အနုပညာကြေးကို ခြွေတာသုံးစွဲနေရတဲ့ မျိုးမျိုးခိုင်

အနုပညာကြေးကို ခြွေတာသုံးစွဲနေရတဲ့ မျိုးမျိုးခိုင်

ယခုနောက်ပိုင်းမှာ ဇာတ်ကားရိုက်ကူးမှုလည်း အရင်လောက်သိပ်မများတော့ဘဲ တဖြေးဖြေးနည်းလာတာကြောင့် ရတဲ့အလုပ်အပေါ်မှာ အနုပညာကြေးလေးတွေကို ခြွေတာသုံးစွဲရင်း ရပ်တည်နေရတယ်လို့ ဇာတ်ပို့ ဇာတ်ရန် သရုပ်ဆောင် မျိုးမျိုးခိုင် က ပြောပါတယ်။

“မမကြီးတို့ ဟိုးအရင်ခေတ်တွေလောက်တော့ သိပ်မကောင်းတော့ဘူး၊ အဓိကသရုပ်ဆောင်တွေကလည်း ဟာသတွေ ဝင်ပြီးလုပ်လာတာတွေလည်းရှိပါတယ်၊ အဲ့ဒါကလည်းတစ်ပိုင်းပေါ့၊ ခေတ်ကာလအရကလည်း နည်းနည်းပြောင်းလာတာတွေကြောင့်လည်း ပါတယ်ပေါ့၊ အဲ့ဒါကြောင့်လည်း လာငှားရင် ငှားတဲ့စျေးနဲ့ အဆင်ပြေအောင် ရိုက်ပေးတာများပါတယ်၊ အလုပ်ကလေးပုံမှန်လေးရှိနေအောင် ရိုက်နေကြတာပေါ့၊ မင်းသမီးစျေးမျို းသွားပြီးတောင်းရင် ဘယ်ရမလဲ၊ မဟုတ်ဘူးလား၊ တစ်ချို့ ပရိုဂျူဆာတွေကျတော့ အနုပညာကြေးပေးတာ အရမ်းနည်းတယ်၊ မမကြီးတို့က ဟယ် နည်းနည်းလောက်တော့ တိုးပေးပါလို့ပြောတော့လည်း ပေးပါတယ်၊ တိုးမပေးလည်း မတတ်နိုင်ဘူး ရိုက်ရတာပဲလေ၊ အဲ့လိုတော့ သွားနေတာပေါ့နော်” လို့ ဇာတ်ပို့ ဇာတ်ရန် သရုပ်ဆောင်ဖြစ်တဲ့ မျိုးမျိုးခိုင် က ရှင်းပြပါတယ်။

အဲ့ဒီလို သရုပ်ဆောင်ရာမှရရှိလာတဲ့ အနုပညာကြေးနဲ့ စနစ်တကျခြွေတာအသုံးပြု ရပ်တည်ခဲ့သလို ရုပ်သံလိုင်းတစ်ချို့ရဲ့ ကမ်းလှမ်းလာမှုတွေအရ မေတ္တာဖြင့် ဝင်ကူညီပေးခဲ့ရတာတွေလည်း ရှိတယ်လို့ သိရပါတယ်။

