【 နည်းပညာ 】ဒီဇိုင်းပိုင်းပြောင်းလဲလာမယ့် iPad Mini 6

Apple ကုမ္ပဏီဘက်က iPad Mini မျိုးဆက်သစ်ကို ဒီဇိုင်းဆန်းသစ်ပြီး ထုတ်လုပ်တော့မယ်လို့ သတင်းထွက်ပေါ်လျက်ရှိပါတယ်။

 

iPad Mini 6 အဖြစ် ထွက်ရှိလာမယ့် မျက်နှာပြင်ကြီးမားတဲ့ တက်ဘလက်မှာ Android တက်ဘလက်တွေကို ယှဉ်ပြိုင်သွားနိုင်ဖို့ ဒီဇိုင်းပိုင်းကို ပြောင်းလဲထုတ်လုပ်သွားမှာဖြစ်တယ်လို့လည်း သိရပါတယ်။

 

ယခုလေလောဆယ်မှာ အတည်မပြုနိုင်သေးတဲ့ iPad Mini 6 ရဲ့ ဓာတ်ပုံတွေဟာ အွန်လိုင်းမှာပျံ့နှံ့လျက်ရှိပြီး၊ မျက်နှာပြင်အပေါက်ဖောက် ထည့်သွင်းထားမယ့် ကင်မရာနဲ့ လက်ဗွေအာရုံခံကိရိယာတို့ ပါဝင်လာတာကို မြင်တွေ့ရပါတယ်။ယခင် iPad မျိုးဆက်‌တွေမှာ အဆိုပါနည်းပညာတွေ မပါဝင်ခဲ့ပဲ မျက်နှာပြင်ရဲ့ ဘေးဘောင်တွေဟာလည်း ကြီးမားလှပါတယ်။ယခုထွက်ပေါ်လာတဲ့ iPad Mini 6 ဓာတ်ပုံတွေအရ ဘေးဘောင်နဲ့ အောက်ခြေဘောင်‌တွေ ယခင်ထက် ပိုပါးလာတာကို မြင်တွေ့ရပြီး၊ ရှေ့ဘက် ကင်မရာကိုတော့ မျက်နှာပြင်ကို အပေါက်ဖောက် ထည့်သွင်းပေးထားပါတယ်။သတင်းတွေအရ ၉ လက်မ အရွယ်အစားရှိ မျက်နှာပြင်ကို အသုံးပြုလာဖွယ်ရှိတယ်လို့ သိရပြီး၊ iPad Pro စီးရီးတွေထက်တော့ ဈေးနှုန်းပိုသက်သာလာမှာဖြစ်ပါတယ်။

 

iPad Mini 6 ကို မတ်လအတွင်း မိတ်ဆက်သွားဖွယ်ရှိနေပြီး၊ Apple ဘက်ကလည်း ‌ဈေးနှုန်းသက်သာတဲ့ iPad တစ်မျိုးကို မိတ်ဆက်သွားဖွယ်ရှိတယ်လို့ အရိပ်အမြွက်ပြောကြားထားပါတယ်။

 

Damien

 

(  Zawgyi  )