးတော့ မီးတောင်ဘေး။
    

ယခုရက်သတ္တပတ် ကာလတွေအတွင်း အင်ဒိုနီးရှားနိုင်ငံ ဆူလာဝေစီကျွန်း ဒေသခံတွေလောက် ကမ္ဘာပျက်မတတ် ခံစားရတဲ့ ဘေးဒုက္ခခံစားရတာတော့ ရှိမယ်မထင်ပါဘူး။မကြာသေးခင်က ရစ်ချ်တာစကေး ၇ ဒသမ ၅ အဆင့်ရှိတဲ့ ငလျင်ကြောင့် ပေ ၂၀ အမြင့်ရှိတဲ့ ဆူနာမီဒဏ်ကို ခံရလို့ အဆောက်အုံတွေ ပြားပြားဝပ်၊ လူတွေ ထောင်ကျော်သေဆုံးကာ ဆူလာဝေစီကျွန်းရဲ့ ပါလူမြို့ အခြေခံအဆောက်အဦးတွေ အားလုံးနီးပါး ပျက်ဆီးခဲ့ရပြီး နောက်ပိုင်းမှာ အောက်တိုဘာ ၃ ရက်က ဆူလာဝေစီကျွန်းပေါ်က ဆိုပူတန်မီးတောင်ကြီး ရုတ်တရက် ထပေါက်ကွဲပြီး ချော်ရည်တွေ ဆင်းလာတဲ့အတွက် ဒေသခံတွေအတွက်နောက်ထပ် ကပ်တစ်ခု ဆိုက်ခဲ့ပါတယ်။
    

ဆိုပူတန်မီးတောင် ပေါက်ကွဲစဉ်က မီးတောင်ချော်မှုန်တွေဟာ ၄၀၀၀ မီတာအထိ လေထဲမှုတ်ခဲ့တဲ့အတွက် မြင်ကွင်းက ထိတ်လန့်စရာကောင်းခဲ့ပေမယ့် ထိခိုက်ဒဏ်ရာရတဲ့သူ မရှိဘူးဆိုပါတယ်။အာဏာပိုင်တွေက စပေါက်ကွဲစဉ် မီးတောင်သတိပေးချက်ကို အဆင့် ၄ အထိ သတ်မှတ်ခဲ့ပေမယ့် နောက်ပိုင်းမှာ အဆင့် ၃ ကို ပြန်လျှော့ချခဲ့ပါတယ်။နိုင်ငံတော် ဘေးအန္တရာယ် အေဂျင်စီကလည်း မီးတောင်၏ လေးကီလိုမီတာ ဝန်းကျင်ကို ရှောင်ရှားနေရန် သတိပေးထားသလို လူတွေပြောင်းရွှေ့ဖို့ မလိုသေးဘူးလို့ ဆိုထားပါတယ်။မီးတောင်ပေါက်ကွဲမှု ဖြစ်စဉ်ကြောင့် လေကြောင်းခရီးစဉ်တွေ ဖျက်သိမ်းရတာတွေ မရှိရသေးပေမယ့် အခြေအနေက စောင့်ကြည့်နေရဆဲပါ။
    
 
မြေငလျင်ရော ဆူနာမီဒဏ်တွေကြောင့် အထိနာခဲ့တဲ့ ပါလူမြို့ရဲ့ အရှေ့မြောက်ဘက် ၆၀၀ ကီလိုမီတာမှာ  ဆိုပူတန်မီးတောင် တည်ရှိလို့ ပါလူမြို့အတွက် အပူပေါ် အပူထပ်မဆင့်တာ ပါလူမြို့ ဒေသခံတွေအတွက် အတော်လေးကံကောင်းခဲ့တာပါ။
ဆူလာဝေစီကျွန်း ငလျင်လှုပ်ခတ်မှုမှာ ထောင်တွေလည်း ပွင့်ထွက်ကုန်တာမို့ အခုထိလွတ်မြောက်နေတဲ့ အကျဉ်းသား ၁၀၀၀ ကျော်အထိ ရှိနေလို့ ဒေသအာဏာပိုင်တွေ ခေါင်းခြောက်နေကြပါတယ်။ဒီလိုလူတွေကနေ လုယက်မှုတွေ သတ်ဖြတ်မှုတွေ ဖြစ်လာနိုင်လို့ ပါလူမြို့ အာဏာပိုင်တွေက လုယက်သူတွေကို ပစ်သတ်ခွင့်ပေးထားတဲ့အထိ ငလျင်ခံ ပါလူမြို့ အခြေအနေက ထိန်းသိမ်းရခက်ခဲတဲ့အထိ ဖြစ်နေတာပါ။
    

ငလျင်ကြောင့် အင်ဒိုနီးရှားက ဆူလာဝေစီကျွန်း အခြေအနေ ဆိုပူတန်မီးတောင်ကြောင့် ပိုပြီးခက်ခဲလာချိန်မှာပဲ အောက်တိုဘာ ၆ ရက် ဒေသစံတော်ချိန် ည ၈ နာရီ ၁၀ မိနစ်ခန့်က ဟေတီနိုင်ငံ အနောက်မြောက်ဘက် ကမ်းရိုးတန်းဒေသ ပေါ့ဒီပစ်ဇ်မြို့ အနောက်မြောက်ဘက် ၁၂ မိုင်အကွာ မြေအောက်အနက် ၁၁ ဒသမ ၇ ကီလိုမီတာကို ဗဟိုပြုပြီး ၅ ဒသမ ၉ မဂ္ဂနီကျုဒ် ရှိတဲ့ အင်အားပြင်းငလျင်တစ်ခု လှုပ်ခတ်ခဲ့လို့ အဆောက်အအုံ အများအပြားပျက်စီးခဲ့လို့ လူ ၁၁ ဦးထက်မနည်း သေဆုံးခဲ့ပါတယ်။
ဒီငလျင်က သတိထားရမယ့် ငလျင်ဖြစ်ပြီး ၂၀၁၀ ခုနှစ်တုန်းက ဟေတီနိုင်ငံ မြို့တော် ပို့တ်အော်ပရင့်စ် အနီးမှာ အင်အား ၇ မဂ္ဂနီကျုဒ်ရှိ ငလျင်လှုပ်ခတ်ခဲ့လို့ လူနှစ်သိန်းကျော် သေဆုံးကာ သုံးသိန်းခန့် ဒဏ်ရာရရှိခဲ့တဲ့ ငလျင်လှုပ်ခတ်ဖူးတဲ့ ရာဇဝင်ရှိခဲ့တဲ့ အတွက် ပစိဖိတ်မီးစက်ကွင်းလို့ ခေါ်တဲ့ ငလျင်ကြောတစ်လျှောက် ဆင့်ကဲလှုပ်ခတ်မှုတွေက သတိထားစောင့်ကြည့်ဖို့ လိုလာပြီ ဖြစ်ပါတယ်။
    

ဒီသတင်းက ယခုတစ်ပတ်ဖြစ်ခဲ့တဲ့ သတင်းတွေထဲက  တောင်ကိုရီးယားနိုင်ငံမှာ အားပြင်း တိုင်ဖွန်းမုန်တိုင်း ကောင်ရေး ဝင်ရောက်တိုက်ခတ်လို့ လူနှစ်ဦး သေဆုံးပြီး တစ်ဦး ပျောက်ဆုံးနေတဲ့ သတင်း၊ အိန္ဒိယနိုင်ငံမှာ မျောက်တစ်ကောင်ကို ကားမောင်းခိုင်းတဲ့ ဘတ်စ်ကား ဒရိုင်ဘာကို အလုပ်က ဆိုင်းငံ့လိုက်တဲ့ သတင်း၊ ကွန်ဂိုနိုင်ငံ အဝေးပြေးလမ်းမမှာ လောင်စာဆီယာဉ် မတော်တဆဖြစ်လို့ လူ ၅၀ ခန့် သေဆုံးပြီး ၁၀၀ ကျော် ထိခိုက်ဒဏ်ရာရရှိခဲ့တဲ့ သတင်း၊ ထိုင်းနိုင်ငံ ကိုဖီဖီ အပန်းဖြေကျွန်းမှာ တည်ရှိတဲ့ မာယာပင်လယ်အော်ကို သန္တာကျောက်တန်းတွေ ပြန်လည်ကောင်းမွန်လာတဲ့ အချိန်အထိ ပိတ်ထားဖို့ ထိုင်းခရီးသွား အာဏာပိုင်တွေက ထုတ်ပြန်ကြေညာခဲ့တဲ့ သတင်းတွေထက် ပိုပြီး လူတွေသတိထားမိစေခဲ့ပါတယ်။