“မမကြီးတို့က ကိုယ့်ကိုအကူအညီတောင်းလည်း ကူပေးလိုက်တာပါပဲ၊ ဝါသနာကလည်း မတားနိုင်တာရယ် ကိုယ့်ရုပ်ပုံကို မြင်နေစေချင္တာလည်း ပါတာပေါ့နော်၊ ၂၀၀၆၊ ၂၀၀၇ လောက်တုန်းကတော့ အနုပညာကြေး စျေးလေးကောင်းခဲ့တယ်၊ အဲဒီရတဲ့ပိုက်ဆံနဲ့ပဲ အစ်မ သမီးလေးတွေကို ကျောင်းထားပေးတာပဲလေ၊ အခုပဲ တက္ကသိုလ်တက်နေတာ ကျောင်းပြီးတော့မယ်၊ ပရမ်းပတာချည်းပဲသုံးနေရင် အဆင်မပြေဘူးပေါ့၊ မမကြီးတို့ အနုပညာက ကျော့ကျော့လေးနေရပေမယ့် အရမ်းစိတ်ပင်ပန်းတယ်၊ ကိုယ့်စိတ်နဲ့ကိုယ်မဟုတ်ဘူး၊ ဇာတ်ကောင်ကာရိုက်တာသွင်းပြီး သူများစိတ်သွင်းပြီးတော့ လုပ်ရတယ်၊ အခုလို နွေရာသီကျရင် အိမ်ဖော်တို့ဘာတို့ အဲ့ဒီလိုကာရိုက်တာမျိုး ရိုက်ချင်တာပါ၊ ဘာလို့လည်းဆိုတော့ သိပ်ပြီးတော့ ပြင်ဆင်စရာမလိုဘူးလေ၊ ရာသီဥတုကလည်း ပူတယ်မဟုတ်လား၊ လောလောဆယ်တော့ ဇာတ်လမ်းတွဲရိုက်နေတာ တစ်ခုရှိတယ်၊ ရုပ်ရှင်ကားတစ်ကားကတော့ ပြောထားတာတော့ရှိတယ်၊ သိပ်မသေချာသေးတော့ မပြောရဲသေးတာပါ၊ ကိုယ်ကျရာဇာတ်ကောင်အနေနဲ့ ပီပီပြင်ပြင်လုပ်ချင်တယ်၊ အနုပညာအလုပ်တွေကိုလည်း လုပ်နေဦးမှာပါ၊ ခြွေတာစား ခြွေတာသုံးရင်းနဲ့ အနုပညာအလုပ်တွေ လုပ်နေဦးမှာ” လို့ သူမက ဆက်လက်ရှင်းပြပါတယ်။

အနုပညာအတူလုပ်ရင်း ခင်မင်ရင်းနှီးတဲ့သူတွေနဲ့ ပွဲမှာတွေ့လေ့ရှိတာကြောင့် သူမကိုဖိတ်ကြားတဲ့ ပွဲတွေကိုလည်း မဖြစ်ဖြစ်အောင် ကြိုးစားပြီးတက်ရောက်နေတယ်လို့ သိရပါတယ်။

မင်းခေတ်လင်း
ရန်ကုန်၊ ဖေဖော်ဝါရီ - ၁၉

( Zawgyi )

ယခုေနာက္ပိုင္းမွာ ဇာတ္ကား႐ိုက္ကူးမႈလည္း အရင္ေလာက္သိပ္မမ်ားေတာ့ဘဲ တေျဖးေျဖးနည္းလာတာေၾကာင့္ ရတဲ့အလုပ္အေပၚမွာ အႏုပညာေၾကးေလးေတြကို ေႁခြတာသုံးစြဲရင္း ရပ္တည္ေနရတယ္လို႔ ဇာတ္ပို႔ ဇာတ္ရန္ သ႐ုပ္ေဆာင္ မ်ိဳးမ်ိဳးခိုင္ က ေျပာပါတယ္။

“မမႀကီးတို႔ ဟိုးအရင္ေခတ္ေတြေလာက္ေတာ့ သိပ္မေကာင္းေတာ့ဘူး၊ အဓိကသ႐ုပ္ေဆာင္ေတြကလည္း ဟာသေတြ ဝင္ၿပီးလုပ္လာတာေတြလည္းရွိပါတယ္၊ အဲ့ဒါကလည္းတစ္ပိုင္းေပါ့၊ ေခတ္ကာလအရကလည္း နည္းနည္းေျပာင္းလာတာေတြေၾကာင့္လည္း ပါတယ္ေပါ့၊ အဲ့ဒါေၾကာင့္လည္း လာငွားရင္ ငွားတဲ့ေစ်းနဲ႔ အဆင္ေျပေအာင္ ႐ိုက္ေပးတာမ်ားပါတယ္၊ အလုပ္ကေလးပုံမွန္ေလးရွိေနေအာင္ ႐ိုက္ေနၾကတာေပါ့၊ မင္းသမီးေစ်းမ်ိဳ းသြားၿပီးေတာင္းရင္ ဘယ္ရမလဲ၊ မဟုတ္ဘူးလား၊ တစ္ခ်ိဳ႕ ပ႐ိုဂ်ဴဆာေတြက်ေတာ့ အႏုပညာေၾကးေပးတာ အရမ္းနည္းတယ္၊ မမႀကီးတို႔က ဟယ္ နည္းနည္းေလာက္ေတာ့ တိုးေပးပါလို႔ေျပာေတာ့လည္း ေပးပါတယ္၊ တိုးမေပးလည္း မတတ္ႏိုင္ဘူး ႐ိုက္ရတာပဲေလ၊ အဲ့လိုေတာ့ သြားေနတာေပါ့ေနာ္” လို႔ ဇာတ္ပို႔ ဇာတ္ရန္ သ႐ုပ္ေဆာင္ျဖစ္တဲ့ မ်ိဳးမ်ိဳးခိုင္ က ရွင္းျပပါတယ္။

