အစာအိမ် အချဉ်ပြန်တက်ခြင်း GERD(Gastroesophageal reflux disease) အကြောင်းသိကောင်းစရာ

အစာအိမ် အချဉ်ပြန်တက်ခြင်း GERD(Gastroesophageal reflux disease) အကြောင်းသိကောင်းစရာ  

 

ယနေ့ခေတ်မှာခေတ်စားလာတဲ့နာမည်ကြီးရောဂါလို့ပြောရင်မှားမယ်မထင်ပါဘူး။ရောဂါဖြစ်ရတဲ့အကြောင်းတွေကတော့

အစာအိမ်ရေမျိုအောက်ပိုင်း ကြွက်သားအားနည်း၍ အစာအိမ်အတွင်းမှ အက်ဆစ်အချဉ်များ အပေါ်သို့ လျှံတက်လာသောကြောင့်ဖြစ်ပါသည်။ 

ရောဂါလက္ခဏာများ 

• ရင်ပူခြင်း 

• လေချဉ်တက်ခြင်း 

• ခံတွင်းချဉ်ခြင်း

• အစာစားပြီး ရင်ဝတွင် မီးစနှင့်ထိုးသလိုဖြစ်ခြင်း 

• အစာများ မကြာခဏအပေါ်ပြန်တက်ခြင်း 

• တံတွေးအထွက်များခြင်း 

ရောဂါ၏အခြား လက္ခဏာများ မှာ 

• ချောင်းဆိုးခြင်း ၊ ရင်ကြပ်ခြင်း ၊ မောခြင်း 

• ရင်ဘတ်အောင့်ခြင်း 

• လည်ချောင်းနာခြင်း ၊ လည်ချောင်းယားခြင်း ၊ အသံဝင်ခြင်း 

• မကြာခဏလည်ချောင်းဝတွင် တစ်ဆို့ဆို့ဖြစ်ခြင်း 

• ခံတွင်း အနံ့မကောင်းခြင်း 

ဒါ့အပြင် 

• အဝလွန်ခြင်း 

• အစားများလွန်းခြင်း

• အစာကို တစ်ကြိမ်တည်းနှင့် များစွာ စားသုံးခြင်း 

• ကြာရှည်စွာ ဆောင့်ကြောင့်ထိုင်ခြင်း

• ဆေးလိပ်သောက်ခြင်း 

• အရက်သောက်ခြင်း 

• ကွမ်းစားခြင်း

• မတည့်သောဆေးနှင့် အစာများစားမိခြင်း တို့ကြောင့်လည်း ရောဂါကို ပိုပြီး ဆိုးဝါးစေနိုင်တာကို သတိထားဖို့လိုပါတယ် ။ 

ရောဂါ ကို ပိုဆိုးစေနိုင်သော ဆေးဝါးများ 

1. ဗိုက်နာပျောက်ဆေးများ (Anti spasmodic)

2. ရင်ကြပ်ပျောက်ဆေးများ (Aminophylline)

3. ပိုးသတ်ဆေး (Doxycycline, Tetracycline)

4. အကိုက်အခဲပျောက်ဆေး (Aspirin, Ibuprofen)

5. သံဓာတ်အားဆေးများ (Ferrous Sulphate)

6. ဗီတာမင် - စီ

7. စိတ်ကျရောဂါ ပျောက်ဆေး

8. သွေးတိုးဆေး 

ဆေးဝါးများကို မသောက်သုံးမီ မိမိ မှာရှိတဲ့ ရောဂါ အခြေအနေကို ဆရာဝန် နှင့် သေချာ တိုင်ပင်ပြီး ဆရာဝန် ညွှန်ကြားချက် ဖြင့်သာ သောက်သုံးသင့်ပါတယ်။ 

ရောဂါနှင့်မတည့်သော အစာများ 

- ပူလွန်း၊ စပ်လွန်း ၊ ချဉ်လွန်းသော အစာများ -ငရုတ်ကောင်း

-နာနတ်သီး

- အဆီများသော အစားအစာများ ၊ ဆီပြန်ဟင်းများ 

- ကွမ်း၊ ဆေးလိပ်၊ အရက် 

- မဆလာ၊ ကြက်သွန်ဖြူ၊ ကြက်သွန်နီ များသော အစားအစာများ

- ချောကလက် နှင့် ဂက်စ်ပါသော အရည်များ 

(ကိုကာကိုလာ၊ စပါကလင်)

- လက်ဖက်ရည်၊ ကော်ဖီ၊ လက်ဖက်များ 

- ဖာလာ၊ လေးညှင်း၊ သစ်ကြပိုး၊ ပရုတ်

 

ရောဂါ၏ နောက်ဆက်တွဲ ဆိုးကျိုးများ အနေဖြင့်

-အစာရေမျိုကျဉ်း၍ အစာမမျိုနိုင်ခြင်း 

- သွေးအန်ခြင်း၊ ဝမ်းအမည်းသွားခြင်း 

- သွေးအားနည်းခြင်း 

- အစာရေမျိုရောင်ခြင်း 

- အစာရေမျို ကင်ဆာဖြစ်ခြင်း နှင့် အခြား ဆိုးကျိုးများကိုလည်း ဖြစ်စေနိုင်ပါသည်။ ရောဂါဖြစ်သည်ဟု ယူဆရလျှင် တတ်ကျွမ်းနားလည်သော

ဆရာဝန်နှင့်ပြသ၍ လိုအပ်သော စမ်းသပ်စစ်ဆေးမှု ကို ပြုလုပ်နိုင်ပါသည်။

 ရောဂါ ရှာဖွေနိုင်သော နည်းလမ်းများမှာ 

- ရောဂါ လက္ခဏာနှင့် သက်ဆိုင်သော မေးခွန်းများမေးခြင်း 

- အစာအိမ် မှန်ပြောင်းကြည့်ခြင်း 

- အစာအိမ်အက်ဆစ်ဓာတ် တိုင်းတာခြင်း 

- အစာအိမ်ကြွက်သား ညှစ်နိုင်မှု တိုင်းတာခြင်း 

- အစာရေမျိုပြွန်လှုပ်ရှားမှု ပြင်းအားကို တိုင်းတာခြင်း 

-အစာရေမျိုပြွန် ဆေးဓာတ်မှန် ရိုက်ခြင်း 

အစာအိမ်အချဉ်ပြန်ရောဂါ ဖြစ်လျှင် မည်သို့နေထိုင်ရမည်နည်း ??

