【 ဆောင်းပါး 】 အချိန်ခါကိုက် ဆောင်ရွက်တတ်ခြင်းဟူသော နိုင်ငံရေးအနုပညာ

【 ဆောင်းပါး 】 အချိန်ခါကိုက် ဆောင်ရွက်တတ်ခြင်းဟူသော နိုင်ငံရေးအနုပညာ

၂၀၁၇ ၌ တရုတ်သို့ သွားရစဉ်က တရုတ်တွင် မြင်တွေ့ရသည့် အရာအတော်များများကို ကာတွန်းမောင်အောင်က အနုပညာပါတယ်ဟု မှတ်ချက်ချပါသည်။သည်တုန်းက စာရေးသူသည် ကာတွန်းမောင်အောင် ပြောသည့် “အနုပညာပါတယ်” ဟူသည် အဘယ်နည်းဟု စဉ်းစားပါသည်။အဖြေမပေါ်။စာရေးသူ သတိထားမိသမျှ တရုတ်တို့သည် သူတို့ဘာသာစကားကို ရှေ့တန်းတင်ထားသည်။အဘယ်မျှတင်သနည်းဆိုသော် တစ်ကမ္ဘာလုံးသို့ဖြန့်နေသည့် The Global Times သတင်းစာတိုက် အယ်ဒီတာချုပ်သည် အမေရိကန်ပြန် ဖြစ်သော်လည်း တရုတ်လိုသာ စကားပြန်မှတဆင့် ပြောသည်။ တရုတ်တစ်နိုင်ငံလုံးသို့ သတင်းအချက်အလက် ဖြန့်ပေးနေသည့် ဌာနကို ပင်မစဖိုဆောင် ဟု အမည်ပေးထားသည်။မြန်မာတို့သာ ဘိုရူးရူး၍ ဘိုစကား ညှပ်ပြောနေကြသော်လည်း တရုတ်တို့ အင်္ဂလိပ်ဘာသာကို ညှပ်ပြောကြခြင်းမရှိ။ ရွှေမြန်မာတို့သာဆိုလျှင် Main Data Bank ဟု အမည်မှည့်မည်ဖြစ်သည့် သတင်းအချက်အလက်အားလုံး သိမ်းဆည်းပြီး ပြန်လည်ဖြန့်ဖြူးရာနေရာကိုပင် တရုတ်စာလုံးကြီးဖြင့်သာ ရေးသားထားသည်။

တရုတ်အများစု အလုပ်ကို အလုပ်နှင့်တူအောင် လုပ်ကြကြောင်း ရောက်လေရာနေရာတွင် မြင်တွေ့ရသည်။မြန်မာတွင် နိုင်ငံခြားသားများသာ သွားလေ့ရှိသည့် ရှေးဟောင်းယဉ်ကျေးမှုနှင့် ဆိုင်သည့် နေရာများသို့ သွားရောက်သူ အများစုမှာ နိုင်ငံခြားသားတွေမဟုတ်ဘဲ တရုတ်တွေကိုယ်တိုင် ဖြစ်နေသည် စသောအရာများကို သတိထားမိခဲ့ပါသည်။

စာရေးသူသည် မိုးကာလတွင် ရေစိုခံ နိုင်ငံခြားလုပ်ဖိနပ်ကို စီးသော်လည်း မိုးကုန်လျှင် ပြည်တွင်းဖြစ် ကတ္တီပါဖိနပ်ကို စီးပါသည်။တရုတ်မှ ပြန်လာပြီးနောက် ကတ္တီပါဖိနပ် မဝယ်ရသေးသောကြောင့် ယခင်နှစ် မိုးတွင်း၌စီးခဲ့ပြီး မိုးကုန်သောအခါ ရေဆေးသိမ်းဆည်းထားသည့် လက်မဝက်သာ အမြင့်ရှိသော လူးဝစ်ဒေါ်လာ (Louis Dollar) တံဆိပ် ဖိနပ်ဟောင်းကို ထုတ်စီးရပါသည်။တရုတ်သွားတုန်းက တရုတ်ဆောင်း၏ အအေးဒဏ်ကို ခံနိုင်စေရန် စီးခဲ့ရသည့် ခြေအိတ်နှင့် ကင်းဘတ်ဖိနပ်ကြောင့် ခံစားရသော စိတ်ကျဉ်းကျပ်မှုမှ လွတ်မြောက်ပြီး လူးဝစ်ဒေါ်လာ ခြေညှပ်ဖိနပ် စီးရခြင်း၏ လွတ်လပ်ပေါ့ပါးမှုကိုပါ ခံစားရပါသည်။ငယ်စဉ်တုန်းက ဖိနပ်ကို ဖက်ရှင်အဖြစ် ကိုယ်မစီးဖူးသည့် ပုံစံသစ်လေးများ ရှာဖွေစီးတတ်ပါသည်။အဝတ်မထပ်စေရန် သတိထားသကဲ့သို့ ဖိနပ်ဒီဇိုင်း မတူသည်များကို ရွေးချယ်ပြီး အလဲလဲအလှယ်လှယ် ပြောင်းစီးပါသည်။သို့သော် အသက်ရလာသောအခါ သိပ်မမြင့်လွန်းသော တော်သင့်ရုံဖိနပ်ကိုသာ ရွေးစီးပါတော့သည်။
ငယ်ငယ်တုန်းကလို ဒီဇိုင်းမထပ်စေရန် အားမထုတ်တော့ပါ။

တိုက်တိုက်ဆိုင်ဆိုင် လူးဝစ်ဒေါ်လာ ဖိနပ်ဟောင်းလေးကို ထုတ်စီးသည့် ဒုတိယမြောက်နေ့တွင် တပည့်မလေးတစ်ယောက် ရောက်လာပြီး လမ်းကြုံ၍ ဝင်နှုတ်ဆက်တာပါဟုပြောလျက် ကတ္တီပါဖိနပ်လေးတစ်ရန် ကန်တော့သွားပါသည်။ဖွင့်ကြည့်လိုက်တော့ လှပချစ်စရာကောင်းသည့် ခုံမြင့်ကတ္တီပါဖိနပ်လေး ဖြစ်နေပါသည်။မိမိဘာသာဆိုလျှင် ရိုးရိုးခြေညှပ် ကတ္တီပါဖိနပ်အပါးကိုသာ ဝယ်စီးလေ့ရှိပါသည်။၏ တပည့်မလေး ကန်တော့သွားသည့် ကတ္တီပါဖိနပ်လေးကား မီးခိုးနုရောင် တစ်လက်မ ခုံမြင့်ဖိနပ်လေးဖြစ်ပြီး ရိုးရိုးသဲကြိုးတပ် မဟုတ်ဘဲ ဖဲပြားပုံဖော်ထားသည့် သဲကြိုးတပ်ထားပါသည်။စာရေးသူလည်း နောက်နေ့မှစ၍ မီးခိုးနုရောင် ခုံမြင့်ကတ္တီပါဖိနပ်လေးကို စီးပါတော့သည်။ထိုဖိနပ်လေးကို တနေကုန်စီးပြီး ညနေဘက် အိမ်ပြန်လာလျှင် သဲကြိုးကြား ခြေညှပ်စီးရသည့် တာဝန်ယူရသော ခြေမနှင့် ခြေညှိုးကြားတဝိုက် နာကျင်နေ နီရဲနေပါတော့သည်။ထို့ပြင် လမ်းများများ လျှောက်ရသော နေ့များတွင် အောက်ခြေဖိနပ်ခုံက မာသောကြောင့် ခြေထောက်များ နာလာပါသည်။