အဲ့ဒီလို သ႐ုပ္ေဆာင္ရာမွရရွိလာတဲ့ အႏုပညာေၾကးနဲ႔ စနစ္တက်ေႁခြတာအသုံးျပဳ ရပ္တည္ခဲ့သလို ႐ုပ္သံလိုင္းတစ္ခ်ိဳ႕ရဲ႕ ကမ္းလွမ္းလာမႈေတြအရ ေမတၱာျဖင့္ ဝင္ကူညီေပးခဲ့ရတာေတြလည္း ရွိတယ္လို႔ သိရပါတယ္။

“မမႀကီးတို႔က ကိုယ့္ကိုအကူအညီေတာင္းလည္း ကူေပးလိုက္တာပါပဲ၊ ဝါသနာကလည္း မတားႏိုင္တာရယ္ ကိုယ့္႐ုပ္ပုံကို ျမင္ေနေစခ်ငၱာလည္း ပါတာေပါ့ေနာ္၊ ၂၀၀၆၊ ၂၀၀၇ ေလာက္တုန္းကေတာ့ အႏုပညာေၾကး ေစ်းေလးေကာင္းခဲ့တယ္၊ အဲဒီရတဲ့ပိုက္ဆံနဲ႔ပဲ အစ္မ သမီးေလးေတြကို ေက်ာင္းထားေပးတာပဲေလ၊ အခုပဲ တကၠသိုလ္တက္ေနတာ ေက်ာင္းၿပီးေတာ့မယ္၊ ပရမ္းပတာခ်ည္းပဲသုံးေနရင္ အဆင္မေျပဘူးေပါ့၊ မမႀကီးတို႔ အႏုပညာက ေက်ာ့ေက်ာ့ေလးေနရေပမယ့္ အရမ္းစိတ္ပင္ပန္းတယ္၊ ကိုယ့္စိတ္နဲ႔ကိုယ္မဟုတ္ဘူး၊ ဇာတ္ေကာင္ကာ႐ိုက္တာသြင္းၿပီး သူမ်ားစိတ္သြင္းၿပီးေတာ့ လုပ္ရတယ္၊ အခုလို ေႏြရာသီက်ရင္ အိမ္ေဖာ္တို႔ဘာတို႔ အဲ့ဒီလိုကာ႐ိုက္တာမ်ိဳး ႐ိုက္ခ်င္တာပါ၊ ဘာလို႔လည္းဆိုေတာ့ သိပ္ၿပီးေတာ့ ျပင္ဆင္စရာမလိုဘူးေလ၊ ရာသီဥတုကလည္း ပူတယ္မဟုတ္လား၊ ေလာေလာဆယ္ေတာ့ ဇာတ္လမ္းတြဲ႐ိုက္ေနတာ တစ္ခုရွိတယ္၊ ႐ုပ္ရွင္ကားတစ္ကားကေတာ့ ေျပာထားတာေတာ့ရွိတယ္၊ သိပ္မေသခ်ာေသးေတာ့ မေျပာရဲေသးတာပါ၊ ကိုယ္က်ရာဇာတ္ေကာင္အေနနဲ႔ ပီပီျပင္ျပင္လုပ္ခ်င္တယ္၊ အႏုပညာအလုပ္ေတြကိုလည္း လုပ္ေနဦးမွာပါ၊ ေႁခြတာစား ေႁခြတာသုံးရင္းနဲ႔ အႏုပညာအလုပ္ေတြ လုပ္ေနဦးမွာ” လို႔ သူမက ဆက္လက္ရွင္းျပပါတယ္။

အႏုပညာအတူလုပ္ရင္း ခင္မင္ရင္းႏွီးတဲ့သူေတြနဲ႔ ပြဲမွာေတြ႕ေလ့ရွိတာေၾကာင့္ သူမကိုဖိတ္ၾကားတဲ့ ပြဲေတြကိုလည္း မျဖစ္ျဖစ္ေအာင္ ႀကိဳးစားၿပီးတက္ေရာက္ေနတယ္လို႔ သိရပါတယ္။

မင္းေခတ္လင္း
ရန္ကုန္၊ ေဖေဖာ္ဝါရီ - ၁၉