Remdesivir ဆေးဝါးကို အရေးပေါ် ကိုရိုနာဗိုင်းရပ်စ်ကုထုံးအတွက် FDA က အသုံးပြုခွင့်ပေး

အပြင်းထန်ဆုံး ကိုဗစ်-၁၉ ရောဂါခံစားနေရသူများကိုကုသရာတွင် remdesivir ဆေးကို အရေးပေါ်သုံးရန် အမေရိကန်အစားအစာနှင့်ဆေးဝါးကွပ်ကဲရေးအဖွဲ့က ခွင့်ပြုလိုက်ပြီဖြစ်သည်။ ထိုဆေးကို အသက်ရှူစက်တပ်ဆင်ထားသူနှင့် သွေးအတွင်းအောက်ဆီဂျင် နိမ့်ကျနေသည့် ကိုဗစ်-၁၉ ကူးစက်ခံရသူ သို့မဟုတ် သံသယရှိသူ ကလေးနှင့်အရွယ်ရောက်ပြီးသူများတွင် အသုံးပြုရန် FDA ကခွင့်ပြုလိုက်ခြင်းဖြစ်သည်။ “အခြား လုံလုံလောက်လောက်ရနိုင်ပြီး အတည်ပြုထားတဲ့ ကုထုံးမရှိတဲ့အတွက် ဒီအသက်အန္တရာယ်ကို ခြိမ်းခြောက်နေတဲ့ ဗိုင်းရပ်စ်ကိုကုသရာမှာ ဒီဆေးရဲ့ အကျိုးကျေးဇူးတွေက သူ့ရဲ့ ဖြစ်နိုင်ခြေရှိတဲ့ ဆိုးကျိုးတွေထက် အများကြီးသာလွန်နေတယ်” ဟု FDA က သတင်းထုတ်ပြန်ချက်တခုတွင်ရေးသားသည်။ ဘဲဥပုံရုံးခန်းတွင် သမ္မတ ဒေါ်နယ်ထရမ့်၊ ကျန်းမာရေးဝန်ကြီး အဲလက်စ် အက်ဇာ၊ FDA ကော်မရှင်နာမင်းကြီး ဒေါက်တာ စတီဖင် ဟားန်နှင့် ရမ်ဒက်ဆီဗွီယာဆေးကိုထုတ်လုပ်သည့် Gilead Sciences မှ အမှုဆောင်အရာရှိချုပ် တို့၏ သောကြာနေ့အစည်းအဝေးအပြီးတွင် ထိုသတင်းကို ထုတ်ပြန်ခဲ့ခြင်းဖြစ်သည်။ FDA ၏ ဆုံးဖြတ်ချက်ကြောင့် ဆရာဝန်များသည် ရောဂါအပြင်းထန်ဆုံး အခြေအနေများတွင် ရမ်ဒက်ဆီဗွီယာကို အသုံးပြုနိုင်တော့မည်ဖြစ်သည်။ ယခင်က သမားတော်များသည် ထိုဆေးကို စမ်းသပ်ကုသရာတွင်သာသုံးနေရပြီး အခြားနည်းလမ်းမရှိတော့သောလူနာများအတွက်သာသုံးနေရသည်။ FDA ကထိုဆေးကို အရေးပေါ်သုံးရန်ခွင့်ပြုခြင်းကြောင့်ဆရာဝန်များသည် ကိုဗစ်-၁၉ ဖြင့် ဆေးရုံတက်ရောက်နေသော လူနာများအားလုံးတွင် ထိုဆေးကို အသုံးပြုနိုင်မည်ဖြစ်ကြောင်း ဘန်ဒါဗစ်တက္ကသိုလ်ဆေးပညာဌာနမှ ကူးစက်ရောဂါကျွမ်းကျင်သူ ဒေါက်တာ ဝီလျှံ ရှက်ဖနာ်ပြောသည်။ သို့သော်ထိုဆေးကို ဆေးရုံတင်ထားသည့် လူနာအားလုံးတွင် အသုံးမပြုသင့်ကြောင်းလည်း သူပြောသည်။ “လက်ရှိစမ်းသပ်မှုတွေက ဘယ်လိုလူနာတွေမှာ အကောင်းဆုံးအကျိုးခံစားရမယ်ဆိုတာကိုသတ်မှတ်ပေးလိမ့်မယ်” ဟုလည်း ရှက်ဖနာက အီးမေးလ်တစောင်တွင် ဖေါ်ပြသည်။ ထိုဆေး၏ ဖြစ်နိုင်ခြေရှိသော