ပင်လယ်ဂဏန်း ပုံမှန်စျေးကောင်းရချိန်ဖြစ်သော်လည်း ကိုဗစ်ကြောင့် စျေးမရဖြစ်နေ

ပြည်ပပို့ရေထွက်ကုန်တစ်မျိုးဖြစ်တဲ့ ပင်လယ်ဂဏန်းဟာ ပွဲတော်ရက်တွေရှိတဲ့ ယခင်နှစ် ဒီလိုအချိန်ရောက်တိုင်း စျေးကောင်းရခဲ့ပေမယ့် အခုနှစ်မှာတော့ ကိုဗစ်ကပ်ရောဂါရဲ့ သက်ရောက်မှုကြောင့် စျေးကောင်းရတဲ့ကာလဖြစ်ပေမယ့် ကျစျေးနဲ့ ရင်ဆိုင်နေရပါတယ်။

ကိုဗစ် ၁၉ စဖြစ်တည်းက ပင်လယ်ဂဏန်းတွေဟာ စျေးကျသွားပြီး ပွဲတော်ရက်တွေနီးလာတဲ့ အခုလိုအချိန်မှာလည်း စျေးကောင်းမရတဲ့အခြေအနေနဲ့ ရင်ဆိုင်နေရတယ်လို့ ပင်လယ်ဂဏန်းလုပ်ငန်း လုပ်ကိုင်သူတွေက ဆိုပါတယ်။

"အရင်နှစ်ကတော့ စျေးကောင်းတယ်။အခုနှစ်ကတော့ ရောဂါတွေနဲ့ဆိုတော့ စျေးမကောင်းဘူးပေါ့။ဂဏန်းရတာတော့ အတူတူပါဘဲ စျေးကြောင့်တော့ ငွေအရနည်းတာတော့ရှိတယ်။ရောဂါတွေဖြစ်တည်းက စျေးကမရှိတာ။အရင်တုန်းကဆို ဒီလတွေစျေးက အနည်းဆုံး ဂဏန်းတစ်ကီလိုကို ၇၀၀၀၊ ၈၀၀၀ ရှိတယ် အနည်းဆုံး။အခုဟာက ၅၀၀၀ ဖြစ်လိုက်၊ ၄၅၀၀ ဖြစ်လိုက်နဲ့ စျေးမငြိမ်ဘူးဖြစ်နေတယ်။တစ်ခါမှလည်း အရင်နှစ်ကလို ၈၀၀၀ တို့၊ ၇၀၀၀ တို့ တက်မလာဘူး။၄၀၀၀ တို့ ၄၅၀၀ တို့ပဲရတယ်။ဒီရောဂါတွေဖြစ်ကတည်းက။'' လို့ ဧရာ၀တီတိုင်း၊ အမာမြို့တွင်နေထိုင်သည့် ပင်လယ်ဂဏန်းရှာဖွေသူ ကိုထက်နိုင်စိုး က ပြောပါတယ်။

ပင်လယ်ဂဏန်းဟာ မြန်မာနိုင်ငံရဲ့ ပြည်ပတင်ပို့တဲ့ ရေထွက်ကုန်တွေထဲက တစ်ခုဖြစ်ပြီး အခုနှစ်မှာတော့ ကိုဗစ်ကာလ ကုန်တင်ပို့မှု လမ်းပန်းအခက်အခဲကို အခြေအနေကြည့်လုပ်နေရတယ်လို့ ဧရာဝတီမြစ်ဝကျွန်းပေါ်ဒေသ၊ ဖျာပုံခရိုင်၊ အမာမြို့က ဂဏန်းအဝယ်ဒိုင်တစ်ဦးဖြစ်တဲ့ ကိုကျော်ကျော်ဝင်း က ဆိုပါတယ်။