သည်တွင် အသစ် ဘယ်လိုကောင်းကောင်း အဟောင်းတလည်လည် ဆိုသကဲ့သို့ ဘယ်သို့စီးစီး လမ်းဘယ်လောက်လျှောက်လျှောက် ခြေထောက်မနာတတ်၊ ဖိနပ်သဲကြိုးမပေါက်စေသော လူးဝစ်ဒေါ်လာ ဖိနပ်ဟောင်းလေးကို ပြန်ထုတ်စီးရပါသည်။သည်တွင် တရုတ်သွားစဉ်က ကာတွန်းမောင်အောင် တချိန်လုံးပြောနေသည့် “အနုပညာပါတယ်” ဆိုသည်ကို နားလည်လိုက်ပါသည်။အော် - မြန်မာကတ္တီပါ ဖိနပ်သည် ခြေထောက်အကြောင်းမသိဘဲ ခြေထောက်ကို သက်သောင့်သက်သာရှိစေမှု၊ ခရီးရှည် လမ်းလျှောက်ရသည့်ဒဏ်ကို ခံနိုင်မှု ဘာတစ်ခုမှ မရှိစေဘဲ အမြင်လှရုံသက်သက် လုပ်ထားသည့် လက်ရာဖြစ်ကြောင်း သိလာပါသည်။လူးဝစ်ဒေါ်လာ ဖိနပ်သည် ပုံစံလှလှ အမျိုးမျိုးရှိသော်လည်း စာရေးသူကိုယ်၌က ရိုးရိုးရှင်းရှင်း ခြေညှပ်လက်မဝက်ပုံစံကို မိမိအသက်အရွယ်အရ ရွေးစီးခြင်းဖြစ်ပါသည်။ဖိနပ်ခုံက အိနေ၍ အဘယ်မျှ လမ်းလျှောက်လျှောက် ခြေဖဝါးများမနာပါ။ဖိနပ်အသစ် ဖြစ်စေကာမူ ဖိနပ်သစ်စီးစတွင် ဖြစ်တတ်သည့် ဖိနပ်ပေါက်ခြင်း တစ်ခါမှ မခံစားရပါ။

လူးဝစ်ဒေါ်လာ ဖိနပ်၏ မူလကုမ္ပဏီ ဘယ်နိုင်ငံကမှန်း မသိသော်လည်း စာရေးသူစီးသည့် လူးဝစ်ဒေါ်လာတံဆိပ် ဖိနပ်ကို ထိုင်းနိုင်ငံတွင် ထုတ်လုပ်ပါသည်။အော် - လူသုံးပစ္စည်းတစ်ခုကို ထုတ်လုပ်ရာတွင် တတ်ကျွမ်းနားလည်မှု၊ ကျွမ်းကျင်မှုနှင့် သုံးစွဲမည့် စားသုံးသူ (Customer) အတွက် သက်သောင့်သက်သာ ရှိစေမှုအပေါ် ထည့်သွင်းစဉ်းစားပေးခြင်းဆိုသည့် စေတနာပေါင်းစပ်ထားသည်ကို အနုပညာပါတယ်ဟု ဆိုလိုကြောင်း သိနားလည်လာပါသည်။

ထိုအနုပညာပါတယ် ဆိုသော အတွေးကို ယခုရက်ပိုင်းအတွင်း ဧရာဝတီ မြစ်ဆုံစီမံကိန်း ကိစ္စအပေါ် အင်အယ်လ်ဒီအစိုးရ ကိုင်တွယ်ဆောင်ရွက်နေပုံနှင့် နှိုင်းယှဉ်တွေးနေမိပါသည်။တချို့ကတော့ ဒီစာရေးသူကို ရူးနေတာပဲ။မဆီမဆိုင် ဖိနပ်၊ အနုပညာနှင့် အင်အယ်လ်ဒီ ဖော်ဆောင်နေသည့် နိုင်ငံရေးအုပ်ချုပ်ရေးကို ဆက်စပ်ပြောဆိုနေသည်ဟု ဆိုချင်ကြပါမည်။

တိုင်းပြည်အတွက်တွေးပြီး မကြာခဏရင်ပူမိသူ တစ်ဦးအနေဖြင့်၊ အင်အယ်လ်ဒီအစိုးရ ရင်ဆိုင်နေရသည့် အခက်အခဲများကို မကြာခဏတွေးတောမိပါသည်။သို့သော် ရံဖန်ရံခါ အင်အယ်လ်ဒီအစိုးရ လုပ်ပုံများ၊ ပါတီက ပြောဆိုလုပ်ကိုင်ပုံများကို အံ့အားသင့်မိသည့် ခံစားမှုကိုလည်း မကြာခဏခံစားရပါသည်။ဗိုလ်ချုပ်ရုပ်တုကိစ္စ၊ ပွင့်လင်းမြင်သာမှု အားနည်းခြင်း၊ ရိုးသားစွာဝန်ခံမှု နည်းလာပြီး မဆီလျော်သည့် ဆင်ခြေဆင်လက်များပေးခြင်း၊ ထုတ်ပယ်သင့်ပြီ လူပြောင်းသင့်ပြီဟု ယူဆမိသူများ ဆက်နေရာပေးထားခြင်း၊ လူထုကို အလေးမထားဘဲ ရှင်းလင်းဖော်ပြမှု ကင်းမဲ့သည့် ဝန်ကြီးများကို လက်လွှတ်စပယ် ထုတ်ပယ်မှုများ စသဖြင့် အင်အယ်လ်ဒီပါတီအပေါ် အတိုက်အခံဘဝက မမြင်ခဲ့ရသည့် အပြစ်များကို အင်အယ်လ်ဒီအစိုးရ ဖြစ်လာချိန်တွင် မြင်လာရပါသည်။

၂၀၁၉ ဇန်နဝါရီ လလယ်လောက်မှစ၍ တဖန်လှုပ်ခတ်လာသည့် ဧရာဝတီ မြစ်ဆုံစီမံကိန်းနှင့် ပတ်သက်၍ အင်အယ်လ်ဒီအစိုးရ ကိုင်တွယ်ဖြေရှင်းနေပုံသည် အလွန်အနုပညာမဲ့သည်ဟု ခံစားလာရပါသည်။သို့သော် တိုင်းပြည်နှင့် လူမျိုးအပေါ် စေတနာထားသည့် အစိုးရအဖြစ် လက်ခံနေဆဲဖြစ်ပေရာ၊ အင်အယ်လ်ဒီအစိုးရ အဘယ်သို့ ချောင်ပိတ်မိနေသနည်း။ဧရာဝတီမြစ်ဆုံ အရေးကိုဘာကြောင့် ရှေ့နောက်မညီသော စကားများပြောနေပါသနည်းဆိုသည့် အတွေးကိုလည်း တွေးမိပါသည်။အင်အယ်လ်ဒီသည် လက်တွေ့ အာဏာရလာချိန်တွင် နိုင်ငံရေး အရှုံးအမြတ်တွက်ပါက အရှုံးပေါ်သည့် ဗိုလ်ချုပ်ရုပ်တု စိုက်ထူခြင်းမျိုးကို ဇွတ်လုပ်ဆောင်ခြင်းကဲ့သို့သော အနှစ်သာရနှင့် အပေါ်ယံအကာ မခွဲခြားတတ်သည့် နိုင်ငံရေးပါးနပ်မှု ကင်းမဲ့ပုံကိုပါ တွေ့မြင်လာရပါသည်။