ဆိုးကျိုးများတွင် အသည်းဆဲလ်များပျက်စီးစေသည့် အသည်းအင်ဇိုင်းထုတ်လုပ်မှု မြင့်မားခြင်း၊ သွေးပေါင်ချိန်တိုးခြင်း၊ အော့အန်ခြင်း၊ချွေးထွက်ခြင်းနှင့် ချမ်းတုန်ခြင်းများပါဝင်ကြောင်း FDA ကဖေါ်ပြသည်။ အရေးပေါ်အသုံးပြုခွင့်ပေးခြင်းသည် အတည်ပြုထောက်ခံခြင်းနှင့်မတူကြောင်း FDA ၏ သုတေသနနှင့် အကဲဖြတ်ဒါရိုက်တာ ဒေါက်တာ ဂျဲနက်ဝုကော့က သောကြာနေ့က တွစ်တာတွင် ရေးသားခဲ့သည်။ “ကိုဗစ်-၁၉ ကိုကုသရာမျာ ရမ်ဒက်ဆီဗွီယာက ဘေးကင်းထိရောက်တယ်လို့ ဆုံးဖြတ်ဖို့ စမ်းသပ်မှုက နောက်ဆုံးအချက်အလက်တွေကို ကျနောတို့လေ့လာရဦးမယ်” ဟု သူရေးသည်။ ရမ်ဒက်ဆီဗွီယာကို စမ်းသပ်မှုအများအပြား၏ ရလဒ်များသည် ထိုရောဂါမှ နာလန်ထသည့် အချိန်ကို သိသိသာသာလျှော့ချပေးနိုင်ကြောင်း အချက်အလက်များက ပြသနေသည်ဟု ဒေါက်တာ အန်ထော်နီ ဖေါ့ဆီက ယခုအပါတ်အစောပိုင်းကကြေညာခဲ့သည်။ remdesivirဖြင့်ကုသခံနေရသော လူနာများသည် ပျှမ်းမျှအားဖြင့် ဆေးရုံမှ ၁၁ ရက်အတွင်း ပြန်ဆင်းနိုင်ကြောင်း placebo ဆေးဖြင့်ကုသခံရသူများသည် ၁၅ ရက်ခန့်ကြာမှ နာလန်ထသည်။ ထိုဆေးကိုလည်း ကုထုံးအဖြစ်သတ်မှတ်ထားခြင်းမရှိပေ။ Linko Ref : nbc news ဝါရှင်တန်၊ မေ - ၂ ( Zawgyi ) အျပင္းထနးဆုံး ကိုဗစ္-၁၉ ေရာဂါခံစားေနရသူမ်ားကိုကုသရာတြင္ remdesivir ေဆးကို အေရးေပၚသုံးရန္ အေမရိကန္အစားအစာႏွင့္ေဆးဝါးကြပ္ကဲေရးအဖြဲ႕က ခြင့္ျပဳလိုက္ၿပီျဖစ္သည္။ ထိုေဆးကို အသက္ရႉစက္တပ္ဆင္ထားသူႏွင့္ ေသြးအတြင္းေအာက္ဆီဂ်င္ နိမ့္က်ေနသည့္ ကိုဗစ္-၁၉ ကူးစက္ခံရသူ သို႔မဟုတ္ သံသယရွိသူ ကေလးႏွင့္အ႐ြယ္ေရာက္ၿပီးသူမ်ားတြင္ အသုံးျပဳရန္ FDA ကခြင့္ျပဳလိုက္ျခင္းျဖစ္သည္။ “အျခား လုံလုံေလာက္ေလာက္ရႏိုင္ၿပီး အတည္ျပဳထားတဲ့ ကုထုံးမရွိတဲ့အတြက္ ဒီအသက္အႏၲရာယ္ကို ၿခိမ္းေျခာက္ေနတဲ့ ဗိုင္းရပ္စ္ကိုကုသရာမွာ ဒီေဆးရဲ႕ အက်ိဳးေက်းဇူးေတြက သူ႔ရဲ႕ ျဖစ္ႏိုင္ေျခရွိတဲ့ ဆိုးက်ိဳးေတြထက္ အမ်ားႀကီးသာလြန္ေနတယ္” ဟု FDA က သတင္းထုတ္ျပန္ခ်က္တခုတြင္ေရးသားသည္။ ဘဲဥပုံ႐ုံးခန္းတြင္ သမၼတ ေဒၚနယ္ထရမ့္၊ က်န္းမာေရးဝန္ႀကီး အဲလက္စ္ အက္ဇာ၊ FDA ေကာ္မရွင္နာမင္းႀကီး ေဒါက္တာ စတီဖင္ ဟားန္ႏွင့္ ရမ္ဒက္ဆီဗြီယာေဆးကိုထုတ္လုပ္သည့္ Gilead Sciences မွ အမႈေဆာင္အရာရွိခ်ဳပ္ တို႔၏ ေသာၾကာေန႔အစည္းအေဝးအၿပီးတြင္ ထိုသတင္းကို ထုတ္ျပန္ခဲ့ျခင္းျဖစ္သည္။ FDA ၏ ဆုံးျဖတ္ခ်က္ေၾကာင့္ ဆရာဝန္မ်ားသည္ ေရာဂါအျပင္းထန္ဆုံး အေျခအေနမ်ားတြင္ ရမ္ဒက္ဆီဗြီယာကို အသုံးျပဳႏိုင္ေတာ့မည္ျဖစ္သည္။ ယခင္က သမားေတာ္မ်ားသည္ ထိုေဆးကို စမ္းသပ္ကုသရာတြင္သာသုံးေနရၿပီး အျခားနည္းလမ္းမရွိေတာ့ေသာလူနာမ်ားအတြက္သာသုံးေနရသည္။ FDA ကထိုေဆးကို အေရးေပၚသုံးရန္ခြင့္ျပဳျခင္းေၾကာင့္ဆရာဝန္မ်ားသည္ ကိုဗစ္-၁၉ ျဖင့္ ေဆး႐ုံတက္ေရာက္ေနေသာ လူနာမ်ားအားလုံးတြင္ ထိုေဆးကို အသုံးျပဳႏိုင္မည္ျဖစ္ေၾကာင္း ဘန္ဒါဗစ္တကၠသိုလ္ေဆးပညာဌာနမွ ကူးစက္ေရာဂါကြၽမ္းက်င္သူ ေဒါက္တာ ဝီလွ်ံ ရွက္ဖနာ္ေျပာသည္။ သို႔ေသာ္ထိုေဆးကို ေဆး႐ုံတင္ထားသည့္ လူနာအားလုံးတြင္ အသုံးမျပဳသင့္ေၾကာင္းလည္း သူေျပာသည္။ “လက္ရွိစမ္းသပ္မႈေတြက ဘယ္လိုလူနာေတြမွာ အေကာင္းဆုံးအက်ိဳးခံစားရမယ္ဆိုတာကိုသတ္မွတ္ေပးလိမ့္မယ္” ဟုလည္း ရွက္ဖနာက အီးေမးလ္တေစာင္တြင္ ေဖၚျပသည္။ ထိုေဆး၏ ျဖစ္ႏိုင္ေျခရွိေသာ ဆိုးက်ိဳးမ်ားတြင္ အသည္းဆဲလ္မ်ားပ်က္စီးေစသည့္ အသည္းအင္ဇိုင္းထုတ္လုပ္မႈ ျမင့္မားျခင္း၊ ေသြးေပါင္ခ်ိန္တိုးျခင္း၊ ေအာ့အန္ျခင္း၊ေခြၽးထြက္ျခင္းႏွင့္ ခ်မ္းတုန္ျခင္းမ်ားပါဝင္ေၾကာင္း FDA ကေဖၚျပသည္။ အေရးေပၚအသုံးျပဳခြင့္ေပးျခင္းသည္ အတည္ျပဳေထာက္ခံျခင္းႏွင့္မတူေၾကာင္း FDA ၏ သုေတသနႏွင့္ အကဲျဖတ္ဒါ႐ိုက္တာ ေဒါက္တာ ဂ်ဲနက္ဝုေကာ့က ေသာၾကာေန႔က တြစ္တာတြင္ ေရးသားခဲ့သည္။ “ကိုဗစ္-၁၉ ကိုကုသရာမ်ာ ရမ္ဒက္ဆီဗြီယာက ေဘးကင္းထိေရာက္တယ္လို႔ ဆုံးျဖတ္ဖို႔ စမ္းသပ္မႈက ေနာက္ဆုံးအခ်က္အလက္ေတြကို က်ေနာတို႔ေလ့လာရဦးမယ္” ဟု သူေရးသည္။ ရမ္ဒက္ဆီဗြီယာကို စမ္းသပ္မႈအမ်ားအျပား၏ ရလဒ္မ်ားသည္ ထိုေရာဂါမွ နာလန္ထသည့္ အခ်ိန္ကို သိသိသာသာေလွ်ာ့ခ်ေပးႏိုင္ေၾကာင္း အခ်က္အလက္မ်ားက ျပသေနသည္ဟု ေဒါက္တာ အန္ေထာ္နီ ေဖါ့ဆီက ယခုအပါတ္အေစာပိုင္းကေၾကညာခဲ့သည္။ remdesivirျဖင့္ကုသခံေနရေသာ လူနာမ်ားသည္ ပွ်မ္းမွ်အားျဖင့္ ေဆး႐ုံမွ ၁၁ ရက္အတြင္း ျပန္ဆင္းႏိုင္ေၾကာင္း placebo ေဆးျဖင့္ကုသခံရသူမ်ားသည္ ၁၅ ရက္ခန႔္ၾကာမွ နာလန္ထသည္။ ထိုေဆးကိုလည္း ကုထုံးအျဖစ္သတ္မွတ္ထားျခင္းမရွိေပ။ Linko Ref : nbc news ဝါရွင္တန္၊ ေမ - ၂