"အရင်နှစ်နဲ့ဆိုရင်တော့ နည်းနည်းတော့ကွာတာပေါ့။လမ်းကြောင်းပေါ်မှာမူတည်ပြီး လုပ်နေရတော့ နည်းနည်းကျတယ်လေ။လမ်းကြောင်းပေါ်မူတည်ပြီး လုပ်နေရတော့ စျေးကွက်ကတက်ချင်ပေမယ့် တန်ဆာခတွေ တအားများနေတော့ ရသင့်တဲ့စျေးမရဘူးပေါ့။ကုန်းလမ်းကြောင်းက ဒီဘက်ကလမ်းကြောင်းက ပိတ်တာတွေ ဘာတွေတော့မရှိဘူး။ဟိုဘက်က မူဆယ်ဘက်လမ်းကြောင်းပိတ်ရင် ဒီဘက်က လေယာဉ်နဲ့ Cargo နဲ့ သူတို့သွားတယ်။စျေးကွက်ကတော့ ကာဂိုနဲ့သွားတော့ စျေးများတာပေါ့။တန်ဆာခ စျေးများတာပေါ့။ကားလမ်းနဲ့ကျတော့ နည်းနည်းစျေးရတာပေါ့။ကားလမ်းပွင့်တော့ တန်ဆာခသက်သာတော့ နည်းနည်းစျေးပိုရတာပေါ့။ဂဏန်းက ပိတ်တာတော့မရှိဘူး ပုံမှန်တော့သွားနေတာဘဲ။ဒိုင်တွေကတော့ သိပ်ပြီးအခက်အခဲမဖြစ်ဘူး။အပေါ်စျေးနဲ့ ချိန်ဝယ်နေကြတာဆိုတော့။တက်စျေး၊ ကျစျေးအတိုင်း ဝယ်နေရတာဘဲ။တစ်အားအခက်အခဲမဖြစ်ဘူး။ဂဏန်းအသေးတွေကို အရောင်းအဝယ်အခေါ် ''ပဲ'' လို့ခေါ်ပြီး အလုံးကြီးတွေကို "ဂျွန်'' လို့ ခေါ်ပါတယ်။ဂဏန်းကို ဓာတ်မီးနဲ့ထိုးကြည့်လို့ မီးပိတ် (မီးမပေါက်) ရင် အမအဖြစ် သတ်မှတ်ပြီး စျေးကောင်းပေးဝယ်ကြပါတယ်။အထဲမှာ အသားသိပ်မပါဘဲ မီးထိုးလို့ပေါက်ရင် အပွလို့သတ်မှတ်ကာ စျေးသိပ်မရဘူး” လို့ ဆိုပါတယ်။

မြန်မာနိုင်ငံမှာ ပင်လယ်နဲ့ထိစပ်တဲ့ နေရာအများပြားမှာ ပင်လယ်ဂဏန်းတွေကိုတွေ့ရပြီး ဧရာဝတီမြစ်ဝကျွန်းပေါ်ဒေသမှာတော့ မိရိုးဖလာလုပ်ငန်းအဖြစ် ရှာဖွေလုပ်ကိုင်သူ အများအပြားရှိပါတယ်။မြန်မာ့ရေထွက်ကုန် ပင်လယ်ဂဏန်းကို တရုတ်က အဓိကဝယ်ယူပြီး ထိုင်းနိုင်ငံသို့တင်ပို့မှုများလည်းရှိပါတယ်။တရုတ်နိုင်ငံမှာ ပွဲလမ်းသဘင်ရှိတဲ့အချိန်တွေနဲ့ ခရစ်စမတ်၊ နှစ်သစ်ကူးကာလတွေမှာ စျေးကောင်းပေးလေ့ရှိတယ်လို့ သိရပါတယ်။

ဘိုဘိုသိန်း
ရန်ကုန်၊ ဇန်နဝါရီ - ၂၀

( Zawgyi )