ကောင်စစ်ဝန်ရုံးထဲ ပျောက်သွားတဲ့ ဝါရှင်တန်ပို့စ် ဆောင်းပါးရှင်။
    

ယခုတစ်ပတ် မှုခင်းနောက်ခံ နိုင်ငံတကာသတင်းတွေထဲမှာ စိတ်ဝင်စားစရာ အကောင်းဆုံးသတင်းက ဝါရှင်တန်ပို့စ်သတင်းစာ ဆောင်းပါးရှင် ဂျာမယ် ကာရှော့ဂီ တူရကီနိုင်ငံ အစ္စတန်ဘူလ်မြို့ရှိ ဆော်ဒီကောင်စစ်ဝန်ရုံးမှာ အသတ်ခံလိုက်ရတဲ့ သတင်းက စိတ်ဝင်စားစရာ အကောင်းဆုံးသတင်း ဖြစ်နေပါတယ်။

ဆော်ဒီအာရေးဗီးယား အိမ်ရှေ့မင်းသား မိုဟာမက် ဘင်ဆယ်လ်မန် အား ဝေဖန်ရာ၌ ထင်ရှားတဲ့ ဝါရှင်တန်ပို့စ်သတင်းစာမှာ ပင်တိုင် ဆောင်းပါးရေးသားနေတဲ့ ဆောင်းပါးရှင် ဂျာမယ် ကာရှော့ဂီ ဟာ အောက်တိုဘာ ၂ ရက်က တူရကီနိုင်ငံ အစ္စတန်ဘူလ်မြို့ရှိ ဆော်ဒီကောင်စစ်ဝန်ရုံးသို့ သွားရောက်လည်ပတ်ပြီးနောက် ပျောက်ဆုံးခဲ့တာပါ။တူရကီ အာဏာပိုင်တွေရဲ့ ကနဦးစုံစမ်းစစ်ဆေးမှုများအရ ကာရှော့ဂီ သည် ယင်းကောင်စစ်ဝန်ရုံးမှာ အသတ်ခံခဲ့ရတယ်ဆိုတာ ပြသနေတယ်လို့ တူရကီ တာဝန်ရှိသူတွေက သတင်းဌာနတွေကို ပြောခဲ့လို့ ဒီပြဿနာက စိတ်ဝင်စားစရာ ဖြစ်လာခဲ့ပါတယ်။

ဆော်ဒီအာရေးဗီးယားဘက်ကတော့ ဒီလိုစွပ်စွဲမှုတွေကို ငြင်းဆန်ထားသလို အစ္စတန်ဘူလ်မှာရှိတဲ့ ဆော်ဒီကောင်စစ်ဝန်ရုံးထဲ ကွယ်ဝှက်စရာ ဘာမှမရှိတဲ့အတွက် ဝင်ရှာလို့ရတယ်လို့ တုံ့ပြန်ခဲ့ပါ တယ်။ဂျာမယ် ကာဂီရှော့ အစ္စတန်ဘူးလ်က ဆော်ဒီကောင်စစ်ဝန်ရုံးထဲ ရောက်နေချိန်နဲ့ ဆောဒီကနေလာတဲ့ အထူးအဖွဲ့ ကောင်စစ်ဝန်ရုံးထဲ ရောက်နေချိန် သွားတိုက်ဆိုင်နေတဲ့ ဒါဟာ လုပ်ကြံသတ်ဖြတ်မှုလို့ တူရကီဘက်က ယူဆထားပြီးအတွက် ကာရှော့ဂီကိစ္စက တူရကီ - ဆော်ဒီ ဆက်ဆံရေးမှာ ကြီးမားတဲ့ အကျပ်အတည်းတစ်ခု ဖြစ်လာတော့မှာ ဖြစ်ပါတယ်။ယခုချိန်ထိ ဘာသတင်းမှ ထွက်ပေါ်မလာသေးတဲ့အတွက် ဝါရှင်တန်ပို့စ်သတင်းစာ ဆောင်းပါးရှင် ဆော်ဒီကောင်စစ်ဝန်ရုံးထဲ အသတ်ခံရတဲ့ စွပ်စွဲတဲ့သတင်းက ဒီတစ်ပတ် သတင်းတွေထဲ စောင်ကြည့်ရဦးမယ့်သတင်း ဖြစ်ခဲ့ပါတယ်။

ဒီသတင်းက ယခုတစ်ပတ်အတွင်းဖြစ်ခဲ့တဲ့ နိုင်ငံတကာရဲတပ်ဖွဲ့ (Interpol) ရဲ့ အကြီးအကဲဖြစ်သူ တရုတ်နိုင်ငံသား မင်ဟောင်ေ၀ ထူးဆန်းစွာ ပျောက်ဆုံးနေတဲ့ သတင်း၊ ပြင်သစ်အကျဉ်းထောင်ကနေ ရဟတ်ယာဉ်နဲ့ ထောင်ဖောက်ပြေးတဲ့ ပြင်သစ်ဓားပြ ရီဒိုနီဗာအစ် ကို အခြားအမျိုးသားသုံးဦးနဲ့အတူ ဖမ်းဆီးရမိတဲ့ သတင်း၊ မူးယစ်ဆေးဝါး ဂိုဏ်းတွေရဲ့ အကြမ်းဖက်မှုကို ထိန်းသိမ်းဖို့ နည်းလမ်းတစ်ရပ်အဖြစ် ဘိန်းထုတ်လုပ်မှုကို တရားဝင် ခွင့်ပြုသင့်တယ်လို့ မက္ကဆီကို ကာကွယ်ရေးဝန်ကြီးက ပြောလိုက်တဲ့ သတင်း၊ မလေးရှား ဝန်ကြီးချုပ်ဟောင်းရဲ့ ဇနီးဖြစ်သူကို ငွေကြေးခဝါချမှု၊ အခွန်ရှောင်တိမ်းမှုတွေနဲ့ စတင်စစ်ဆေးကြားနာတဲ့ သတင်း၊ လွတ်ငြိမ်းချမ်းသာခွင့် ပယ်ဖျက်ခံရတဲ့ ပီရူး သမ္မတဟောင်း ဖူဂျီမိုရီ က သူ့ကို ငဲ့ညှာဖို့ အစိုးရကို အသနားခံလိုက်တဲ့ သတင်း၊ တောင်အာဖရိကနိုင်ငံ ကန်တွန်ပါ့ခ်မြို့မှာ ဖြစ်ပွားတဲ့ ရထားတိုက်မှုမှာ လူ ၃ဝဝ ကျော် ဒဏ်ရာရရှိခဲ့တဲ့ သတင်း၊ ဖိလစ်ပိုင် တောင်ပိုင်း ကာပိုင်မြို့မှာ ချုံခိုတိုက်ခိုက်ခံရလို့  မူးယစ်ဆေးဝါး တိုက်ဖျက်ရေးတပ်ဖွဲ့ဝင် ခြောက်ဦးသေဆုံးခဲ့တဲ့ သတင်းတွေထက် လူတွေ ပိုသတိထားမိစေခဲ့ပါတယ်။

တောင်တရုတ်ပင်လယ်ထဲက မဖြစ်ခဲ့တဲ့ စီးချင်းထိုးပွဲ။

ယခုတစ်ပတ် စစ်ရေးနောက်ခံ သတင်းတွေထဲမှာ အများစုစောင့်ကြည့်ခဲ့တဲ့ သတင်းက တောင်တရုတ်ပင်လယ်မှာ အမေရိကန်ဖျက်သင်္ဘောကို တရုတ်စစ်သင်္ဘောက တိုးဝင်နီးကပ်လာပြီး တိုက်မိလုနီးပါး ဖြစ်ခဲ့တဲ့ သတင်းက ယခုတစ်ပတ် စစ်ရေးနောက်ခံ သတင်းတွေထဲမှာ အများစုစောင့်ကြည့်ရတဲ့သတင်း ဖြစ်လာခဲ့ပါတယ်။

