【 သရော်စာ 】 “ကျွန်တော်နှင့် မှောင်ခိုဆံသ”
ခေါက်တံခါးလေးချပ်အနက်မှ တစ်ချပ်လေး ဟထားသည်ကို တွေ့ရသဖြင့် ကျွန်တော့်ရင်ထဲ ဒိန်းခနဲဖြစ်သွားသည်။ဆိုင်ထဲသို့ အသာလှမ်းကြည့်လိုက်၏။
Mask တပ်ထားသော ခေါင်းကလေးတစ်လုံး ပြူလာသည်။
“ရလား”
ကျွန်တော်က လေသံဖြင့် မေးလိုက်သည်။
သူက ခေါင်းဆတ်ပြလိုက်၏။လက်ယပ်ခေါ်၏။
ပတ်ဝန်းကျင်အခြေအနေကို ကျွန်တော်အကဲခတ်လိုက်ပြီး ဟ ထားသော တံခါးချပ်ဆီသို့ လှမ်းခဲ့လိုက်သည်။
“ကျွန်တော်လည်း မနေနိုင်တော့လို့ပါဗျာ..ဟူး...တော်သေးတာပေါ့”
“ကျွန်တော်တို့လည်း ဒီနေ့မှ အခြေအနေကြည့် လှုပ်ရှားရတာ..လာ..လာ”
ကျွန်တော်က လက်ဖြန့်ပေးလိုက်သည်။