ဧရာဝတီ မြစ်ဆုံအရေးကို အင်အယ်လ်ဒီသည် အတိုက်အခံပါတီ ဘဝတုန်းက၊ ဆန့်ကျင်ကန့်ကွက်ခဲ့သည်။မဲဆွယ်စဉ်က မဲနိုင်လျှင် မြစ်ဆုံစီမံကိန်းပါ အချက်အလက်များ ချပြမည်ဆိုသော အပြောဖြင့် မဲဆွယ်ခဲ့သည်။အစိုးရဖြစ်လာချိန်တွင် သည်နှစ်ချက်ကို မထိန်းသိမ်းတော့ခြင်းသည် ဒေါ်အောင်ဆန်းစုကြည် က တခြား အင်အယ်လ်ဒီပါတီဝင်များကို သတိပေးလေ့ရှိသည့် မတည်နိုင်တဲ့ ကတိကဝတ်တွေကို လူထုကိုမပေးပါနဲ့ဆိုသောသူ ကိုယ်တိုင်၏ နှုတ်ထွက်စကားများကို ဒေါ်အောင်ဆန်းစုကြည် က ဖေါက်ဖျက်ရာ ရောက်နေပါသည်။ဧရာဝတီမြစ်ဆုံ အရေးသည် အင်အယ်လ်ဒီအစိုးရ စတက်လာစကပင် ရင်ဆိုင်ခဲ့ရသည့် တရုတ်နှင့် ညှိနှိုင်းရမည့် ပြဿနာဟောင်း ဖြစ်ပါသည်။အင်အယ်လ်ဒီအစိုးရကို ဉာဏ်ကြီးသူများက ဦးဆောင်နေသည်ဖြစ်ရာ တစ်နေ့မဟုတ် တစ်နေ့ ရင်ဆိုင်ရမည့် ဧရာဝတီ မြစ်ဆုံအရေးကို အစိုးရကြိုတင်ပြင်ဆင်ထားမည်ဟု လူထုက ယုံကြည်ခဲ့ပါသည်။ ပေးခဲ့သော ကတိကဝတ်များနှင့် အတိုက်အခံဘဝက ရပ်တည်မှုကို ဆက်လက်ထိန်းသိမ်းမည်ဟု လူထုက တထစ်ချယုံကြည်ခဲ့သော်လည်း အင်အယ်လ်ဒီအစိုးရဘက်က မယုံနိုင်စရာ စကားများ တုန့်ပြန်မှုများဖြင့်သာ ပြသနေပါသည်။

တရုတ်သံရုံးက ဧရာဝတီ မြစ်ဆုံစီမံကိန်းကို ပြန်စမည်ဟု ၂၀၁၉ ဇန်နဝါရီလ ၁၃ ရက်နေ့က ထုတ်ပြောခဲ့ပါသည်။တရုတ်မီဒီယာ ဂလိုဘယ်တိုင်း သတင်းစာတွင် ဒေါ်အောင်ဆန်းစုကြည် က မြစ်ဆုံစာချုပ်ကို ဆက်အကောင်အထည်ဖော်လိုသည်ဟု အဓိပ္ပာယ်သက်ရောက်စေသည့် သတင်းဖော်ပြခဲ့ပြီ။မြန်မာပြည်တွင်း၌မူ အင်အယ်လ်ဒီပါတီမှ ဒေါက်တာမျိုးညွန့် နှင့် ဒေါက်တာဇော်မြင့်မောင် တို့က မြစ်ဆုံကိစ္စတွင် လူထုသဘောအတိုင်း ဖြစ်စေရပါမည် ဆို၏။ပြည်ထောင်စုဝန်ကြီး ဦးသောင်းထွန်း က ရေကာတာအရွယ်အစားကို သေးပစ်ရမည်လား။နေရာရွှေ့ပြောင်း လုပ်ရမည်လား၊ တခြားစီမံကိန်းတစ်ခုဖြင့် အစားထိုးပေးရမည်လား စသည့်နည်းများဖြင့် အဖြေရှာနေသည် ဆိုလိုက်ပြန်သည်။ပါတီကတစ်မျိုး၊ အစိုးရကတစ်မျိုး ပြောနေချိန်တွင် လူထုကား ယခင်ကပြောခဲ့သည့်အတိုင်း အပြီးတိုင် မြစ်ဆုံစီမံကိန်း ရပ်ဆိုင်းရေးကိုသာ အလိုရှိကြောင်း တောင်းဆိုသံ ကျယ်လောင်လာသည်။

အစိုးရခြေလှမ်း အစိုးရအသံကို စောင့်နေသည့် မြန်မာလူထုသည် အစိုးရ၏ နှောင့်နှေးကြန့်ကြာမှုကို သည်းမခံကြတော့။၂၇.၁.၂၀၁၉  ရက်နေ့က မြို့တော်ခန်းမရှေ့တွင် လူထုဆန္ဒ ဖော်ထုတ်ပွဲ ကျင်းပခဲ့ကြသည်။၃.၂.၂၀၁၉ ရက်နေ့၌ နာရေးကူညီမှုအသင်း ခန်းမတွင် ဧရာဝတီ မြစ်ဆုံစီမံကိန်း ရပ်ဆိုင်းရေး ဟောပြောကြပြီ။မိုးလေဝသပညာရှင် ဒေါက်တာထွန်းလွင်၊ ဆရာမောင်စိန်ဝင်း (ပုတီးကုန်း)၊ သဘာဝပတ်ဝန်းကျင်ပညာရှင် ဒေါက်တာမြင့်ဇော် တို့က ဧရာဝတီမြစ်ဆုံ အပြီးရပ်ဆိုင်းရန် ဟောပြောတောင်းဆိုကြသည်။