ပြီးခဲ့တဲ့ သီတင်းပတ်က တောင်တရုတ်ပင်လယ် ရေပြင်ရှိ စပရတ်လေ ကျွန်းစုအနီးကနေ  အမေရိကန် ရေတပ်ဖျက်သင်္ဘော USS Decatur ဖြတ်သန်းခုတ်မောင်းခဲ့ပါတယ်။အမေရိကန် ရေတပ်ကတော့ ဒီလိုခုတ်မောင်းမှုကို နိုင်ငံတကာပိုင်နက် ရေပြင်မှာ ပုံမှန်အတိုင်း ကင်းလှည့်ခုတ်မောင်းခဲ့တာလို့ အကြောင်းပြထားပါတယ်။ဒါပေမယ့် စပရတ်လေကျွန်းစုဆိုတာ တရုတ်က သူပိုင်တယ်ဆိုပြီး ကြေငြာထားသလို ရေတပ်ကို ဖြန့်ချထားတဲ့အတွက် အမေရိကန်ဖျက်သင်္ဘော ဝင်လာချိန်မှာ ပိုင်နက်ရေပြင်ကို ကျူးကျော်မှုအဖြစ် သတ်မှတ်ပြီး ရေတပ်သင်္ဘောစေလွှတ်ကာ သတိပေးခဲ့တာ ဖြစ်ပါတယ်။

တရုတ်ရေတပ်ရဲ့ Luyang ဖျက်သင်္ဘောတစ်စီးဟာ အမေရိကန် စစ်သင်္ဘောကို သတိပေးရာမှာ အန္တရာယ်ရှိလောက်အောင် နီးကပ်လာလို့  အမေရိကန် ရေတပ်ဖျက်သင်္ဘော USS Decatur က လမ်းကြောင်းပြောင်းလဲရန် မဖြစ်မနေ ဆုံးဖြတ်ခဲ့ရတယ်လို့ ဆိုပါတယ်။တရုတ်ရေတပ် သင်္ဘောဟာ USS Decatur အနီးသို့ ၄၅ ကိုက်မျှအကွာထိ ချဉ်းကပ်ခဲ့လို့ ဒါဟာ တရုတ်ဘက်က အမေရိကန်ကို ယခင်လို မရှောင်တော့ဘဲ ပထမဆုံး ထိပ်တိုက်ရင်ဆိုင်မှုလည်း ဖြစ်လာပါတယ်။
တောင်တရုတ်ပင်လယ်မှာ  အမေရိကန်က ပုံမှန်ကင်းလှည့်မှုများ ပြုလုပ်နေတဲ့အတွက် ပြီးခဲ့သည့်လပိုင်းတွေအတွင်း အမေရိကန်နှင့် တရုတ် ရေတပ်ချင်း ပဋိပက္ခဖြစ်မှုတွေ မြင့်တက်လာရာမှာ ဒါဟာ အမြင့်ဆုံးနဲ့ အန္တရာယ်နားအကပ်ဆုံး ထိပ်တိုက်တွေ့မှုဘဲ ဖြစ်ပါတယ်။  
    

ဒီလိုဖြစ်နေချိန်မှာ အမေရိကန် ဒုသမ္မတ မိုက်ပင့်စ် က အာရှအင်အားကြီး တရုတ်ဟာ အမေရိကန် ရွေးကောက်ပွဲကို ကြားဝင်စွက်ဖက်ဖို့ လုပ်နေတယ်လို့ စွပ်စွဲကာ အမေရိကန်ပြည်သူများ၏ သဘောထား အမြင်အပေါ် တရုတ်က ဩဇာလွှမ်းမိုးရန် မကြုံစဖူး ကြိုးပမ်းနေတယ်လို့  ပြောခဲ့ပါတယ်။ဒီလို ပြောကြားမှုကို တရုတ် နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ အမျိုးသမီး ဟွာချွန်ယင် က ပယ်ချပြီး တရုတ်နိုင်ငံအနေနဲ့ အခြားနိုင်ငံများရဲ့ ပြည်တွင်းရေးမှာ ဝင်မစွက်ဖွက်ရေး မူဝါဒကို အမြဲလိုက်နာပြီး အမေရိကန် ပြည်တွင်းရေးနှင့် ရွေးကောက်ပွဲမှာ ကြားဝင်စွက်ဖက်ရန် စိတ်ဝင်စားခြင်းမရှိဘူးလို့ တုံ့ပြန်ခဲ့ပါတယ်။ထရန့် တက်လာကတည်းက အင်အားကြီးထွားလာကာစ တရုတ်ကို နှိမ်ထားဖို့ စီးပွားရေးမှာ စစ်ပွဲဆင်နွှဲနေသလို စစ်ရေးဘက်မှာလည်း တဖြေးဖြေး စလာနေတဲ့အတွက် ဘာတွေ ဆက်ဖြစ်လာဦးမလဲဆိုတာ စောင့်ကြည့်ရဦးမှာ ဖြစ်ပါတယ်။
    

ဒီသတင်းက ယခုတစ်ပတ်အတွင်းမှာဖြစ်ခဲ့တဲ့ စစ်ရေးပြအခမ်းအနား တိုက်ခိုက်ခံရမှုအတွက် လက်တုံ့ပြန်တဲ့အနေနဲ့ အီရန် တော်လှန်ရေး အစောင့်တပ်ဖွဲ့က ဆီးရီးယားနိုင်ငံထဲက စစ်သွေးကြွတွေရဲ့ အခြေစိုက်စခန်းတွေကို ဒုံးကျည်များနဲ့ ပစ်ခတ်တိုက်ခိုက်ခဲ့တဲ့ သတင်း၊ တူရကီ အရှေ့တောင်ပိုင်း ဗုံးခွဲတိုက်ခိုက်မှုမှာ ကျဆုံးခဲ့တဲ့ တူရကီစစ်သား ရှစ်ဦးအတွက် အီရတ်နိုင်ငံ ဆင်ဂျာနှင့် ကွင်ဒီးလ် ဒေသရှိ ကာ့စ်စစ်သွေးကြွများ လက်စားချေ အမြစ်ပြတ်ချေမှုန်းဖို့ တူရကီ သမ္မတ အာဒိုဂန် ကြိမ်းဝါးခဲ့တဲ့ သတင်း၊   ပြင်သစ်စစ်တပ်ကို ဒိန်ဖင်ဖူးတိုက်ပွဲနဲ့ ဗီယက်နမ် မြောက်ပိုင်း တပ်ဖွဲ့တွေကို ဦးဆောင်ပြီး အမေရိကန်တပ်တွေကို အနိုင်တိုက်ခဲ့တဲ့ ဗီယက်နမ် ဗိုလ်ချုပ်ကြီး ဗိုငုယင်ဇပ် ကွယ်လွန်သွားတဲ့ သတင်း၊ တောင်ကိုရီးယား အစိုးရ အရာရှိတစ်ဦးက မြောက်ကိုရီးယားမှာ နျူကလီးယား ဒုံးကျည်ထိပ်ဖူး ၆၀ ထိ ရှိနေနိုင်တယ်လို့ ပြောကြားလိုက်တဲ့ သတင်း၊ ရုရှားထံကနေ အမေရိကန် ဒေါ်လာ ၅ ဘီလျံကျော် တန်ဖိုးရှိတဲ့ S-400 လေကြောင်းရန်ကာကွယ်စနစ် ငါးမျိုးကို အိန္ဒိယက ဝယ်လိုက်တဲ့ သတင်းတွေထဲ  နိုင်ငံတကာ စစ်ရေးသုံးသပ်သူတွေတောင် စောင့်ကြည့်ရတဲ့ သတင်းတစ်ပုဒ် ဖြစ်ခဲ့ပါတယ်။

လိင်အကြမ်းဖက်မှုကို အာရုံစိုက်လာတဲ့ နိုဘယ်လ်ဆု။

    
ယခုတစ်ပတ် သတင်းတွေထဲမှာ နိုဘယ်လ်ဆုကော်မတီက ထုတ်ပြန်တဲ့ ငြိမ်းချမ်းရေးနိုဘယ်လ်ဆု သတင်းကလည်း အများစုကို စိတ်ဝင်စားစေခဲ့ပါတယ်။
    