- ကိုယ်အလေးချိန်လျော့ချပါ ။ 

- အစာစားပြီးပြီးခြင်း အိပ်ယာဝင်ခြင်း ၊ လဲလျောင်းခြင်း မပြုလုပ်ပါနှင့်။ 

- အစာကို တစ်ကြိမ်တည်း အများကြီး မစားပါနှင့်။ နည်းနည်းနှင့် မကြာခဏ စားပါ။ 

- ည အိပ်ယာမဝင်မှီ ၂နာရီအတွင်း အစာမစားရ။ 

- အိပ်ယာခေါင်းအုံးကို ၆ လက်မခန့်မြှင့်၍ အိပ်ပါ။ 

- မတည့်သော အစာနှင့်ဆေးများကို ရှောင်ပါ။ 

- ဆေးလိပ်၊ ကွမ်း၊ အရက် ဖြတ်ပါ။ 

- ဆရာဝန် ညွှန်ကြားထားသော ဆေးများကို သတ်မှတ်ထားသည့် ရက်ပိုင်း ၊ လပိုင်း ၊ နှစ်ပိုင်း အထိ စွဲသောက်ပါ ။ 

ကုသနိုင်သော နည်းလမ်း အမျိုးမျိုးရှိပါသည်။ မိမိရောဂါ အခြေအနေပေါ်လိုက်၍ ဆရာဝန်မှ သတ်မှတ် ဆုံးဖြတ်ပေးသော ကုထုံးကို လိုက်နာ

ကျင့်သုံးနေထိုင်ရန်လိုအပ်ပါသည်။ 

၁။ ဆေးဝါးဖြင့် ကုသခြင်း 

ဆေးဝါးဖြင့် ကုသမည်ဆိုလျှင် အနည်းဆုံး ဆေး ၂ လ သောက်ရပါမည်။ ဆေးရပ်လိုက်လျှင်ရောဂါပြန်ဖြစ်တတ်ပါသဖြင့် လိုအပ်ပါက ဆရာဝန် ညွှန်ကြားပါက

ဆေးကို အမြဲတမ်း စွဲသောက်သုံးရန်လိုအပ်ပါမည်။ 

 (၁)အစာအိမ်အက်ဆစ်ဓာတ်ကို လျော့နည်းစေသော ဆေးများ သောက်သုံးခြင်း ဖြင့် အစာအိမ် အချဉ်ပြန်ခြင်း ကို လျော့ချပေးနိုင်ပါသည်။ ( ဥပမာ - Omeprazole, Rabeprazole)

(၂)အစာအိမ် လှုပ်ရှားမှု အားကောင်းစေသော ဆေးဝါးများ ကို သောက်သုံးခြင်းဖြင့် အစာအိမ် အတွင်းမှ အစာဟောင်းများ အချဉ်ပြန်ပြီး

လေပြန်မတက်အောင် ကာကွယ်ပေးနိုင်ပါသည်။ (ဥပမာ - Metoclopramide) 

(၃)အစာအိမ် အက်ဆစ်ခြေဖျက်ဆေးများ (ဥပမာ - Antacid, Aluminium hydroxide) 

၂။ ခွဲစိတ် ကုသခြင်း 

ခွဲစိတ်ကုသခြင်း ကို ဆေးဝါးဖြင့် မသက်သာသောသူများ ၊ ကြာရှည်စွာ ဆေးမသောက်သုံးလိုသူများ၊ အစာရေမျိုကျဉ်းနေသူများ ၊ ကင်ဆာ ဖြစ်နိုင်ချေရှိသူ(Barrett Eosphagus)များ ၊

အစာအိမ်ကျွံသော လူနာများ (Hiatus Hernia) နှင့် ၂၄ နာရီ အက်ဆစ်တိုင်းတာရာတွင် အက်ဆစ်များလွန်းသော လူနာများ (pH<4) တွင် ကုသနိုင်ပါသည်။ 

၃။ မှန်ပြောင်းဖြင့် ကုသခြင်း 

အစာရေမျိုပြွန်အောက်ပိုင်း ကြွက်သားပြင်းအားကောင်းအောင်(Stretta Procedure) ဖြင့် အစာအိမ်မှန်ပြောင်းထည့်သွင်း ကုသ ပေးနိုင်ပါသည်။ 

အစာအိမ်နှင့် အစာရေမျိုပြွန်ဆက်သောနေရာကို ချုပ်ခြင်း (Endoscopic Plication)ဖြင့်လည်း အစာအိမ်အချဉ်ပြန်ခြင်း ကို ကုသနိုင်ပါသည်။ 

မပျော်ဝင်နိုင်သော Polymer ကို အစာရေမျိုပြွန်အောက်ပိုင်းသို့ ထိုးသွင်းခြင်း (Enteryx Injection) ဖြင့်လည်း ကုသနိုင်ပါသည်။

ကျန်းမာသက်ရှည်ကြပါစေ။