ထို့နေ့တွင်ပင် တပ်မတော်၏ ပစ်ခတ်တိုက်ခိုက်မှုဆိုင်ရာ ရပ်စဲရေး ကြေညာချက်အား ကြိုဆိုပွဲနှင့် ပြည်ထောင်စုဖွား တိုင်းရင်းသား ညီအစ်ကိုများက ငြိမ်းချမ်းရေးအတွက် အတူတကွ ပူးပေါင်းပါဝင်ရေး ဆန္ဒဖော်ထုတ်ပွဲကို မဟာဗန္ဓုလပန်းခြံ၌ ညနေဘက်တွင် ကျင်းပခဲ့ပါသည်။ထိုပွဲတွင် ဘူးလက်ဦးလှဆွေ၊ ဦးဝီရသူ နှင့် အင်အယ်လ်ဒီကို ဆန့်ကျင်ကြသည့် တခြားဘုန်းကြီးများ၊ ဒေါ်ခင်ဝိုင်းကြည်၊ ပြည်ခိုင်ဖြိုးက ဦးစီးကျင်းပသည့် ဆန္ဒဖော်ထုတ်ပွဲများတွင် တွေ့ရလေ့ရှိသူများ တက်ရောက်ကြပါသည်။စင်ပေါ်တက် ဟောပြောသူ ဘူးလက်ဦးလှဆွေ က “ငြိမ်းချမ်းရေးကိစ္စ ဆန္ဒဖော်ထုတ်ခြင်း ဖြစ်သော်လည်း ကြုံ၍ မြစ်ဆုံကိစ္စ ထည့်ပြောမည်၊ နားထောင်လိုသလားဟု တိုင်လိုက်ရာ၊ ပရိသတ်က နားထောင်လိုသည်ဟု တုန့်ပြန်လိုက်သည်။”

ဘူးလက်ဦးလှဆွေ က ဆက်လက်၍ “ဧရာဝတီ မြစ်ဆုံစီမံကိန်းကို စစ်အစိုးရလက်ထက် နိုင်ငံတကာက ဝိုင်းဝန်းပိတ်ဆို့ထား၍သာ ချုပ်ဆိုခဲ့ရခြင်းဖြစ်ပြီး တရုတ်က ဘီလီယံ ၃၀ စိုက်ပြီး ခံစားခွင့် ၅၅ ရာနှုန်း ဖြစ်သော်လည်း၊ မြန်မာကတစ်ပြားမှ မစိုက်ဘဲ ၄၅ ရာနှုန်း ခံစားခွင့်ရမည်ဖြစ်ကြောင်း၊ သို့သော် အင်အယ်လ်ဒီ အပါအဝင် အင်ဂျီအိုများ စီအက်စ်အိုများက ဝိုင်းကန့်ကွက်ခဲ့၍ သဘောကောင်းသော ဦးသိန်းစိန် က ယာယီရပ်ဆိုင်းပေးခဲ့ကြောင်း၊ ယခုအင်အယ်လ်ဒီများက မြင်တောင်မမြင်ဖူးဆိုသည့် ဧရာဝတီ မြစ်ဆုံစီမံကိန်း စာချုပ်ကို နေရာ ၄ နေရာတွင် တွေ့ရှိနိုင်ကြောင်း၊ သမ္မတရုံး၊ စီမံ - ဘဏ္ဍာဝန်ကြီးဌာန၊ ဥပဒေချုပ်ရုံးနှင့် မော်ကွန်းတိုက်တို့တွင်ရှိကြောင်း ပြောပြီး၊ အင်အယ်လ်ဒီသည် အာဏာမရမီက မြစ်ဆုံကို ကာကွယ်ကြ ဖြစ်သော်လည်း ယခု မြစ်ဆုံစာချုပ်ကို ကာကွယ်ကြ ဖြစ်သွားပြီဖြစ်ကြောင်း၊ သူတို့ကမူ ပြည်သူနှင့်အတူ ရပ်တည်သွားမည် စသဖြင့် ဟောပြောသွားပါသည်။

ဘူးလက်ဦးလှဆွေ ၏ စကားများအား တန်ဖိုးမထားသော်လည်း စာချုပ်ကို ၄ နေရာတွင် သိမ်းထားသည်ဆိုသော စကားအပေါ် လျစ်လျူရှု၍ မရပါ။အင်အယ်လ်ဒီမှ တာဝန်ရှိသူတချို့က မြစ်ဆုံစာချုပ်ထဲ ဘာပါမှန်းမသိရသေးပါ ပြောနေခြင်းကို ပြည်သူက မယုံကြည်ခဲ့ပါ။ပြည်သူနှင့်အတူ ပြောဆိုထားသည့် ပြည်သူတင်မြှောက်၍ တက်လာရသော အစိုးရသည် ပြည်သူအပေါ် ဘာကြောင့် ပရိယာယ်ဝေဝုစ်တွေ သုံးနေပါသနည်းဆိုသော အတွေးက မြန်မာလူထုကို နှိပ်စက်နေပါသည်။နိုင်ငံရေးတွင် အချိန်အခါကို သိခြင်းသည် အနုပညာတစ်ရပ် ဖြစ်ပါသည်။အချိန်စော ဆောင်ရွက်ခြင်းကြောင့် အောင်မြင်မှုမရစေနိုင်သကဲ့သို့၊ အချိန်နောက်ကျ ဆုံးဖြတ်ခြင်းကလည်း အရာရာကို ဆုံးရှုံးစေနိုင်ပါသည်။အင်အယ်လ်ဒီသည် မြစ်ဆုံအရေးတွင် ပြည်သူနှင့် အချိန်မီကျောချင်းကပ်ရန် လိုပါသည်။အင်အယ်လ်ဒီအစိုးရအတွက် မြစ်ဆုံကိစ္စသည် ဘေးကျပ်နံကျပ်ဖြစ်နေ၍ ပြည်သူကို အပူမပေးတာပါဟုတော့ ဆင်ခြေမပေးပါလေနှင့်။အချိန်ဆွဲလေ အင်အယ်လ်ဒီအစိုးရနှင့် ပါတီအတွက် အရှုံးပေါ်လေ ဖြစ်လာမည့် ဧရာဝတီ မြစ်ဆုံအရေးတွင် ပြည်သူသာအမိ ပြည်သူသာအဖ ပြည်သူ့ဆန္ဒသာ ပဓာနဟူသော လက်ကိုင်တရားဖြင့် ပြတ်ပြတ်သားသား သတ္တိရှိရှိ အချိန်မီ အင်အယ်လ်ဒီဘက်က ပွင့်လင်းမြင်သာ ဆုံးဖြတ်ပြချိန်တန်ပါပြီ။

ခင်နှင်းဦး
ဖေဖော်ဝါရီ - ၆

( Zawgyi )

၂၀၁၇ ၌ တ႐ုတ္သို႔ သြားရစဥ္က တ႐ုတ္တြင္ ျမင္ေတြ႕ရသည့္ အရာအေတာ္မ်ားမ်ားကို ကာတြန္းေမာင္ေအာင္က အႏုပညာပါတယ္ဟု မွတ္ခ်က္ခ်ပါသည္။သည္တုန္းက စာေရးသူသည္ ကာတြန္းေမာင္ေအာင္ ေျပာသည့္ “အႏုပညာပါတယ္” ဟူသည္ အဘယ္နည္းဟု စဥ္းစားပါသည္။အေျဖမေပၚ။စာေရးသူ သတိထားမိသမွ် တ႐ုတ္တို႔သည္ သူတို႔ဘာသာစကားကို ေရွ႕တန္းတင္ထားသည္။အဘယ္မွ်တင္သနည္းဆိုေသာ္ တစ္ကမာၻလုံးသို႔ျဖန႔္ေနသည့္ The Global Times သတင္းစာတိုက္ အယ္ဒီတာခ်ဳပ္သည္ အေမရိကန္ျပန္ ျဖစ္ေသာ္လည္း တ႐ုတ္လိုသာ စကားျပန္မွတဆင့္ ေျပာသည္။ တ႐ုတ္တစ္ႏိုင္ငံလုံးသို႔ သတင္းအခ်က္အလက္ ျဖန႔္ေပးေနသည့္ ဌာနကို ပင္မစဖိုေဆာင္ ဟု အမည္ေပးထားသည္။ျမန္မာတို႔သာ ဘို႐ူး႐ူး၍ ဘိုစကား ညႇပ္ေျပာေနၾကေသာ္လည္း တ႐ုတ္တို႔ အဂၤလိပ္ဘာသာကို ညႇပ္ေျပာၾကျခင္းမရွိ။ ေ႐ႊျမန္မာတို႔သာဆိုလွ်င္ Main Data Bank ဟု အမည္မွည့္မည္ျဖစ္သည့္ သတင္းအခ်က္အလက္အားလုံး သိမ္းဆည္းၿပီး ျပန္လည္ျဖန႔္ျဖဴးရာေနရာကိုပင္ တ႐ုတ္စာလုံးႀကီးျဖင့္သာ ေရးသားထားသည္။