နှစ်စဉ် အောက်တိုဘာလရောက်တိုင်း နိုဘယ်လ်ဆု ရရှိသူတွေကို ချီးမြှင်ထုတ်ပြန်လေ့ရှိတဲ့ တော်ဝင် ဆွီဒင်သိပ္ပံအကယ်ဒမီက အောက်တိုဘာ ၃ ရက်မှာ ဓာတုဗေဒဆိုင်ရာ နိုဘယ်လ်ဆုကို စတင်ထုတ်ပြန် ကြေညာခဲ့ပါတယ်။ဒီနှစ်မှာ ဓာတုဗေဒဆိုင်ရာ နိုဘယ်လ်ဆုကို ပြင်သစ်က ပညာရှင် အိတ်ချ်အာနိုး၊ အမေရိကန်မှ ဂျော့ချ်စမစ် နဲ့ ဗြိတိန်က ဆာဂရီဂေါရီပီဝင်းတား တို့ကို ပူးတွဲပေးခဲ့တာပါ။အိတ်ချ်အာနိုး ကို အင်ဇိုင်းဓာတ်တွေ တိုက်ရိုက်ဆင့်ကဲ ပြောင်းလဲပုံကို သုတေသနပြုခဲ့လို့၊ ဂျော့ချ်စမစ် နဲ့ ဆာဂရီဂေါရီပီဝင်းတား တို့ကို အသားဓာတ်ဖြစ်စေတဲ့ amino အက်ဆစ်နှစ်မျိုးပါ ဒြပ်ပေါင်းဖြစ်တဲ့ peptides နဲ့ သွေးတွင်း ဖြစ်ပေါ်တဲ့ ပဋိပစ္စည်များ antibodies တို့ကို သုတေသန ပူးတွဲပြုလုပ်ခဲ့ကြလို့ ပူးတွဲပေးခဲ့ကြတာပါ။
    

အမေရိကန် သမ္မတ ထရန့် နဲ့ ကင်ဂျုံအန်မ်၊ တခြားသော နိုင်ငံ့ခေါင်းဆောင်တွေထိ သတင်းထွက်နေတဲ့ ယခုနှစ်အတွက် ငြိမ်းချမ်းရေးနိုဘယ်လ်ဆုရှင် စာရင်းကို နော်ဝေးနိုင်ငံ၊ အော်စလိုမြို့မှာရှိတဲ့ နိုဘယ်လ်ဆု ရွေးချယ်ရေးဌာနက ထုတ်ပြန်ခဲ့ရာမှာတော့ မထင်မှတ်ထားတဲ့ ကွန်ဂိုနိုင်ငံသား ဒေါက်တာဒင်းနစ် မြူဂွေကီ နဲ့ လူ့အခွင့်အရေးလှုပ်ရှားသူ ယာဇီဒီကာ့ဒ် တိုင်းရင်းသူ နာဒီရာမရတ်ဒ် တို့ နှစ်ဦးက ပူးတွဲရရှိခဲ့ပါတယ်။
    

ကွန်ဂိုနိုင်ငံသား ဒေါက်တာဒင်းနစ် မြူဂွေကီ က ကွန်ဂိုပြည်တွင်းစစ် ကာလအတွင်း သူပုန်တပ်တွေက အုပ်စုဖွဲ့ မုဒိမ်းကျင့်မှုတွေကြောင့် စိတ်ပိုင်း၊ ရုပ်ပိုင်းထိခိုက်ခဲ့တဲ့၊ ရောဂါစွဲကပ်ခဲ့တဲ့ အမျိုးသမီးတွေကို သူဖွင့်ထားတဲ့ ဆေးရုံမှာ စောင့်ရှောက် ကုသပေးခဲ့ပြီး အနိုင်ကျင့် စော်ကားခံ အမျိုးသမီးတွေရဲ့ ဘဝကို ကူညီကယ်ဆယ်ဖို့ စွမ်းစွမ်းတမံ ကြိုးစားခဲ့တဲ့ ဆေးပညာရှင် တစ်ယောက်ပါ။
    

ယာဇီဒီကာ့ဒ် တိုင်းရင်းသူ နာဒီရာမရတ်ဒ် ကတော့ အိုင်အက်စ် စစ်သွေးကြွအုပ်စုတွေရဲ့ လိင်ပိုင်းဆိုင်ရာ စော်ကားနှိပ်စက်ခြင်းခံရတဲ့ အမျိုးသမီးတွေကို ကူညီကယ်တင်ဖို့ အစွမ်းကုန် ကြိုးစားခဲ့သူ ဖြစ်ပါတယ်။ယခုနှစ်မှာ ငြိမ်ချမ်းရေးနိုဘယ်လ်ဆု ရွေးချယ်ရေးအဖွဲ့ဟာ လိင်အကြမ်းဖက်မှုတွေကို  ရပ်တန့်ဖို့ တိုက်ဖျက်အားထုတ်နေသူတွေကို ပေးခဲ့တာဖြစ်ခဲ့တဲ့အတွက် ကမ္ဘာတလွှားက လိင်အကြမ်းဖက်မှု တိုက်ဖျက်နေတဲ့သူတွေ အဖွဲ့အစည်းတွေအတွက် ခွန်အားဖြစ်စေပါတယ်။
    

ဒီသတင်းက ယခုတစ်ပတ် သတင်းတွေထဲ စိတ်ဝင်စားစရာကောင်းသလို ဆုရသူတွေအတွက်လည်း ဝမ်းသာကြည်နူးစရာ သတင်းတစ်ပုဒ် ဖြစ်ခဲ့တယ်ဆိုတာ တင်ပြရင်း ယခုတစ်ပတ် နိုင်ငံတကာ သတင်းသုံးသပ်ချက်ကို ဒီမှာဘဲ ရပ်လိုက်ချင်ပါတယ်။

မင်းထက်
အောက်တိုဘာ - ၈

( Zawgyi )

ယခုတစ္ပတ္ သတင္းေတြထဲ သဘာဝေဘး သတင္းေတြ၊ စစ္ေရးသတင္းေတြ၊ ႏိုဘယ္လ္ဆု သတင္းေတြနဲ႔ ေဝေ၀ဆာဆာ ၿမိဳင္ၿမိဳင္ဆိုင္ဆိုင္ ရွိခဲ့ပါတယ္။ဒီထဲမွာ ဆူလာေဝစီကြၽန္းက ဆုပူတန္မီးေတာင္ ေပါက္ကြဲမႈသတင္း၊ တူရကီႏိုင္ငံ အစၥတန္ဘူလ္ၿမိဳ႕က ေဆာ္ဒီေကာင္စစ္ဝန္႐ုံးထဲ ဝါရွင္တန္ပို႔စ္သတင္းစာ ေဆာင္းပါးရွင္ ေဖ်ာက္ဖ်က္အသတ္ခံလိုက္ရတယ္ဆိုတဲ့ သတင္း၊ ေတာင္တ႐ုတ္ပင္လယ္ထဲမွာ တ႐ုတ္သေဘၤာက ၄၅ ကိုက္ထိ နီးကပ္လာလို႔ အေမရိကန္ဖ်က္သေဘၤာ လမ္းေၾကာင္းေျပာင္း ေရွာင္ေပးခဲ့ရတဲ့ သတင္း၊ ၿငိမ္းခ်မ္းေရး ႏိုဘယ္လ္ဆုကို လိင္အၾကမ္းဖက္မႈ တိုက္ဖ်က္တဲ့ ကြန္ဂိုသားနဲ႔ ယာဇီဒစ္သူကို ခ်ီးျမႇင့္ခဲ့တဲ့ သတင္းေတြက ဒီတစ္ပတ္မွာ ထိပ္တန္းသတင္းေတြ ျဖစ္ခဲ့ပါတယ္။