ျပည္ပပို႔ေရထြက္ကုန္တစ္မ်ိဳးျဖစ္တဲ့ ပင္လယ္ဂဏန္းဟာ ပြဲေတာ္ရက္ေတြရွိတဲ့ ယခင္ႏွစ္ ဒီလိုအခ်ိန္ေရာက္တိုင္း ေစ်းေကာင္းရခဲ့ေပမယ့္ အခုႏွစ္မွာေတာ့ ကိုဗစ္ကပ္ေရာဂါရဲ႕ သက္ေရာက္မႈေၾကာင့္ ေစ်းေကာင္းရတဲ့ကာလျဖစ္ေပမယ့္ က်ေစ်းနဲ႔ ရင္ဆိုင္ေနရပါတယ္။

ကိုဗစ္ ၁၉ စျဖစ္တည္းက ပင္လယ္ဂဏန္းေတြဟာ ေစ်းက်သြားၿပီး ပြဲေတာ္ရက္ေတြနီးလာတဲ့ အခုလိုအခ်ိန္မွာလည္း ေစ်းေကာင္းမရတဲ့အေျခအေနနဲ႔ ရင္ဆိုင္ေနရတယ္လို႔ ပင္လယ္ဂဏန္းလုပ္ငန္း လုပ္ကိုင္သူေတြက ဆိုပါတယ္။

"အရင္ႏွစ္ကေတာ့ ေစ်းေကာင္းတယ္။အခုႏွစ္ကေတာ့ ေရာဂါေတြနဲ႔ဆိုေတာ့ ေစ်းမေကာင္းဘူးေပါ့။ဂဏန္းရတာေတာ့ အတူတူပါဘဲ ေစ်းေၾကာင့္ေတာ့ ေငြအရနည္းတာေတာ့ရွိတယ္။ေရာဂါေတြျဖစ္တည္းက ေစ်းကမရွိတာ။အရင္တုန္းကဆို ဒီလေတြေစ်းက အနည္းဆုံး ဂဏန္းတစ္ကီလိုကို ၇၀၀၀၊ ၈၀၀၀ ရွိတယ္ အနည္းဆုံး။အခုဟာက ၅၀၀၀ ျဖစ္လိုက္၊ ၄၅၀၀ ျဖစ္လိုက္နဲ႔ ေစ်းမၿငိမ္ဘူးျဖစ္ေနတယ္။တစ္ခါမွလည္း အရင္ႏွစ္ကလို ၈၀၀၀ တို႔၊ ၇၀၀၀ တို႔ တက္မလာဘူး။၄၀၀၀ တို႔ ၄၅၀၀ တို႔ပဲရတယ္။ဒီေရာဂါေတြျဖစ္ကတည္းက။'' လို႔ ဧရာ၀တီတိုင္း၊ အမာၿမိဳ႕တြင္ေနထိုင္သည့္ ပင္လယ္ဂဏန္းရွာေဖြသူ ကိုထက္ႏိုင္စိုး က ေျပာပါတယ္။

ပင္လယ္ဂဏန္းဟာ ျမန္မာႏိုင္ငံရဲ႕ ျပည္ပတင္ပို႔တဲ့ ေရထြက္ကုန္ေတြထဲက တစ္ခုျဖစ္ၿပီး အခုႏွစ္မွာေတာ့ ကိုဗစ္ကာလ ကုန္တင္ပို႔မႈ လမ္းပန္းအခက္အခဲကို အေျခအေနၾကည့္လုပ္ေနရတယ္လို႔ ဧရာဝတီျမစ္ဝကြၽန္းေပၚေဒသ၊ ဖ်ာပုံခ႐ိုင္၊ အမာၿမိဳ႕က ဂဏန္းအဝယ္ဒိုင္တစ္ဦးျဖစ္တဲ့ ကိုေက်ာ္ေက်ာ္ဝင္း က ဆိုပါတယ္။