တ႐ုတ္အမ်ားစု အလုပ္ကို အလုပ္ႏွင့္တူေအာင္ လုပ္ၾကေၾကာင္း ေရာက္ေလရာေနရာတြင္ ျမင္ေတြ႕ရသည္။ျမန္မာတြင္ ႏိုင္ငံျခားသားမ်ားသာ သြားေလ့ရွိသည့္ ေရွးေဟာင္းယဥ္ေက်းမႈႏွင့္ ဆိုင္သည့္ ေနရာမ်ားသို႔ သြားေရာက္သူ အမ်ားစုမွာ ႏိုင္ငံျခားသားေတြမဟုတ္ဘဲ တ႐ုတ္ေတြကိုယ္တိုင္ ျဖစ္ေနသည္ စေသာအရာမ်ားကို သတိထားမိခဲ့ပါသည္။

စာေရးသူသည္ မိုးကာလတြင္ ေရစိုခံ ႏိုင္ငံျခားလုပ္ဖိနပ္ကို စီးေသာ္လည္း မိုးကုန္လွ်င္ ျပည္တြင္းျဖစ္ ကတၱီပါဖိနပ္ကို စီးပါသည္။တ႐ုတ္မွ ျပန္လာၿပီးေနာက္ ကတၱီပါဖိနပ္ မဝယ္ရေသးေသာေၾကာင့္ ယခင္ႏွစ္ မိုးတြင္း၌စီးခဲ့ၿပီး မိုးကုန္ေသာအခါ ေရေဆးသိမ္းဆည္းထားသည့္ လက္မဝက္သာ အျမင့္ရွိေသာ လူးဝစ္ေဒၚလာ (Louis Dollar) တံဆိပ္ ဖိနပ္ေဟာင္းကို ထုတ္စီးရပါသည္။တ႐ုတ္သြားတုန္းက တ႐ုတ္ေဆာင္း၏ အေအးဒဏ္ကို ခံႏိုင္ေစရန္ စီးခဲ့ရသည့္ ေျခအိတ္ႏွင့္ ကင္းဘတ္ဖိနပ္ေၾကာင့္ ခံစားရေသာ စိတ္က်ဥ္းက်ပ္မႈမွ လြတ္ေျမာက္ၿပီး လူးဝစ္ေဒၚလာ ေျခညႇပ္ဖိနပ္ စီးရျခင္း၏ လြတ္လပ္ေပါ့ပါးမႈကိုပါ ခံစားရပါသည္။ငယ္စဥ္တုန္းက ဖိနပ္ကို ဖက္ရွင္အျဖစ္ ကိုယ္မစီးဖူးသည့္ ပုံစံသစ္ေလးမ်ား ရွာေဖြစီးတတ္ပါသည္။အဝတ္မထပ္ေစရန္ သတိထားသကဲ့သို႔ ဖိနပ္ဒီဇိုင္း မတူသည္မ်ားကို ေ႐ြးခ်ယ္ၿပီး အလဲလဲအလွယ္လွယ္ ေျပာင္းစီးပါသည္။သို႔ေသာ္ အသက္ရလာေသာအခါ သိပ္မျမင့္လြန္းေသာ ေတာ္သင့္႐ုံဖိနပ္ကိုသာ ေ႐ြးစီးပါေတာ့သည္။
ငယ္ငယ္တုန္းကလို ဒီဇိုင္းမထပ္ေစရန္ အားမထုတ္ေတာ့ပါ။

တိုက္တိုက္ဆိုင္ဆိုင္ လူးဝစ္ေဒၚလာ ဖိနပ္ေဟာင္းေလးကို ထုတ္စီးသည့္ ဒုတိယေျမာက္ေန႔တြင္ တပည့္မေလးတစ္ေယာက္ ေရာက္လာၿပီး လမ္းႀကဳံ၍ ဝင္ႏႈတ္ဆက္တာပါဟုေျပာလ်က္ ကတၱီပါဖိနပ္ေလးတစ္ရန္ ကန္ေတာ့သြားပါသည္။ဖြင့္ၾကည့္လိုက္ေတာ့ လွပခ်စ္စရာေကာင္းသည့္ ခုံျမင့္ကတၱီပါဖိနပ္ေလး ျဖစ္ေနပါသည္။မိမိဘာသာဆိုလွ်င္ ႐ိုး႐ိုးေျခညႇပ္ ကတၱီပါဖိနပ္အပါးကိုသာ ဝယ္စီးေလ့ရွိပါသည္။၏ တပည့္မေလး ကန္ေတာ့သြားသည့္ ကတၱီပါဖိနပ္ေလးကား မီးခိုးႏုေရာင္ တစ္လက္မ ခုံျမင့္ဖိနပ္ေလးျဖစ္ၿပီး ႐ိုး႐ိုးသဲႀကိဳးတပ္ မဟုတ္ဘဲ ဖဲျပားပုံေဖာ္ထားသည့္ သဲႀကိဳးတပ္ထားပါသည္။စာေရးသူလည္း ေနာက္ေန႔မွစ၍ မီးခိုးႏုေရာင္ ခုံျမင့္ကတၱီပါဖိနပ္ေလးကို စီးပါေတာ့သည္။ထိုဖိနပ္ေလးကို တေနကုန္စီးၿပီး ညေနဘက္ အိမ္ျပန္လာလွ်င္ သဲႀကိဳးၾကား ေျခညႇပ္စီးရသည့္ တာဝန္ယူရေသာ ေျခမႏွင့္ ေျခညႇိဳးၾကားတဝိုက္ နာက်င္ေန နီရဲေနပါေတာ့သည္။ထို႔ျပင္ လမ္းမ်ားမ်ား ေလွ်ာက္ရေသာ ေန႔မ်ားတြင္ ေအာက္ေျခဖိနပ္ခုံက မာေသာေၾကာင့္ ေျခေထာက္မ်ား နာလာပါသည္။