ဆူနာမီေဘး ၿပီးေတာ့ မီးေတာင္ေဘး။
    

ယခုရက္သတၱပတ္ ကာလေတြအတြင္း အင္ဒိုနီးရွားႏိုင္ငံ ဆူလာေဝစီကြၽန္း ေဒသခံေတြေလာက္ ကမာၻပ်က္မတတ္ ခံစားရတဲ့ ေဘးဒုကၡခံစားရတာေတာ့ ရွိမယ္မထင္ပါဘူး။မၾကာေသးခင္က ရစ္ခ်္တာစေကး ၇ ဒသမ ၅ အဆင့္ရွိတဲ့ ငလ်င္ေၾကာင့္ ေပ ၂၀ အျမင့္ရွိတဲ့ ဆူနာမီဒဏ္ကို ခံရလို႔ အေဆာက္အုံေတြ ျပားျပားဝပ္၊ လူေတြ ေထာင္ေက်ာ္ေသဆုံးကာ ဆူလာေဝစီကြၽန္းရဲ႕ ပါလူၿမိဳ႕ အေျခခံအေဆာက္အဦးေတြ အားလုံးနီးပါး ပ်က္ဆီးခဲ့ရၿပီး ေနာက္ပိုင္းမွာ ေအာက္တိုဘာ ၃ ရက္က ဆူလာေဝစီကြၽန္းေပၚက ဆိုပူတန္မီးေတာင္ႀကီး ႐ုတ္တရက္ ထေပါက္ကြဲၿပီး ေခ်ာ္ရည္ေတြ ဆင္းလာတဲ့အတြက္ ေဒသခံေတြအတြက္ေနာက္ထပ္ ကပ္တစ္ခု ဆိုက္ခဲ့ပါတယ္။
    

ဆိုပူတန္မီးေတာင္ ေပါက္ကြဲစဥ္က မီးေတာင္ေခ်ာ္မႈန္ေတြဟာ ၄၀၀၀ မီတာအထိ ေလထဲမႈတ္ခဲ့တဲ့အတြက္ ျမင္ကြင္းက ထိတ္လန႔္စရာေကာင္းခဲ့ေပမယ့္ ထိခိုက္ဒဏ္ရာရတဲ့သူ မရွိဘူးဆိုပါတယ္။အာဏာပိုင္ေတြက စေပါက္ကြဲစဥ္ မီးေတာင္သတိေပးခ်က္ကို အဆင့္ ၄ အထိ သတ္မွတ္ခဲ့ေပမယ့္ ေနာက္ပိုင္းမွာ အဆင့္ ၃ ကို ျပန္ေလွ်ာ့ခ်ခဲ့ပါတယ္။ႏိုင္ငံေတာ္ ေဘးအႏၲရာယ္ ေအဂ်င္စီကလည္း မီးေတာင္၏ ေလးကီလိုမီတာ ဝန္းက်င္ကို ေရွာင္ရွားေနရန္ သတိေပးထားသလို လူေတြေျပာင္းေ႐ႊ႕ဖို႔ မလိုေသးဘူးလို႔ ဆိုထားပါတယ္။မီးေတာင္ေပါက္ကြဲမႈ ျဖစ္စဥ္ေၾကာင့္ ေလေၾကာင္းခရီးစဥ္ေတြ ဖ်က္သိမ္းရတာေတြ မရွိရေသးေပမယ့္ အေျခအေနက ေစာင့္ၾကည့္ေနရဆဲပါ။
    
 
ေျမငလ်င္ေရာ ဆူနာမီဒဏ္ေတြေၾကာင့္ အထိနာခဲ့တဲ့ ပါလူၿမိဳ႕ရဲ႕ အေရွ႕ေျမာက္ဘက္ ၆၀၀ ကီလိုမီတာမွာ  ဆိုပူတန္မီးေတာင္ တည္ရွိလို႔ ပါလူၿမိဳ႕အတြက္ အပူေပၚ အပူထပ္မဆင့္တာ ပါလူၿမိဳ႕ ေဒသခံေတြအတြက္ အေတာ္ေလးကံေကာင္းခဲ့တာပါ။
ဆူလာေဝစီကြၽန္း ငလ်င္လႈပ္ခတ္မႈမွာ ေထာင္ေတြလည္း ပြင့္ထြက္ကုန္တာမို႔ အခုထိလြတ္ေျမာက္ေနတဲ့ အက်ဥ္းသား ၁၀၀၀ ေက်ာ္အထိ ရွိေနလို႔ ေဒသအာဏာပိုင္ေတြ ေခါင္းေျခာက္ေနၾကပါတယ္။ဒီလိုလူေတြကေန လုယက္မႈေတြ သတ္ျဖတ္မႈေတြ ျဖစ္လာႏိုင္လို႔ ပါလူၿမိဳ႕ အာဏာပိုင္ေတြက လုယက္သူေတြကို ပစ္သတ္ခြင့္ေပးထားတဲ့အထိ ငလ်င္ခံ ပါလူၿမိဳ႕ အေျခအေနက ထိန္းသိမ္းရခက္ခဲတဲ့အထိ ျဖစ္ေနတာပါ။
    

ငလ်င္ေၾကာင့္ အင္ဒိုနီးရွားက ဆူလာေဝစီကြၽန္း အေျခအေန ဆိုပူတန္မီးေတာင္ေၾကာင့္ ပိုၿပီးခက္ခဲလာခ်ိန္မွာပဲ ေအာက္တိုဘာ ၆ ရက္ ေဒသစံေတာ္ခ်ိန္ ည ၈ နာရီ ၁၀ မိနစ္ခန႔္က ေဟတီႏိုင္ငံ အေနာက္ေျမာက္ဘက္ ကမ္း႐ိုးတန္းေဒသ ေပါ့ဒီပစ္ဇ္ၿမိဳ႕ အေနာက္ေျမာက္ဘက္ ၁၂ မိုင္အကြာ ေျမေအာက္အနက္ ၁၁ ဒသမ ၇ ကီလိုမီတာကို ဗဟိုျပဳၿပီး ၅ ဒသမ ၉ မဂၢနီက်ဳဒ္ ရွိတဲ့ အင္အားျပင္းငလ်င္တစ္ခု လႈပ္ခတ္ခဲ့လို႔ အေဆာက္အအုံ အမ်ားအျပားပ်က္စီးခဲ့လို႔ လူ ၁၁ ဦးထက္မနည္း ေသဆုံးခဲ့ပါတယ္။
ဒီငလ်င္က သတိထားရမယ့္ ငလ်င္ျဖစ္ၿပီး ၂၀၁၀ ခုႏွစ္တုန္းက ေဟတီႏိုင္ငံ ၿမိဳ႕ေတာ္ ပို႔တ္ေအာ္ပရင့္စ္ အနီးမွာ အင္အား ၇ မဂၢနီက်ဳဒ္ရွိ ငလ်င္လႈပ္ခတ္ခဲ့လို႔ လူႏွစ္သိန္းေက်ာ္ ေသဆုံးကာ သုံးသိန္းခန႔္ ဒဏ္ရာရရွိခဲ့တဲ့ ငလ်င္လႈပ္ခတ္ဖူးတဲ့ ရာဇဝင္ရွိခဲ့တဲ့ အတြက္ ပစိဖိတ္မီးစက္ကြင္းလို႔ ေခၚတဲ့ ငလ်င္ေၾကာတစ္ေလွ်ာက္ ဆင့္ကဲလႈပ္ခတ္မႈေတြက သတိထားေစာင့္ၾကည့္ဖို႔ လိုလာၿပီ ျဖစ္ပါတယ္။
    

ဒီသတင္းက ယခုတစ္ပတ္ျဖစ္ခဲ့တဲ့ သတင္းေတြထဲက  ေတာင္ကိုရီးယားႏိုင္ငံမွာ အားျပင္း တိုင္ဖြန္းမုန္တိုင္း ေကာင္ေရး ဝင္ေရာက္တိုက္ခတ္လို႔ လူႏွစ္ဦး ေသဆုံးၿပီး တစ္ဦး ေပ်ာက္ဆုံးေနတဲ့ သတင္း၊ အိႏၵိယႏိုင္ငံမွာ ေမ်ာက္တစ္ေကာင္ကို ကားေမာင္းခိုင္းတဲ့ ဘတ္စ္ကား ဒ႐ိုင္ဘာကို အလုပ္က ဆိုင္းငံ့လိုက္တဲ့ သတင္း၊ ကြန္ဂိုႏိုင္ငံ အေဝးေျပးလမ္းမမွာ ေလာင္စာဆီယာဥ္ မေတာ္တဆျဖစ္လို႔ လူ ၅၀ ခန႔္ ေသဆုံးၿပီး ၁၀၀ ေက်ာ္ ထိခိုက္ဒဏ္ရာရရွိခဲ့တဲ့ သတင္း၊ ထိုင္းႏိုင္ငံ ကိုဖီဖီ အပန္းေျဖကြၽန္းမွာ တည္ရွိတဲ့ မာယာပင္လယ္ေအာ္ကို သႏၲာေက်ာက္တန္းေတြ ျပန္လည္ေကာင္းမြန္လာတဲ့ အခ်ိန္အထိ ပိတ္ထားဖို႔ ထိုင္းခရီးသြား အာဏာပိုင္ေတြက ထုတ္ျပန္ေၾကညာခဲ့တဲ့ သတင္းေတြထက္ ပိုၿပီး လူေတြသတိထားမိေစခဲ့ပါတယ္။