"အရင္ႏွစ္နဲ႔ဆိုရင္ေတာ့ နည္းနည္းေတာ့ကြာတာေပါ့။လမ္းေၾကာင္းေပၚမွာမူတည္ၿပီး လုပ္ေနရေတာ့ နည္းနည္းက်တယ္ေလ။လမ္းေၾကာင္းေပၚမူတည္ၿပီး လုပ္ေနရေတာ့ ေစ်းကြက္ကတက္ခ်င္ေပမယ့္ တန္ဆာခေတြ တအားမ်ားေနေတာ့ ရသင့္တဲ့ေစ်းမရဘူးေပါ့။ကုန္းလမ္းေၾကာင္းက ဒီဘက္ကလမ္းေၾကာင္းက ပိတ္တာေတြ ဘာေတြေတာ့မရွိဘူး။ဟိုဘက္က မူဆယ္ဘက္လမ္းေၾကာင္းပိတ္ရင္ ဒီဘက္က ေလယာဥ္နဲ႔ Cargo နဲ႔ သူတို႔သြားတယ္။ေစ်းကြက္ကေတာ့ ကာဂိုနဲ႔သြားေတာ့ ေစ်းမ်ားတာေပါ့။တန္ဆာခ ေစ်းမ်ားတာေပါ့။ကားလမ္းနဲ႔က်ေတာ့ နည္းနည္းေစ်းရတာေပါ့။ကားလမ္းပြင့္ေတာ့ တန္ဆာခသက္သာေတာ့ နည္းနည္းေစ်းပိုရတာေပါ့။ဂဏန္းက ပိတ္တာေတာ့မရွိဘူး ပုံမွန္ေတာ့သြားေနတာဘဲ။ဒိုင္ေတြကေတာ့ သိပ္ၿပီးအခက္အခဲမျဖစ္ဘူး။အေပၚေစ်းနဲ႔ ခ်ိန္ဝယ္ေနၾကတာဆိုေတာ့။တက္ေစ်း၊ က်ေစ်းအတိုင္း ဝယ္ေနရတာဘဲ။တစ္အားအခက္အခဲမျဖစ္ဘူး။ဂဏန္းအေသးေတြကို အေရာင္းအဝယ္အေခၚ ''ပဲ'' လို႔ေခၚၿပီး အလုံးႀကီးေတြကို "ဂြၽန္'' လို႔ ေခၚပါတယ္။ဂဏန္းကို ဓာတ္မီးနဲ႔ထိုးၾကည့္လို႔ မီးပိတ္ (မီးမေပါက္) ရင္ အမအျဖစ္ သတ္မွတ္ၿပီး ေစ်းေကာင္းေပးဝယ္ၾကပါတယ္။အထဲမွာ အသားသိပ္မပါဘဲ မီးထိုးလို႔ေပါက္ရင္ အပြလို႔သတ္မွတ္ကာ ေစ်းသိပ္မရဘူး” လို႔ ဆိုပါတယ္။

ျမန္မာႏိုင္ငံမွာ ပင္လယ္နဲ႔ထိစပ္တဲ့ ေနရာအမ်ားျပားမွာ ပင္လယ္ဂဏန္းေတြကိုေတြ႕ရၿပီး ဧရာဝတီျမစ္ဝကြၽန္းေပၚေဒသမွာေတာ့ မိ႐ိုးဖလာလုပ္ငန္းအျဖစ္ ရွာေဖြလုပ္ကိုင္သူ အမ်ားအျပားရွိပါတယ္။ျမန္မာ့ေရထြက္ကုန္ ပင္လယ္ဂဏန္းကို တ႐ုတ္က အဓိကဝယ္ယူၿပီး ထိုင္းႏိုင္ငံသို႔တင္ပို႔မႈမ်ားလည္းရွိပါတယ္။တ႐ုတ္ႏိုင္ငံမွာ ပြဲလမ္းသဘင္ရွိတဲ့အခ်ိန္ေတြနဲ႔ ခရစ္စမတ္၊ ႏွစ္သစ္ကူးကာလေတြမွာ ေစ်းေကာင္းေပးေလ့ရွိတယ္လို႔ သိရပါတယ္။

ဘိုဘိုသိန္း
ရန္ကုန္၊ ဇန္နဝါရီ - ၂၀