သည္တြင္ အသစ္ ဘယ္လိုေကာင္းေကာင္း အေဟာင္းတလည္လည္ ဆိုသကဲ့သို႔ ဘယ္သို႔စီးစီး လမ္းဘယ္ေလာက္ေလွ်ာက္ေလွ်ာက္ ေျခေထာက္မနာတတ္၊ ဖိနပ္သဲႀကိဳးမေပါက္ေစေသာ လူးဝစ္ေဒၚလာ ဖိနပ္ေဟာင္းေလးကို ျပန္ထုတ္စီးရပါသည္။သည္တြင္ တ႐ုတ္သြားစဥ္က ကာတြန္းေမာင္ေအာင္ တခ်ိန္လုံးေျပာေနသည့္ “အႏုပညာပါတယ္” ဆိုသည္ကို နားလည္လိုက္ပါသည္။ေအာ္ - ျမန္မာကတၱီပါ ဖိနပ္သည္ ေျခေထာက္အေၾကာင္းမသိဘဲ ေျခေထာက္ကို သက္ေသာင့္သက္သာရွိေစမႈ၊ ခရီးရွည္ လမ္းေလွ်ာက္ရသည့္ဒဏ္ကို ခံႏိုင္မႈ ဘာတစ္ခုမွ မရွိေစဘဲ အျမင္လွ႐ုံသက္သက္ လုပ္ထားသည့္ လက္ရာျဖစ္ေၾကာင္း သိလာပါသည္။လူးဝစ္ေဒၚလာ ဖိနပ္သည္ ပုံစံလွလွ အမ်ိဳးမ်ိဳးရွိေသာ္လည္း စာေရးသူကိုယ္၌က ႐ိုး႐ိုးရွင္းရွင္း ေျခညႇပ္လက္မဝက္ပုံစံကို မိမိအသက္အ႐ြယ္အရ ေ႐ြးစီးျခင္းျဖစ္ပါသည္။ဖိနပ္ခုံက အိေန၍ အဘယ္မွ် လမ္းေလွ်ာက္ေလွ်ာက္ ေျခဖဝါးမ်ားမနာပါ။ဖိနပ္အသစ္ ျဖစ္ေစကာမူ ဖိနပ္သစ္စီးစတြင္ ျဖစ္တတ္သည့္ ဖိနပ္ေပါက္ျခင္း တစ္ခါမွ မခံစားရပါ။

လူးဝစ္ေဒၚလာ ဖိနပ္၏ မူလကုမၸဏီ ဘယ္ႏိုင္ငံကမွန္း မသိေသာ္လည္း စာေရးသူစီးသည့္ လူးဝစ္ေဒၚလာတံဆိပ္ ဖိနပ္ကို ထိုင္းႏိုင္ငံတြင္ ထုတ္လုပ္ပါသည္။ေအာ္ - လူသုံးပစၥည္းတစ္ခုကို ထုတ္လုပ္ရာတြင္ တတ္ကြၽမ္းနားလည္မႈ၊ ကြၽမ္းက်င္မႈႏွင့္ သုံးစြဲမည့္ စားသုံးသူ (Customer) အတြက္ သက္ေသာင့္သက္သာ ရွိေစမႈအေပၚ ထည့္သြင္းစဥ္းစားေပးျခင္းဆိုသည့္ ေစတနာေပါင္းစပ္ထားသည္ကို အႏုပညာပါတယ္ဟု ဆိုလိုေၾကာင္း သိနားလည္လာပါသည္။

ထိုအႏုပညာပါတယ္ ဆိုေသာ အေတြးကို ယခုရက္ပိုင္းအတြင္း ဧရာဝတီ ျမစ္ဆုံစီမံကိန္း ကိစၥအေပၚ အင္အယ္လ္ဒီအစိုးရ ကိုင္တြယ္ေဆာင္႐ြက္ေနပုံႏွင့္ ႏႈိင္းယွဥ္ေတြးေနမိပါသည္။တခ်ိဳ႕ကေတာ့ ဒီစာေရးသူကို ႐ူးေနတာပဲ။မဆီမဆိုင္ ဖိနပ္၊ အႏုပညာႏွင့္ အင္အယ္လ္ဒီ ေဖာ္ေဆာင္ေနသည့္ ႏိုင္ငံေရးအုပ္ခ်ဳပ္ေရးကို ဆက္စပ္ေျပာဆိုေနသည္ဟု ဆိုခ်င္ၾကပါမည္။

တိုင္းျပည္အတြက္ေတြးၿပီး မၾကာခဏရင္ပူမိသူ တစ္ဦးအေနျဖင့္၊ အင္အယ္လ္ဒီအစိုးရ ရင္ဆိုင္ေနရသည့္ အခက္အခဲမ်ားကို မၾကာခဏေတြးေတာမိပါသည္။သို႔ေသာ္ ရံဖန္ရံခါ အင္အယ္လ္ဒီအစိုးရ လုပ္ပုံမ်ား၊ ပါတီက ေျပာဆိုလုပ္ကိုင္ပုံမ်ားကို အံ့အားသင့္မိသည့္ ခံစားမႈကိုလည္း မၾကာခဏခံစားရပါသည္။ဗိုလ္ခ်ဳပ္႐ုပ္တုကိစၥ၊ ပြင့္လင္းျမင္သာမႈ အားနည္းျခင္း၊ ႐ိုးသားစြာဝန္ခံမႈ နည္းလာၿပီး မဆီေလ်ာ္သည့္ ဆင္ေျခဆင္လက္မ်ားေပးျခင္း၊ ထုတ္ပယ္သင့္ၿပီ လူေျပာင္းသင့္ၿပီဟု ယူဆမိသူမ်ား ဆက္ေနရာေပးထားျခင္း၊ လူထုကို အေလးမထားဘဲ ရွင္းလင္းေဖာ္ျပမႈ ကင္းမဲ့သည့္ ဝန္ႀကီးမ်ားကို လက္လႊတ္စပယ္ ထုတ္ပယ္မႈမ်ား စသျဖင့္ အင္အယ္လ္ဒီပါတီအေပၚ အတိုက္အခံဘဝက မျမင္ခဲ့ရသည့္ အျပစ္မ်ားကို အင္အယ္လ္ဒီအစိုးရ ျဖစ္လာခ်ိန္တြင္ ျမင္လာရပါသည္။

၂၀၁၉ ဇန္နဝါရီ လလယ္ေလာက္မွစ၍ တဖန္လႈပ္ခတ္လာသည့္ ဧရာဝတီ ျမစ္ဆုံစီမံကိန္းႏွင့္ ပတ္သက္၍ အင္အယ္လ္ဒီအစိုးရ ကိုင္တြယ္ေျဖရွင္းေနပုံသည္ အလြန္အႏုပညာမဲ့သည္ဟု ခံစားလာရပါသည္။သို႔ေသာ္ တိုင္းျပည္ႏွင့္ လူမ်ိဳးအေပၚ ေစတနာထားသည့္ အစိုးရအျဖစ္ လက္ခံေနဆဲျဖစ္ေပရာ၊ အင္အယ္လ္ဒီအစိုးရ အဘယ္သို႔ ေခ်ာင္ပိတ္မိေနသနည္း။ဧရာဝတီျမစ္ဆုံ အေရးကိုဘာေၾကာင့္ ေရွ႕ေနာက္မညီေသာ စကားမ်ားေျပာေနပါသနည္းဆိုသည့္ အေတြးကိုလည္း ေတြးမိပါသည္။အင္အယ္လ္ဒီသည္ လက္ေတြ႕ အာဏာရလာခ်ိန္တြင္ ႏိုင္ငံေရး အရႈံးအျမတ္တြက္ပါက အရႈံးေပၚသည့္ ဗိုလ္ခ်ဳပ္႐ုပ္တု စိုက္ထူျခင္းမ်ိဳးကို ဇြတ္လုပ္ေဆာင္ျခင္းကဲ့သို႔ေသာ အႏွစ္သာရႏွင့္ အေပၚယံအကာ မခြဲျခားတတ္သည့္ ႏိုင္ငံေရးပါးနပ္မႈ ကင္းမဲ့ပုံကိုပါ ေတြ႕ျမင္လာရပါသည္။