ေကာင္စစ္ဝန္႐ုံးထဲ ေပ်ာက္သြားတဲ့ ဝါရွင္တန္ပို႔စ္ ေဆာင္းပါးရွင္။
    

ယခုတစ္ပတ္ မႈခင္းေနာက္ခံ ႏိုင္ငံတကာသတင္းေတြထဲမွာ စိတ္ဝင္စားစရာ အေကာင္းဆုံးသတင္းက ဝါရွင္တန္ပို႔စ္သတင္းစာ ေဆာင္းပါးရွင္ ဂ်ာမယ္ ကာေရွာ့ဂီ တူရကီႏိုင္ငံ အစၥတန္ဘူလ္ၿမိဳ႕ရွိ ေဆာ္ဒီေကာင္စစ္ဝန္႐ုံးမွာ အသတ္ခံလိုက္ရတဲ့ သတင္းက စိတ္ဝင္စားစရာ အေကာင္းဆုံးသတင္း ျဖစ္ေနပါတယ္။

ေဆာ္ဒီအာေရးဗီးယား အိမ္ေရွ႕မင္းသား မိုဟာမက္ ဘင္ဆယ္လ္မန္ အား ေဝဖန္ရာ၌ ထင္ရွားတဲ့ ဝါရွင္တန္ပို႔စ္သတင္းစာမွာ ပင္တိုင္ ေဆာင္းပါးေရးသားေနတဲ့ ေဆာင္းပါးရွင္ ဂ်ာမယ္ ကာေရွာ့ဂီ ဟာ ေအာက္တိုဘာ ၂ ရက္က တူရကီႏိုင္ငံ အစၥတန္ဘူလ္ၿမိဳ႕ရွိ ေဆာ္ဒီေကာင္စစ္ဝန္႐ုံးသို႔ သြားေရာက္လည္ပတ္ၿပီးေနာက္ ေပ်ာက္ဆုံးခဲ့တာပါ။တူရကီ အာဏာပိုင္ေတြရဲ႕ ကနဦးစုံစမ္းစစ္ေဆးမႈမ်ားအရ ကာေရွာ့ဂီ သည္ ယင္းေကာင္စစ္ဝန္႐ုံးမွာ အသတ္ခံခဲ့ရတယ္ဆိုတာ ျပသေနတယ္လို႔ တူရကီ တာဝန္ရွိသူေတြက သတင္းဌာနေတြကို ေျပာခဲ့လို႔ ဒီျပႆနာက စိတ္ဝင္စားစရာ ျဖစ္လာခဲ့ပါတယ္။

ေဆာ္ဒီအာေရးဗီးယားဘက္ကေတာ့ ဒီလိုစြပ္စြဲမႈေတြကို ျငင္းဆန္ထားသလို အစၥတန္ဘူလ္မွာရွိတဲ့ ေဆာ္ဒီေကာင္စစ္ဝန္႐ုံးထဲ ကြယ္ဝွက္စရာ ဘာမွမရွိတဲ့အတြက္ ဝင္ရွာလို႔ရတယ္လို႔ တုံ႔ျပန္ခဲ့ပါ တယ္။ဂ်ာမယ္ ကာဂီေရွာ့ အစၥတန္ဘူးလ္က ေဆာ္ဒီေကာင္စစ္ဝန္႐ုံးထဲ ေရာက္ေနခ်ိန္နဲ႔ ေဆာဒီကေနလာတဲ့ အထူးအဖြဲ႕ ေကာင္စစ္ဝန္႐ုံးထဲ ေရာက္ေနခ်ိန္ သြားတိုက္ဆိုင္ေနတဲ့ ဒါဟာ လုပ္ႀကံသတ္ျဖတ္မႈလို႔ တူရကီဘက္က ယူဆထားၿပီးအတြက္ ကာေရွာ့ဂီကိစၥက တူရကီ - ေဆာ္ဒီ ဆက္ဆံေရးမွာ ႀကီးမားတဲ့ အက်ပ္အတည္းတစ္ခု ျဖစ္လာေတာ့မွာ ျဖစ္ပါတယ္။ယခုခ်ိန္ထိ ဘာသတင္းမွ ထြက္ေပၚမလာေသးတဲ့အတြက္ ဝါရွင္တန္ပို႔စ္သတင္းစာ ေဆာင္းပါးရွင္ ေဆာ္ဒီေကာင္စစ္ဝန္႐ုံးထဲ အသတ္ခံရတဲ့ စြပ္စြဲတဲ့သတင္းက ဒီတစ္ပတ္ သတင္းေတြထဲ ေစာင္ၾကည့္ရဦးမယ့္သတင္း ျဖစ္ခဲ့ပါတယ္။

ဒီသတင္းက ယခုတစ္ပတ္အတြင္းျဖစ္ခဲ့တဲ့ ႏိုင္ငံတကာရဲတပ္ဖြဲ႕ (Interpol) ရဲ႕ အႀကီးအကဲျဖစ္သူ တ႐ုတ္ႏိုင္ငံသား မင္ေဟာင္ေ၀ ထူးဆန္းစြာ ေပ်ာက္ဆုံးေနတဲ့ သတင္း၊ ျပင္သစ္အက်ဥ္းေထာင္ကေန ရဟတ္ယာဥ္နဲ႔ ေထာင္ေဖာက္ေျပးတဲ့ ျပင္သစ္ဓားျပ ရီဒိုနီဗာအစ္ ကို အျခားအမ်ိဳးသားသုံးဦးနဲ႔အတူ ဖမ္းဆီးရမိတဲ့ သတင္း၊ မူးယစ္ေဆးဝါး ဂိုဏ္းေတြရဲ႕ အၾကမ္းဖက္မႈကို ထိန္းသိမ္းဖို႔ နည္းလမ္းတစ္ရပ္အျဖစ္ ဘိန္းထုတ္လုပ္မႈကို တရားဝင္ ခြင့္ျပဳသင့္တယ္လို႔ မကၠဆီကို ကာကြယ္ေရးဝန္ႀကီးက ေျပာလိုက္တဲ့ သတင္း၊ မေလးရွား ဝန္ႀကီးခ်ဳပ္ေဟာင္းရဲ႕ ဇနီးျဖစ္သူကို ေငြေၾကးခဝါခ်မႈ၊ အခြန္ေရွာင္တိမ္းမႈေတြနဲ႔ စတင္စစ္ေဆးၾကားနာတဲ့ သတင္း၊ လြတ္ၿငိမ္းခ်မ္းသာခြင့္ ပယ္ဖ်က္ခံရတဲ့ ပီ႐ူး သမၼတေဟာင္း ဖူဂ်ီမိုရီ က သူ႔ကို ငဲ့ညႇာဖို႔ အစိုးရကို အသနားခံလိုက္တဲ့ သတင္း၊ ေတာင္အာဖရိကႏိုင္ငံ ကန္တြန္ပါ့ခ္ၿမိဳ႕မွာ ျဖစ္ပြားတဲ့ ရထားတိုက္မႈမွာ လူ ၃ဝဝ ေက်ာ္ ဒဏ္ရာရရွိခဲ့တဲ့ သတင္း၊ ဖိလစ္ပိုင္ ေတာင္ပိုင္း ကာပိုင္ၿမိဳ႕မွာ ခ်ဳံခိုတိုက္ခိုက္ခံရလို႔  မူးယစ္ေဆးဝါး တိုက္ဖ်က္ေရးတပ္ဖြဲ႕ဝင္ ေျခာက္ဦးေသဆုံးခဲ့တဲ့ သတင္းေတြထက္ လူေတြ ပိုသတိထားမိေစခဲ့ပါတယ္။