ဧရာဝတီ ျမစ္ဆုံအေရးကို အင္အယ္လ္ဒီသည္ အတိုက္အခံပါတီ ဘဝတုန္းက၊ ဆန႔္က်င္ကန႔္ကြက္ခဲ့သည္။မဲဆြယ္စဥ္က မဲႏိုင္လွ်င္ ျမစ္ဆုံစီမံကိန္းပါ အခ်က္အလက္မ်ား ခ်ျပမည္ဆိုေသာ အေျပာျဖင့္ မဲဆြယ္ခဲ့သည္။အစိုးရျဖစ္လာခ်ိန္တြင္ သည္ႏွစ္ခ်က္ကို မထိန္းသိမ္းေတာ့ျခင္းသည္ ေဒၚေအာင္ဆန္းစုၾကည္ က တျခား အင္အယ္လ္ဒီပါတီဝင္မ်ားကို သတိေပးေလ့ရွိသည့္ မတည္ႏိုင္တဲ့ ကတိကဝတ္ေတြကို လူထုကိုမေပးပါနဲ႔ဆိုေသာသူ ကိုယ္တိုင္၏ ႏႈတ္ထြက္စကားမ်ားကို ေဒၚေအာင္ဆန္းစုၾကည္ က ေဖါက္ဖ်က္ရာ ေရာက္ေနပါသည္။ဧရာဝတီျမစ္ဆုံ အေရးသည္ အင္အယ္လ္ဒီအစိုးရ စတက္လာစကပင္ ရင္ဆိုင္ခဲ့ရသည့္ တ႐ုတ္ႏွင့္ ညႇိႏႈိင္းရမည့္ ျပႆနာေဟာင္း ျဖစ္ပါသည္။အင္အယ္လ္ဒီအစိုးရကို ဉာဏ္ႀကီးသူမ်ားက ဦးေဆာင္ေနသည္ျဖစ္ရာ တစ္ေန႔မဟုတ္ တစ္ေန႔ ရင္ဆိုင္ရမည့္ ဧရာဝတီ ျမစ္ဆုံအေရးကို အစိုးရႀကိဳတင္ျပင္ဆင္ထားမည္ဟု လူထုက ယုံၾကည္ခဲ့ပါသည္။ ေပးခဲ့ေသာ ကတိကဝတ္မ်ားႏွင့္ အတိုက္အခံဘဝက ရပ္တည္မႈကို ဆက္လက္ထိန္းသိမ္းမည္ဟု လူထုက တထစ္ခ်ယုံၾကည္ခဲ့ေသာ္လည္း အင္အယ္လ္ဒီအစိုးရဘက္က မယုံႏိုင္စရာ စကားမ်ား တုန႔္ျပန္မႈမ်ားျဖင့္သာ ျပသေနပါသည္။

တ႐ုတ္သံ႐ုံးက ဧရာဝတီ ျမစ္ဆုံစီမံကိန္းကို ျပန္စမည္ဟု ၂၀၁၉ ဇန္နဝါရီလ ၁၃ ရက္ေန႔က ထုတ္ေျပာခဲ့ပါသည္။တ႐ုတ္မီဒီယာ ဂလိုဘယ္တိုင္း သတင္းစာတြင္ ေဒၚေအာင္ဆန္းစုၾကည္ က ျမစ္ဆုံစာခ်ဳပ္ကို ဆက္အေကာင္အထည္ေဖာ္လိုသည္ဟု အဓိပၸာယ္သက္ေရာက္ေစသည့္ သတင္းေဖာ္ျပခဲ့ၿပီ။ျမန္မာျပည္တြင္း၌မူ အင္အယ္လ္ဒီပါတီမွ ေဒါက္တာမ်ိဳးၫြန႔္ ႏွင့္ ေဒါက္တာေဇာ္ျမင့္ေမာင္ တို႔က ျမစ္ဆုံကိစၥတြင္ လူထုသေဘာအတိုင္း ျဖစ္ေစရပါမည္ ဆို၏။ျပည္ေထာင္စုဝန္ႀကီး ဦးေသာင္းထြန္း က ေရကာတာအ႐ြယ္အစားကို ေသးပစ္ရမည္လား။ေနရာေ႐ႊ႕ေျပာင္း လုပ္ရမည္လား၊ တျခားစီမံကိန္းတစ္ခုျဖင့္ အစားထိုးေပးရမည္လား စသည့္နည္းမ်ားျဖင့္ အေျဖရွာေနသည္ ဆိုလိုက္ျပန္သည္။ပါတီကတစ္မ်ိဳး၊ အစိုးရကတစ္မ်ိဳး ေျပာေနခ်ိန္တြင္ လူထုကား ယခင္ကေျပာခဲ့သည့္အတိုင္း အၿပီးတိုင္ ျမစ္ဆုံစီမံကိန္း ရပ္ဆိုင္းေရးကိုသာ အလိုရွိေၾကာင္း ေတာင္းဆိုသံ က်ယ္ေလာင္လာသည္။

အစိုးရေျခလွမ္း အစိုးရအသံကို ေစာင့္ေနသည့္ ျမန္မာလူထုသည္ အစိုးရ၏ ေႏွာင့္ေႏွးၾကန႔္ၾကာမႈကို သည္းမခံၾကေတာ့။၂၇.၁.၂၀၁၉  ရက္ေန႔က ၿမိဳ႕ေတာ္ခန္းမေရွ႕တြင္ လူထုဆႏၵ ေဖာ္ထုတ္ပြဲ က်င္းပခဲ့ၾကသည္။၃.၂.၂၀၁၉ ရက္ေန႔၌ နာေရးကူညီမႈအသင္း ခန္းမတြင္ ဧရာဝတီ ျမစ္ဆုံစီမံကိန္း ရပ္ဆိုင္းေရး ေဟာေျပာၾကၿပီ။မိုးေလဝသပညာရွင္ ေဒါက္တာထြန္းလြင္၊ ဆရာေမာင္စိန္ဝင္း (ပုတီးကုန္း)၊ သဘာဝပတ္ဝန္းက်င္ပညာရွင္ ေဒါက္တာျမင့္ေဇာ္ တို႔က ဧရာဝတီျမစ္ဆုံ အၿပီးရပ္ဆိုင္းရန္ ေဟာေျပာေတာင္းဆိုၾကသည္။

ထို႔ေန႔တြင္ပင္ တပ္မေတာ္၏ ပစ္ခတ္တိုက္ခိုက္မႈဆိုင္ရာ ရပ္စဲေရး ေၾကညာခ်က္အား ႀကိဳဆိုပြဲႏွင့္ ျပည္ေထာင္စုဖြား တိုင္းရင္းသား ညီအစ္ကိုမ်ားက ၿငိမ္းခ်မ္းေရးအတြက္ အတူတကြ ပူးေပါင္းပါဝင္ေရး ဆႏၵေဖာ္ထုတ္ပြဲကို မဟာဗႏၶဳလပန္းၿခံ၌ ညေနဘက္တြင္ က်င္းပခဲ့ပါသည္။ထိုပြဲတြင္ ဘူးလက္ဦးလွေဆြ၊ ဦးဝီရသူ ႏွင့္ အင္အယ္လ္ဒီကို ဆန႔္က်င္ၾကသည့္ တျခားဘုန္းႀကီးမ်ား၊ ေဒၚခင္ဝိုင္းၾကည္၊ ျပည္ခိုင္ၿဖိဳးက ဦးစီးက်င္းပသည့္ ဆႏၵေဖာ္ထုတ္ပြဲမ်ားတြင္ ေတြ႕ရေလ့ရွိသူမ်ား တက္ေရာက္ၾကပါသည္။စင္ေပၚတက္ ေဟာေျပာသူ ဘူးလက္ဦးလွေဆြ က “ၿငိမ္းခ်မ္းေရးကိစၥ ဆႏၵေဖာ္ထုတ္ျခင္း ျဖစ္ေသာ္လည္း ႀကဳံ၍ ျမစ္ဆုံကိစၥ ထည့္ေျပာမည္၊ နားေထာင္လိုသလားဟု တိုင္လိုက္ရာ၊ ပရိသတ္က နားေထာင္လိုသည္ဟု တုန႔္ျပန္လိုက္သည္။”

ဘူးလက္ဦးလွေဆြ က ဆက္လက္၍ “ဧရာဝတီ ျမစ္ဆုံစီမံကိန္းကို စစ္အစိုးရလက္ထက္ ႏိုင္ငံတကာက ဝိုင္းဝန္းပိတ္ဆို႔ထား၍သာ ခ်ဳပ္ဆိုခဲ့ရျခင္းျဖစ္ၿပီး တ႐ုတ္က ဘီလီယံ ၃၀ စိုက္ၿပီး ခံစားခြင့္ ၅၅ ရာႏႈန္း ျဖစ္ေသာ္လည္း၊ ျမန္မာကတစ္ျပားမွ မစိုက္ဘဲ ၄၅ ရာႏႈန္း ခံစားခြင့္ရမည္ျဖစ္ေၾကာင္း၊ သို႔ေသာ္ အင္အယ္လ္ဒီ အပါအဝင္ အင္ဂ်ီအိုမ်ား စီအက္စ္အိုမ်ားက ဝိုင္းကန႔္ကြက္ခဲ့၍ သေဘာေကာင္းေသာ ဦးသိန္းစိန္ က ယာယီရပ္ဆိုင္းေပးခဲ့ေၾကာင္း၊ ယခုအင္အယ္လ္ဒီမ်ားက ျမင္ေတာင္မျမင္ဖူးဆိုသည့္ ဧရာဝတီ ျမစ္ဆုံစီမံကိန္း စာခ်ဳပ္ကို ေနရာ ၄ ေနရာတြင္ ေတြ႕ရွိႏိုင္ေၾကာင္း၊ သမၼတ႐ုံး၊ စီမံ - ဘ႑ာဝန္ႀကီးဌာန၊ ဥပေဒခ်ဳပ္႐ုံးႏွင့္ ေမာ္ကြန္းတိုက္တို႔တြင္ရွိေၾကာင္း ေျပာၿပီး၊ အင္အယ္လ္ဒီသည္ အာဏာမရမီက ျမစ္ဆုံကို ကာကြယ္ၾက ျဖစ္ေသာ္လည္း ယခု ျမစ္ဆုံစာခ်ဳပ္ကို ကာကြယ္ၾက ျဖစ္သြားၿပီျဖစ္ေၾကာင္း၊ သူတို႔ကမူ ျပည္သူႏွင့္အတူ ရပ္တည္သြားမည္ စသျဖင့္ ေဟာေျပာသြားပါသည္။

ဘူးလက္ဦးလွေဆြ ၏ စကားမ်ားအား တန္ဖိုးမထားေသာ္လည္း စာခ်ဳပ္ကို ၄ ေနရာတြင္ သိမ္းထားသည္ဆိုေသာ စကားအေပၚ လ်စ္လ်ဴရႈ၍ မရပါ။အင္အယ္လ္ဒီမွ တာဝန္ရွိသူတခ်ိဳ႕က ျမစ္ဆုံစာခ်ဳပ္ထဲ ဘာပါမွန္းမသိရေသးပါ ေျပာေနျခင္းကို ျပည္သူက မယုံၾကည္ခဲ့ပါ။ျပည္သူႏွင့္အတူ ေျပာဆိုထားသည့္ ျပည္သူတင္ေျမႇာက္၍ တက္လာရေသာ အစိုးရသည္ ျပည္သူအေပၚ ဘာေၾကာင့္ ပရိယာယ္ေဝဝုစ္ေတြ သုံးေနပါသနည္းဆိုေသာ အေတြးက ျမန္မာလူထုကို ႏွိပ္စက္ေနပါသည္။ႏိုင္ငံေရးတြင္ အခ်ိန္အခါကို သိျခင္းသည္ အႏုပညာတစ္ရပ္ ျဖစ္ပါသည္။အခ်ိန္ေစာ ေဆာင္႐ြက္ျခင္းေၾကာင့္ ေအာင္ျမင္မႈမရေစႏိုင္သကဲ့သို႔၊ အခ်ိန္ေနာက္က် ဆုံးျဖတ္ျခင္းကလည္း အရာရာကို ဆုံးရႈံးေစႏိုင္ပါသည္။အင္အယ္လ္ဒီသည္ ျမစ္ဆုံအေရးတြင္ ျပည္သူႏွင့္ အခ်ိန္မီေက်ာခ်င္းကပ္ရန္ လိုပါသည္။အင္အယ္လ္ဒီအစိုးရအတြက္ ျမစ္ဆုံကိစၥသည္ ေဘးက်ပ္နံက်ပ္ျဖစ္ေန၍ ျပည္သူကို အပူမေပးတာပါဟုေတာ့ ဆင္ေျခမေပးပါေလႏွင့္။အခ်ိန္ဆြဲေလ အင္အယ္လ္ဒီအစိုးရႏွင့္ ပါတီအတြက္ အရႈံးေပၚေလ ျဖစ္လာမည့္ ဧရာဝတီ ျမစ္ဆုံအေရးတြင္ ျပည္သူသာအမိ ျပည္သူသာအဖ ျပည္သူ႔ဆႏၵသာ ပဓာနဟူေသာ လက္ကိုင္တရားျဖင့္ ျပတ္ျပတ္သားသား သတၱိရွိရွိ အခ်ိန္မီ အင္အယ္လ္ဒီဘက္က ပြင့္လင္းျမင္သာ ဆုံးျဖတ္ျပခ်ိန္တန္ပါၿပီ။

ခင္ႏွင္းဦး
ေဖေဖာ္ဝါရီ - ၆