ေတာင္တ႐ုတ္ပင္လယ္ထဲက မျဖစ္ခဲ့တဲ့ စီးခ်င္းထိုးပြဲ။

ယခုတစ္ပတ္ စစ္ေရးေနာက္ခံ သတင္းေတြထဲမွာ အမ်ားစုေစာင့္ၾကည့္ခဲ့တဲ့ သတင္းက ေတာင္တ႐ုတ္ပင္လယ္မွာ အေမရိကန္ဖ်က္သေဘၤာကို တ႐ုတ္စစ္သေဘၤာက တိုးဝင္နီးကပ္လာၿပီး တိုက္မိလုနီးပါး ျဖစ္ခဲ့တဲ့ သတင္းက ယခုတစ္ပတ္ စစ္ေရးေနာက္ခံ သတင္းေတြထဲမွာ အမ်ားစုေစာင့္ၾကည့္ရတဲ့သတင္း ျဖစ္လာခဲ့ပါတယ္။

ၿပီးခဲ့တဲ့ သီတင္းပတ္က ေတာင္တ႐ုတ္ပင္လယ္ ေရျပင္ရွိ စပရတ္ေလ ကြၽန္းစုအနီးကေန  အေမရိကန္ ေရတပ္ဖ်က္သေဘၤာ USS Decatur ျဖတ္သန္းခုတ္ေမာင္းခဲ့ပါတယ္။အေမရိကန္ ေရတပ္ကေတာ့ ဒီလိုခုတ္ေမာင္းမႈကို ႏိုင္ငံတကာပိုင္နက္ ေရျပင္မွာ ပုံမွန္အတိုင္း ကင္းလွည့္ခုတ္ေမာင္းခဲ့တာလို႔ အေၾကာင္းျပထားပါတယ္။ဒါေပမယ့္ စပရတ္ေလကြၽန္းစုဆိုတာ တ႐ုတ္က သူပိုင္တယ္ဆိုၿပီး ေၾကျငာထားသလို ေရတပ္ကို ျဖန႔္ခ်ထားတဲ့အတြက္ အေမရိကန္ဖ်က္သေဘၤာ ဝင္လာခ်ိန္မွာ ပိုင္နက္ေရျပင္ကို က်ဴးေက်ာ္မႈအျဖစ္ သတ္မွတ္ၿပီး ေရတပ္သေဘၤာေစလႊတ္ကာ သတိေပးခဲ့တာ ျဖစ္ပါတယ္။

တ႐ုတ္ေရတပ္ရဲ႕ Luyang ဖ်က္သေဘၤာတစ္စီးဟာ အေမရိကန္ စစ္သေဘၤာကို သတိေပးရာမွာ အႏၲရာယ္ရွိေလာက္ေအာင္ နီးကပ္လာလို႔  အေမရိကန္ ေရတပ္ဖ်က္သေဘၤာ USS Decatur က လမ္းေၾကာင္းေျပာင္းလဲရန္ မျဖစ္မေန ဆုံးျဖတ္ခဲ့ရတယ္လို႔ ဆိုပါတယ္။တ႐ုတ္ေရတပ္ သေဘၤာဟာ USS Decatur အနီးသို႔ ၄၅ ကိုက္မွ်အကြာထိ ခ်ဥ္းကပ္ခဲ့လို႔ ဒါဟာ တ႐ုတ္ဘက္က အေမရိကန္ကို ယခင္လို မေရွာင္ေတာ့ဘဲ ပထမဆုံး ထိပ္တိုက္ရင္ဆိုင္မႈလည္း ျဖစ္လာပါတယ္။
ေတာင္တ႐ုတ္ပင္လယ္မွာ  အေမရိကန္က ပုံမွန္ကင္းလွည့္မႈမ်ား ျပဳလုပ္ေနတဲ့အတြက္ ၿပီးခဲ့သည့္လပိုင္းေတြအတြင္း အေမရိကန္ႏွင့္ တ႐ုတ္ ေရတပ္ခ်င္း ပဋိပကၡျဖစ္မႈေတြ ျမင့္တက္လာရာမွာ ဒါဟာ အျမင့္ဆုံးနဲ႔ အႏၲရာယ္နားအကပ္ဆုံး ထိပ္တိုက္ေတြ႕မႈဘဲ ျဖစ္ပါတယ္။  
    

ဒီလိုျဖစ္ေနခ်ိန္မွာ အေမရိကန္ ဒုသမၼတ မိုက္ပင့္စ္ က အာရွအင္အားႀကီး တ႐ုတ္ဟာ အေမရိကန္ ေ႐ြးေကာက္ပြဲကို ၾကားဝင္စြက္ဖက္ဖို႔ လုပ္ေနတယ္လို႔ စြပ္စြဲကာ အေမရိကန္ျပည္သူမ်ား၏ သေဘာထား အျမင္အေပၚ တ႐ုတ္က ဩဇာလႊမ္းမိုးရန္ မႀကဳံစဖူး ႀကိဳးပမ္းေနတယ္လို႔  ေျပာခဲ့ပါတယ္။ဒီလို ေျပာၾကားမႈကို တ႐ုတ္ ႏိုင္ငံျခားေရးဝန္ႀကီးဌာန ေျပာေရးဆိုခြင့္ရွိသူ အမ်ိဳးသမီး ဟြာခြၽန္ယင္ က ပယ္ခ်ၿပီး တ႐ုတ္ႏိုင္ငံအေနနဲ႔ အျခားႏိုင္ငံမ်ားရဲ႕ ျပည္တြင္းေရးမွာ ဝင္မစြက္ဖြက္ေရး မူဝါဒကို အၿမဲလိုက္နာၿပီး အေမရိကန္ ျပည္တြင္းေရးႏွင့္ ေ႐ြးေကာက္ပြဲမွာ ၾကားဝင္စြက္ဖက္ရန္ စိတ္ဝင္စားျခင္းမရွိဘူးလို႔ တုံ႔ျပန္ခဲ့ပါတယ္။ထရန႔္ တက္လာကတည္းက အင္အားႀကီးထြားလာကာစ တ႐ုတ္ကို ႏွိမ္ထားဖို႔ စီးပြားေရးမွာ စစ္ပြဲဆင္ႏႊဲေနသလို စစ္ေရးဘက္မွာလည္း တေျဖးေျဖး စလာေနတဲ့အတြက္ ဘာေတြ ဆက္ျဖစ္လာဦးမလဲဆိုတာ ေစာင့္ၾကည့္ရဦးမွာ ျဖစ္ပါတယ္။
    

ဒီသတင္းက ယခုတစ္ပတ္အတြင္းမွာျဖစ္ခဲ့တဲ့ စစ္ေရးျပအခမ္းအနား တိုက္ခိုက္ခံရမႈအတြက္ လက္တုံ႔ျပန္တဲ့အေနနဲ႔ အီရန္ ေတာ္လွန္ေရး အေစာင့္တပ္ဖြဲ႕က ဆီးရီးယားႏိုင္ငံထဲက စစ္ေသြးႂကြေတြရဲ႕ အေျခစိုက္စခန္းေတြကို ဒုံးက်ည္မ်ားနဲ႔ ပစ္ခတ္တိုက္ခိုက္ခဲ့တဲ့ သတင္း၊ တူရကီ အေရွ႕ေတာင္ပိုင္း ဗုံးခြဲတိုက္ခိုက္မႈမွာ က်ဆုံးခဲ့တဲ့ တူရကီစစ္သား ရွစ္ဦးအတြက္ အီရတ္ႏိုင္ငံ ဆင္ဂ်ာႏွင့္ ကြင္ဒီးလ္ ေဒသရွိ ကာ့စ္စစ္ေသြးႂကြမ်ား လက္စားေခ် အျမစ္ျပတ္ေခ်မႈန္းဖို႔ တူရကီ သမၼတ အာဒိုဂန္ ႀကိမ္းဝါးခဲ့တဲ့ သတင္း၊   ျပင္သစ္စစ္တပ္ကို ဒိန္ဖင္ဖူးတိုက္ပြဲနဲ႔ ဗီယက္နမ္ ေျမာက္ပိုင္း တပ္ဖြဲ႕ေတြကို ဦးေဆာင္ၿပီး အေမရိကန္တပ္ေတြကို အႏိုင္တိုက္ခဲ့တဲ့ ဗီယက္နမ္ ဗိုလ္ခ်ဳပ္ႀကီး ဗိုငုယင္ဇပ္ ကြယ္လြန္သြားတဲ့ သတင္း၊ ေတာင္ကိုရီးယား အစိုးရ အရာရွိတစ္ဦးက ေျမာက္ကိုရီးယားမွာ န်ဴကလီးယား ဒုံးက်ည္ထိပ္ဖူး ၆၀ ထိ ရွိေနႏိုင္တယ္လို႔ ေျပာၾကားလိုက္တဲ့ သတင္း၊ ႐ုရွားထံကေန အေမရိကန္ ေဒၚလာ ၅ ဘီလ်ံေက်ာ္ တန္ဖိုးရွိတဲ့ S-400 ေလေၾကာင္းရန္ကာကြယ္စနစ္ ငါးမ်ိဳးကို အိႏၵိယက ဝယ္လိုက္တဲ့ သတင္းေတြထဲ  ႏိုင္ငံတကာ စစ္ေရးသုံးသပ္သူေတြေတာင္ ေစာင့္ၾကည့္ရတဲ့ သတင္းတစ္ပုဒ္ ျဖစ္ခဲ့ပါတယ္။

လိင္အၾကမ္းဖက္မႈကို အာ႐ုံစိုက္လာတဲ့ ႏိုဘယ္လ္ဆု။

    
ယခုတစ္ပတ္ သတင္းေတြထဲမွာ ႏိုဘယ္လ္ဆုေကာ္မတီက ထုတ္ျပန္တဲ့ ၿငိမ္းခ်မ္းေရးႏိုဘယ္လ္ဆု သတင္းကလည္း အမ်ားစုကို စိတ္ဝင္စားေစခဲ့ပါတယ္။
    

ႏွစ္စဥ္ ေအာက္တိုဘာလေရာက္တိုင္း ႏိုဘယ္လ္ဆု ရရွိသူေတြကို ခ်ီးျမႇင္ထုတ္ျပန္ေလ့ရွိတဲ့ ေတာ္ဝင္ ဆြီဒင္သိပၸံအကယ္ဒမီက ေအာက္တိုဘာ ၃ ရက္မွာ ဓာတုေဗဒဆိုင္ရာ ႏိုဘယ္လ္ဆုကို စတင္ထုတ္ျပန္ ေၾကညာခဲ့ပါတယ္။ဒီႏွစ္မွာ ဓာတုေဗဒဆိုင္ရာ ႏိုဘယ္လ္ဆုကို ျပင္သစ္က ပညာရွင္ အိတ္ခ်္အာႏိုး၊ အေမရိကန္မွ ေဂ်ာ့ခ်္စမစ္ နဲ႔ ၿဗိတိန္က ဆာဂရီေဂါရီပီဝင္းတား တို႔ကို ပူးတြဲေပးခဲ့တာပါ။အိတ္ခ်္အာႏိုး ကို အင္ဇိုင္းဓာတ္ေတြ တိုက္႐ိုက္ဆင့္ကဲ ေျပာင္းလဲပုံကို သုေတသနျပဳခဲ့လို႔၊ ေဂ်ာ့ခ်္စမစ္ နဲ႔ ဆာဂရီေဂါရီပီဝင္းတား တို႔ကို အသားဓာတ္ျဖစ္ေစတဲ့ amino အက္ဆစ္ႏွစ္မ်ိဳးပါ ျဒပ္ေပါင္းျဖစ္တဲ့ peptides နဲ႔ ေသြးတြင္း ျဖစ္ေပၚတဲ့ ပဋိပစၥည္မ်ား antibodies တို႔ကို သုေတသန ပူးတြဲျပဳလုပ္ခဲ့ၾကလို႔ ပူးတြဲေပးခဲ့ၾကတာပါ။
    

အေမရိကန္ သမၼတ ထရန႔္ နဲ႔ ကင္ဂ်ဳံအန္မ္၊ တျခားေသာ ႏိုင္ငံ့ေခါင္းေဆာင္ေတြထိ သတင္းထြက္ေနတဲ့ ယခုႏွစ္အတြက္ ၿငိမ္းခ်မ္းေရးႏိုဘယ္လ္ဆုရွင္ စာရင္းကို ေနာ္ေဝးႏိုင္ငံ၊ ေအာ္စလိုၿမိဳ႕မွာရွိတဲ့ ႏိုဘယ္လ္ဆု ေ႐ြးခ်ယ္ေရးဌာနက ထုတ္ျပန္ခဲ့ရာမွာေတာ့ မထင္မွတ္ထားတဲ့ ကြန္ဂိုႏိုင္ငံသား ေဒါက္တာဒင္းနစ္ ျမဴေဂြကီ နဲ႔ လူ႔အခြင့္အေရးလႈပ္ရွားသူ ယာဇီဒီကာ့ဒ္ တိုင္းရင္းသူ နာဒီရာမရတ္ဒ္ တို႔ ႏွစ္ဦးက ပူးတြဲရရွိခဲ့ပါတယ္။
    

ကြန္ဂိုႏိုင္ငံသား ေဒါက္တာဒင္းနစ္ ျမဴေဂြကီ က ကြန္ဂိုျပည္တြင္းစစ္ ကာလအတြင္း သူပုန္တပ္ေတြက အုပ္စုဖြဲ႕ မုဒိမ္းက်င့္မႈေတြေၾကာင့္ စိတ္ပိုင္း၊ ႐ုပ္ပိုင္းထိခိုက္ခဲ့တဲ့၊ ေရာဂါစြဲကပ္ခဲ့တဲ့ အမ်ိဳးသမီးေတြကို သူဖြင့္ထားတဲ့ ေဆး႐ုံမွာ ေစာင့္ေရွာက္ ကုသေပးခဲ့ၿပီး အႏိုင္က်င့္ ေစာ္ကားခံ အမ်ိဳးသမီးေတြရဲ႕ ဘဝကို ကူညီကယ္ဆယ္ဖို႔ စြမ္းစြမ္းတမံ ႀကိဳးစားခဲ့တဲ့ ေဆးပညာရွင္ တစ္ေယာက္ပါ။
    

ယာဇီဒီကာ့ဒ္ တိုင္းရင္းသူ နာဒီရာမရတ္ဒ္ ကေတာ့ အိုင္အက္စ္ စစ္ေသြးႂကြအုပ္စုေတြရဲ႕ လိင္ပိုင္းဆိုင္ရာ ေစာ္ကားႏွိပ္စက္ျခင္းခံရတဲ့ အမ်ိဳးသမီးေတြကို ကူညီကယ္တင္ဖို႔ အစြမ္းကုန္ ႀကိဳးစားခဲ့သူ ျဖစ္ပါတယ္။ယခုႏွစ္မွာ ၿငိမ္ခ်မ္းေရးႏိုဘယ္လ္ဆု ေ႐ြးခ်ယ္ေရးအဖြဲ႕ဟာ လိင္အၾကမ္းဖက္မႈေတြကို  ရပ္တန႔္ဖို႔ တိုက္ဖ်က္အားထုတ္ေနသူေတြကို ေပးခဲ့တာျဖစ္ခဲ့တဲ့အတြက္ ကမာၻတလႊားက လိင္အၾကမ္းဖက္မႈ တိုက္ဖ်က္ေနတဲ့သူေတြ အဖြဲ႕အစည္းေတြအတြက္ ခြန္အားျဖစ္ေစပါတယ္။
    

ဒီသတင္းက ယခုတစ္ပတ္ သတင္းေတြထဲ စိတ္ဝင္စားစရာေကာင္းသလို ဆုရသူေတြအတြက္လည္း ဝမ္းသာၾကည္ႏူးစရာ သတင္းတစ္ပုဒ္ ျဖစ္ခဲ့တယ္ဆိုတာ တင္ျပရင္း ယခုတစ္ပတ္ ႏိုင္ငံတကာ သတင္းသုံးသပ္ခ်က္ကို ဒီမွာဘဲ ရပ္လိုက္ခ်င္ပါတယ္။

မင္းထက္
ေအာက္တိုဘာ - ၈